قصيدة مافات مات

قصيدة مافات مات ، قصيدة حلوة

كل ما مضى فاتك وما فات قد مات
لا تنبش التابوت من عقب دفنه
اقطع حبال الماضي بزين الاوقات
لا تخرج الذكرى من قبور عفنه
واستل سيف الحاضر بوجه ما فات
لا تنتظر مستقبلك.. جد وابنه
العمر رحله والثواني مسافات
والناس راجل أو على ظهر هجنه
لا باس يالملدوغ قلنا سلامات
دنياك حيه سمّها فيك فتنه
دنيا الدنايا ما بها الا الدنيات
واللي دنا منها دموعه بجفنه
والناس تلهث خلفها للريالات
الا النفوس اللي من الموت خفنه
اتبع هواك يدخلك في متاهات
مسكين ياللي للهوى قيد رهنه
والغافل الفاسق جنى له جنايات
واللي ذنوبه شرك ما ينمسحنه
والناس في هالكون صاروا مقامات
بالمال يا كم من رخوم(ن) وشخنه
والعالم الجهبذ عليه انتقادات
المثمرات من الشجر ينحذفنه
واللي تدرع بالتقى وسيف الآيات
والذكر خيله والأحاديث رسنه
له في القيامة مغفرة ثم جنات
جنات ربي غير ما ينوصفنه
وفدنيته ربي يقيه الملمات
ويصبره ربي على كل محنه
الزم طريق الخير رغم المطبات
واحذر طريق الشر لو طاب وسنه
ترى المكاره في طريق المسرات
واللي يحوّل عنه يا غبن غبنه
والنار محفوفه بكل الملذات
والبعض غارق في الملذات لأذنه
يا الله تكفينا شرور البليات
وشر العيون الحاسده لا حسدنه
وشر النميمه والكذب والإشاعات
وشر البخيل اللي شكا منه بطنه
ويا الله تخمد نار كل العداوات
وتثبت قلوب البشر لا يزغنه
وتغفر لنا يا رب واخص بالذات
الأمهات اللي علينا تعبنه
وختامها صلوا على محطم اللات

لــ / ناصر الشدوي
محمد اللي بالهدى هل مزنه

تسلم ذوق رائع

روعة تسلم على الإختيار المميز

قصيدة مميزة شكرا لك ع النقل