قصيدة الرحيل

قصيدة رائعه ، قصيدة رحيل الحب ، قصيدة يبين الشاعر فيها عن الالم الذي حل به ، قصيدة يبين فيها بأنه عانا الكثير بسبب فراق الحبيب


رضيت بالحزن عمر وبالمواجع خليـل

وقدرت اعيش بحيـاةٍ باهـتٍ لونهـا

عودّت نفسي مدامي جيت عابر سبيـل

كل ما دهتني مصيبـه قلـت ياهونهـا

عاصرت من دورة الأيام شـيٍ مهيـل

ومريت بـدروب غيـري مايمرونهـا

من كثر ماشلت ماباقي بجوفي مشيـل

روحي تدور معيـن ولا لقـت عونهـا

كم شجرةٍ جيت أدور لي تحتهـا مقيـل

وحتت ورقها وعرّت فوقي غصونهـا

واليا رميت الهموم بسهم صبراً جميـل

اما يجـي خلفهـا والا يجـي دونهـا

اسمع بصدري صياح وهمهمات وعويل

وأردهـا خايـفٍ لا النـاس يوحونهـا

من غربة الروح ضيعت الهدى والدليل

وخطاي تاهت ولابـه مـن يقدونهـا

نهاري أعتم وليلي بالتعاسـه طويـل

الكون مشرق وروحي مظلـمٍ كونهـا

هذي علومي بعد فقد الظـلال الظليـل

مالي من الدور خاويهـا ومسكونهـا

زهدت في عيشتي بعد ام طرفٍ كحيـل

ياليتي ادري بتالي الوقـت وشلونهـا

عهدي بها يوم تروي قلبي السلسبيـل

من قيظ الأيام توردني علـى عيونهـا

وتفيض في قلبي الظميان شوق وتسيل

وأروى ولا أروى وأعود أظما لماعونها

وان سولفت كني أسمع للحمايم هديـل

وأقوم أغنـي لهـا والاحـي لحونهـا

كان اختصار الأنوثه في جسدها النحيل

يلغي جميع النسـا بعيـون مفتونهـا

كنا سوى والزمن بالوصل مده جزيـل

ذقنـا حـلاة الحيـاه اللـي يقولونهـا

ومن ذاق قلبه حنان منقضات الجديـل

والله لتشتالـه الدنيـا علـى متونهـا

وانا بعد ما أهتنيت أقفت وحل الرحيـل

وياويل حالـي ليـا قامـو يطرونهـا

بابقى عليلٍ يحركـه النسيـم العليـل

لاهب في قاع روحـه جنـت جنونهـا

ومادام راحت مابي من حلمي الا القليل

أن عشت في قلبها وان مت فعيونهـا



للشاعر الرائع / مرزوق الروقي

روعه من شاعر رائع

طرح مميز تسلم ع الذوق الراقي

روعة تسلم على الإختيار المميز

صح السانه وتسلم