اجمل شعر عن ابن العم

انا ولد عمك ساعة الضيق و إشتد
ابشر بعزك في نهار العزاوي

وان صار باب الحظ في وجهك إنسد
فاصبر عساها ماتخيب الرجاوي

و ان كان صبرك قد تعدى على الحد
سقها و انا لك للمهالك مخاوي

ــــــــــــــــــ

ابن عمك لا زعلك شرّه عليه
يقنعك بالحق ولا تقنعه

انشده وشجاه و الاويش فيه
انشده ولا تقاطعه اسمعه
حتى لو انه المخطي .. ما عليه
مشّها مادامها تمشي معه
و كانك المخطي وهو رايه وجيه
اصمت و لو يوجعك لا توجعه
وكان قصّر وأنت عادك ترتجيه
لا تقصر فيه لا جاك أنفعه
ساسه الطيب على الطيب يحديه
ياصلك حتى لو أنك تقطعه
وإن بلاك الله برجال سفيه
روح فـسناعك وخله في سنعه
صد عن وجهه على شان الوجيه
من ضياق الجهل الى عقل السعه

الشاعر / عبدالله علوش

ــــــــــــــــــــــــ

ياهجوس الشاعر اللي كل موقف يحتمي له
يحمي الميقاف مايحسب حساب الجاهليني

لا دعاني ابن عمي واجبن علي اجي له
اعزف اله ابيات شعرن تشبه الدر الثميني

في محل عويقل اللي كل حملن يرتكي له
أرحبو حياكم الله يالرجال الحاضريني

عند شيخن مدته من ماضي الدنيا جزيله
ماتغيرها الليال ولا تغيرها السنيني

مرحبا ترحيب خمس نجوم بضيوف القبيله
حسب عادات الجدود وحسب سلم الاوليني

مرحبا ترحيب وافي يشفي النفس العليله
يفرش البيدا ورود ويذبح الكبش السميني

الدلال الصفر يشبه لمعها سيوفن صقيله
شوفها يشفي ويسعد كل مهموم وحزيني

والحجيري طول عمره مايعرف المستحيله
من شموخه كل صعب وكل قاسي له يليني

سعد من حطه يمينه فالمواقيف الثقيله
والله انه والله انه يدحم بجنبن متيني

قلتها في ليلتن تسوى ثلاث الاف ليله
ياسليل المجد ياذخر الرجال الغانميني

جيت ابارك لك يبن نفاع ياراع الجميله
ياعسى التوفيق فالك كل وقت وكل حيني

ــــــــــــــــــــــــــــ

لا ضاق صدرك وزمانك تحـــــــداك
حول على ريمون يرتاح بالـــــــــك
غايب عن العين والقلب ما ســلاك
ارجع على اهلك وقلي كيـف حالك
ريمون يا بعد عمري فقدنــــــــــاك
بين النشامى على جروبك حـلالك
ما غلطت بحقنا حتى نســــيــناك
ولا غلطنا حتى تبعد خيالــــــــــك
ابو الاديب راعي الاوله لعينـــــــاك
ترخص الك القلوب انت وعيالــــــك
انت الاصيل بعيونا رقبنــــــــــــــاك
تزهي علينا بهيبتك وجمالــــــــــك
العمر ماضي وسعدنا بلقيــــــــاك
خليك معنا بكل لحظة تحلالــــــك
وحياة من رفع سمانا بلا مدمــاك
وخلى القريحة تجود كرمالـــــــــك
ما عمرنا سلينا طيبة سجايــــــاك
ولا نسينا منك يا زين موالــــــــــك

ـــــــــــــــــــــــ

..اناولد عمك ...
انا ولد عمك الي لياطحت شالك
لاضاقتك دنياك والوفاء بك مال

انايمينك شدني في شمالك
انا ولد عمك لاديرت فيك الاحوال

خذني عصى موسى لوكنت هالك
انا ولد عمك لو تركوك الاصحاب

بابقى معك واشد رحالي في يمينك
انا ولدعمك لومابقى لك عزوه واسناد

انا عزوتك في دنياك ولو حطوك هالك
انا ولد عمك تكفي تكون اشافع المبحوث

تكون شفعية مابيني وبينك قدام عذالك
هذا انا عزوتك ليا طحت شالك وهالك

انا معاك معاك ولوكنت باعالي هالك
يكفيك لو قالو اني ليا صرت عانك

لوخيروني بين حد السيف ووصالك
يكفي انك ولد عمي ليا طحت شالك

ــــــــــــــــــــــــ

بديت باسم الله رب السماوات
يا واحد يعلم بما في الصدور
اقوال من صلب الخاطر والذات
مااراوغ عنها و لا الف و ادور
في دروب الحكم ماشي بالثبات
مااخالف السير ونظام المرور
اعدي وانافس الجبال النايفات
بقصور ما شفت مثلها قصور
خلقني الله في دروب الطايلات
في وقت ياما كفو والا معثور
تجري في دمي نعم الحميات
صفات موروثه مع زين الجذور
حب الرفق والعنٌُُوه والقرابات
محبه وموده عليها مجبور
ياابن عمي ماتخيب فيك الهقوات
لو انقطع عن لقانا سنين وشهور
والا حصل سوء تفاهم وخصومات
وكبرت علي واجحفت بالشعور
ما اتبُع العثره واطُرد الزلات
حتى لو ما اعتذرت فانت معذور
واليا تكرر خطاك مرات ومرات
على خطاكم باكون والله صبور
ما علي من كلام اهل الاشاعات
اللي علمهم من دبور في دبور
فدوة لك فدوة لك واللي فات فات
حتى لو القضيه مثل دارفور
ياابن عمي معك في سنين مدلهمات
اقف في جنبك وانشا الله ما ابور
ما اتهنا المعيشه وحلو المبات
وابن عمي لحقه ميلات و جور
واذا حصلك من هل العدا لذعات
وابتلوك وكثروا عليك الشرور
والله لا اركب على عاديات سابقات
عقبها جهزو لاهل العدا قبور
لا انصرك واخلي رايتك تعدي الرايات
لو دونك الروح والدم منثور
والله اني لأسُرك وتشهدالوقفات
لو مهمتك فيها الراس منخور
الله يديمك على العز والمسرات
ومن صدوف الدهر جعلك ماجور
ياابن عمي معاك في المقديات
واخالفك في كل فعل محظور
ادعمك في علم الجمايل والطيبات
علم يخليك بكل حزه فخور
ومستقبلك ولوكثرت فيه الكبوات
وصابك يابن عمي الملل والفتور
فلا تجعل حياتك اهات في اهات
شد حيلك وخله يفج النحور
سعد عيني لاشفتك من كبار الشخصيات
وشورك اللي يغطي كل شور
واكتسيت بالوفا واطلق السمات
وفي طابور الفزعه راس الطابور
لك عندي طيب الكمبودي بالاوقيات
واعد لقدرك من شحم الجزور
اطوى ياابن عمي قديم الصفحات
واترك بيننا من الموده جسور
كلامي والله من صافي النيات
اصفى من صفا اللولو والبلور
ماهو زيف الكلام ومجرد حكايات
والا كلام بهتان يخالطه زور
من ضمير صافي ماهو سلة مهملات
جعلك ياعزاي في العمر مسرور
ـــــــــــــــ

لاشفت ابن عمك يحدك على اقصاك
وينرفزك ويـــــــــــــدور اللي يغثك
ولايحشمك لاجيت وان رحت يشناك
مصيبة لا صار مثله يخصــــــــــــك
ويضيق لابسطت ويفرح بمبكـــــــاك
ووده اظروف الوقت غصبن ترصك
ابعد ترا بالبعد طبن لبــــــــــــــلاوك
تلقى مع الاجناب حيـــــن يــــــــودك
لا تلتفت له وانت ماشي بممشـــاك
خله عسى بقعاء تنسية حـــــــسك
مامن وراء عوج القربات فكـــــــاك
مافادبه لوكــــــــان قربة بجــــــــدك

ـــــــــــــــ

صح لسانك يالسامر
احد الشعراء ينصح ابنه:
جمال خذ مني نصيحه مفيـــده
مايعترضها كل ناقد وهـــــــــراج
ترفعك للعليا وعزن تريــــــــده
وتصير لك يا بني طبيعه ومنهـاج

انصحك لاتراقف خبيث العقيده
يضحك معاك وقلبه اسود من الصاج
تراه ماعنده صـــــــداقه جديده
الا ان له عندك لزوم ن ومحتــــاج
مجربه قبلك سنيــــــــن عديده
وفتشت صندوقــــــه وقلبت الادراج
وبعض القرابه حية لك مسيده
بجنوبها تمشي وتقرص وتنعاج
وعليك في قلبه حراره حديده
وجعتك مطلوبه وشرهتك له تاج
وفي كل يوم مدبرن لك مكيده
وغماز لماز وعن الحق مواج
انذرك عن هذا بلهجه شديده
قربه وتبعه كسر ناموس وحجاج
وسع ضعونك عن ضعونه بعيده
والبطن علاته ترى مالها علاج
وعليك بالطيب وخلك عضيده
يفزع ليا احتجته ولك نور وسراج
وسلك مساليك الدروب الحميده
ورافق هل الطالات وابعد عن الداج
واغنم زمانك بالليال السعيده
ومن جاك رحب به ولاتطرد الهاج
ولايصير لك راع النمايم قعيده
في القلب سمار وفي الوجه بلاج
يحلف ليا اوعدته وينقض وعيده
وغيبه ردي وكل يومين له عاج
ومسحوب من بنك الكرامه رصيده
حتى العرب سموه ساذج وهرباج
وبالعكس هو يشوف نفسه وليده
لو كان مصدر للمشاكل والازعاج
وهذي وصوف اهل الوجيه المريده
والشين ماينفع جماله بمكيـــــــاج
والعلم مايفيد اهل القلوب البليده
وتعليمهم يدع المعلم للاحـــــــراج
وان كان ماعندك حبال جويده
تهلك لو انك على جــــــــال هداج
ومن لامشى بافكار واريا سديده
ترميبه الغلطات في وسط الامواج
وبالغصب محدن للطريقه معيده
لانه على ماقال من يوقف الحـــاج
والمعــــــــتدل لعل ربي يزيــــده
من الخير والتوفيق من وال الابراج
صايب له افواج ومخطي له افواج
ومن مازرع كل ن يبين حصيده
ويبين المزروع ثمرات الانتـــــــاج