شعر عراقي مكتوب عن الحب

شعر عراقي ، اشعار عراقية مكتوبة



اشعار رومانسية عراقية عن الحب

بديت اشتاقلك يومية واحتار
واذا مايووم اسمع صوتك احزن
جبت كلبي بيدي كربته للنار
وليش بنار حبك كلبي أمن
أخاف اعيوني من الشوك تنهار
وخايف لا يجيهن يوم يبجن
ويدمع اعيوني ينزل مو دمع نار
وكل دمعه شهر من توكع اصفن
ينشدوني عليك شلون وضعه وياك …
واكلهم مو طبيعي اهواي داراني.
وتطردني من ادك بابك وأكل للناس
طار من الفرح لمن تلكاني .
اشطبتني من سجلك واني اكل للناس
شطبني من سجله للكلب وداني
…كالولي يكرهك كلت غلطانين
يكرهني بشقه وبصدك يهواني
كالوا شلع كلبك كلت يعني اصار
شكو بيه اذا محبوبي شاقاني

اهيم بشوك وصلك وانثر الروح
وعلة اشفافك ثلج من تنزل اشفافي
واعض اشفاف حسنك واشتعل نار
وكطعهه بصدك ياكلمة الكافي
لمستك **ت بيدي وذوبت الاشواك
الطريق اطويل اكعد تعبت اجتافي
واحس رجفة ابغرامك والكلب عطشان
اريد اشبع وحسن بيك متعافي
واريد بايدي اجتفك تنسجن بحساس
وعلة اوصافك اريد اطبعهه لاوصافي
وبادلني بغرامك خل اهيما بيك
بس اكعد حبيبي وانتة الك صافي



والله اني مفارق شعر الغزل
بس من شفتك وأنا ببحره غريق
كامل الأوصاف والحسن اكتمل
كملك ربي وخصك بالخليق
من كحل عينك عيوني تكتحل
وان تناظر بي يجي بعيني بريق
القمر وان شاهدك غاب وأفل
يستحي في محجر عيونك يويق
صورك ربي سبحانه وجل
تاج زين الكون بك وحدك يليق
القصايد كلها لك والجمل
تستحق الشعر دامك تستذيق
ياصلك شعري وأنا مابعد أصل
كل ما أقدم دروبك لي تضيق
ارتويت الشعر فيني للثمل
وصرت أهوجس في قصيدي وأستريق
ليتني يازين في عمر الجهل
وليت ربي ماجعلني لك عشيق
قبل أعرفك كنت مو هاوي غزل
ومن عرفتك شب في قلبي حريق
احبك مو لأن انت حلو…لا
لأن روحي التقت گبلي… ولك بيك
اذا إنت تمُّر عا الأعمى يصيح الله
والأخرس لـَّون حاچيتة يحاچيك
أذب گلبي إعلى سهمك وآنه مجروح
واگلك دير بالك اخاف أأذيك
إجرَّحني ولك بس كون عالكيف
لأن إنت ويَّـه دمي وخاف أبديـِّك
إجرحني ولـك بس كون ماموت
حتى مـِّن يتهموَّنك أبريّك
على المراية وگفـت ما شفت وجهي
وشفت وجهك طلعلي وگمت احاچيك
وثبت بمرايتي وجهـك مرايات
واباوع وجهها مرايتي بيك
بگذلتك شِّد رگبتي وطلع الروح
اريدنها بعد تتگرب إعليك
انت بحضني واگول بعيد
اريدن هيچ كون آنه انخبط بيك
بيا شارع مشيت گبالي الاگيك
افوت بغير شارع هم الاگيك
ارد للبيت گبلي الگاك بالباب
اطب گبلي تطب وتگلي اتانيك
بغيرك فكرت كلت آنه انساك
طلع غيرك يشبهك وفكرِّت بيك
طلع غيرك يشبهك وفكرِّت بيك

علامه بكل درب صرنالك شلون
تمر وتكــــــــــــــــــول ماشفت العلامه
يتامه وننتظر جيتك واذا جيت
يبين العيد بوجــــــــــــــــــــوه اليتامه

كبل جانت الدمعه بعيني بت بيت
حتى الرمش مايدري بيها
وهسه اعليك ضلت كاضه الباب
الرايح واليجي يعاين اعليها

ياباقه ورد اهديلك انت شلون
الورد منك خجل مايدخل السله
لان مثلك ورد متواجد بهل كون
اذا انت الورد في عالمك كله
ـــــــــــ

أحبّك مو لأن انت حلو- عبد الحسين الحلفي

أحبك مو لأن انت حلو لا

لأن روحي التقت كبلي ولك بيك

اذا إنت تمُّر ع الأعمى يصيح الله

والأخرس لَّون حاچيته يحاچيك

أذب كلبي على سهمك وآنه مجروح

واكلك دير بالك أخاف أأذيك

إجرَّحني ولك بس كون عالكيف

لأن إنت ويَّه دمي وخاف أبديِّك

إجرحني ولك بس كون ما موت

حتى مِن يتهموَنك أبريّك




على المراية وكفت ما شفت وجهي

وشفت وجهك طلعلي وكمت أحاچيك

وثبت بمرايتي وجهك مرايات

وأباوع وجهها مرايتي بيك

بكذلتك شِّد ركبتي وطلع الروح

أريدنها بعد تتكرب عليك

أنت بحضني واكول بعيد

اريدن هيچ كون آنه انخبط بيك

بيا شارع مشيت كبالي ألاكيك

أفوت بغير شارع هم ألاكيك

أرد للبيت كبلي الكاك بالباب

اطب كبلي تطب وتكلي أتانيك

بغيرك فكّرت كلت آنه أنساك

طلع غيرك يشبهك وفكرِّت بيك

طلع غيرك يشبهك وفكرِّت بيك

ـــــــــــــــــ

راح اعرض عيوني اليوم للبيع
وابيع بنص سعر لليشتريها
بعد فرگاك ما أحتاج العيون
عين الما تشوفك شلّي بيها



احبك واعترف

احبك واعترف بس عفتك تروح
مو صوجي ولكن صوج شخصيتي
ماتقبل تذلني كبال هذا وذاك
مو شغلة تكبر هاي تربيتي

ياخذني قطار الليل ترچيه
و أطيح بسچه زلوفك
اليحرگ بابكم مو ريح
روحي متانيه تشوفك
شحلات النوم و طيوفك

اوداعتك كلّك نسيتك
اِلّا بلبل ضال من صوتك بروحي
من أسمعنّه بصفنتي
كل شي بيّه آيكَول آجيتك

اشعار عراقية قصيرة
مشتاگلك
تندلني ماتندلني
يا بعد ذنيچ السنين وذني
هو آني عمري امعلگ ابدربڪ خيط
وابڪيفڪ تزغرني وتڪبرني

حتى الطيف وحشه بلا ضوه عيونك
يما تدري افز مثل المسودن
من يذكرونك
يمته وياي يلگونك
صحيح بعيد بس گلبي شعر بيك
حزين وباقي بس يكتب شعربيك
عجيبه شلون ظل اسود شعر بيك
وانا بفرگاك ماظل شعر بيه

المهرة الاصيلة تريد خيال
وانتة خيالك مال وصرف
شما علت النخلة تحتاج للماي
وهاي الشغلة ما بيهه نختلف

ـــــــــــــــ

اظل وياك لاخر هزه ما طيح وادور اشما درت بينه يغربيل
اطيح اشلون خلها الريح تندار اظل وياك تالي الليل لليل
لان مثل الشلب والماي والطين بعشكنه اشكد حجوا كالوا مخابيل
يبرحي ويا رطب غايص يكنطار عليك احتامت وياي الهناديل
يحذاف وكطه صافن عليك هواي اجيب منين حيل وهدني الحيل
اخاف عليك من ذوله اليعشكون لون صادوك بحلوك المحاجيل
اون عليك ونة حمد ملهوف يكل للريل صيح وياي ياريل
مثل دكات هاون كلبي اعليك يهَيل الما يمل لو شمك الهيل
خذت ولفي وكل للوين لا وين ونه العندي خيال يسابك الخيل
الاكيك بدرب ما حسبت بيه على جروف المحبه اشتل مواويل

عل كيفــــك علي من تشمر الكلمات

اذوبن لايغـــــرك مظهري وشكلي

من كبريت كلبي مو حديــد اشبيك

بس ادكلي احبك اشتعل كلــي

كون بلا حجي نتكابل اني وياك
بعيوني السوالف كلهن اشرحهن
واسولفلك عليك شكد اسولف بيك
كبل لا جنت اعرفك بيه اسولفهن
سواليفك حفظ ماتنكتب باقلام
على خطوط الجفن برموشي كاتبهن
كبل يومين اعرفك مو كبل سنتين
وكبل سنتين جن عيونك اعرفهن
سامع بالسوالف تنحجه وتنكال
بس بيك السوالف سكتة سامعهن

ــــــــــــ

مقتطفات رومانسية رائعة

ترس روحي الضباب وبينت وياك
كلي بروحك امشي وجرحي ما شفته
انه بالنسمة أعثر وانت قيس الحال
مو جدمي وراك خيالي ما شلته
وأجي بواهس عذر وحروفي مني تطيح
واتبده اعلى وجهك مستحى وسكته
وأنخل غير وجهك واليطيح تراب
وانكتهم واهزهم بس تظل انته
رمح فركاك إجاني مسابك ويا الريح
ماقصرت تسلم بالنفس جبته
بس المحترك يفهم حجي الدخان
ويعرف حرورته ويفهم سبب علته
مثل عاشك بغربة ومره وكت غروب
يفرفح من يمر طاري الهوا يموته

صير على جفني كحل
حليني بين السمر تعبني ذرف الدّمع
بس ما طفالي الجمر بركان في داخلي
ويا خوفي لا ينفجر شو مأخرك ما تجي
ما ظل إلك كل عذر
أهلال جرحك كمل أي كمل وأصبح بدر
صدكني حيل اتعبت حبّك عسر مو يسر
اترجيت وتوسّلت بيك شكثر وشكثر
ما فاد بيك الرجه وجبرتني لهل أمر
ما بعد أضلن شهد خلّيك منّي حذر
واحجيها لا تستحي كول أنت طبعك



عيوني من السهر مالت وسالت
وعليه احباب مانشدت وسالت
الف دمعه الجرت مني وسالت
ولا دمعه الجرت منكم عليه

اشما تمر سنين وتمر ليالي
باقي انته بالدلال الغالي غالي
حسـره إلك بالدلال ظـلـت لما أمـوت
ماتدري حقها الناس إصوابي بسكوت
كل مره اكول انساك بس مو بديه
ارجع واضل اهواك غصبن عليه


محتاجة كلش إلك – شهد الشمري

محتاجة كلش إلك يلي شاغل انت الفكر

محتاجة إلك مو حجي وارتاح من ينذكر

هنيّاله من كابلك يا أحلى صورة شعر

محتاجة إلك ما تجي ما باقي شي بالعمر

زعلان؟ ليش الزّعل زعلان آنه اعتذر

بس ارجع لخاطري صير على نحري




عطر

صير على جفني كحل

حليني بين السمر تعبني ذرف الدّمع

بس ما طفالي الجمر بركان في داخلي

ويا خوفي لا ينفجر شو مأخرك ما تجي

ما ظل إلك كل عذر

أهلال جرحك كمل أي كمل وأصبح بدر

صدكني حيل اتعبت حبّك عسر مو يسر

اترجيت وتوسّلت بيك شكثر وشكثر

ما فاد بيك الرجه وجبرتني لهل أمر

ما بعد أضلن شهد خلّيك منّي حذر

واحجيها لا تستحي كول أنت طبعك


غدر

حبّك تحيّة صبح ما تلفض بالعصر

روح وبعد لا ترد شي عادي صار الهجر

اللي ما عرف معنى العشك ما بعد أحطله كدر

جانت درجتك ألف بس هسّه صارت صفر


أحبّك

أنا بس بالكلام وذايب بحبّك

وأفكر بيك أنا في ليلي ونهاري

إذا شفتك صدّك شو يصير أنا بحالي

أظن يغمى عليّ وافقد إبصاري

تعال وصير إلي بالحب غطا وفراش

ودفّيني بحنانك واعرف أسراري

أحبّك كالطفل من يهوى صدر أمّه

يموت من القهر لو فطمته إجباري

زرعتك بالعشق وردة وصرتلك ماي

غصن حبّك شرب من أعذب أنهاري

أنا بدونك مثل بيت أنهدم ساسه

تعال ابني أساسي وابدأ أعماري

حبيبي ارحم بحالي حن على قلبي

أنا بهجرك دمع بعيوني ضل جاري

صرت أنت بقلبي كالنّبض والدم

وسمّيتك حبيبي ملهم أفكاري

تعال وخلي أيدك تشبك أيديّ

واحضنّي وطفّي بالعشق ناري

وخلّي شفتي تشرب مي شفافك

أريد بشفتك ترتوي أزهاري

أريدك كالحمامة تحط على بيتي

وأريدك كالثريّا تنوّر بداري

تعال وصير إلي أنت الهوا والماي

وأريدك كالبلابل تسكن أشجاري

تعب قلمي وأنا اكتبلك قصائد حب

ولكن للأسف ما تفهم أشعاري

يا قمر

بهيدة على بختك يا كمر، مساهر وأريد أشكيلك

انه غريب ابدنيتي مضيّع وادور ابليلك

عن ربعة اهلي ، ودلّة الديوان ، ومواويلك

عن ضحكة البربين لعيون الدلو

عن رقصة الصفصاف والماي الحلو

عن صحبتي، وخلاني، وعيون النّهر

بهيدة على بختك يا كمر

يا غربتي

غربة عصافير التودع عشوشها برفّة جنح

ويا دمعتي

دمعة الكاع اللي تبكي موت اهروشها بجيت الملح

يا دار أهلنا الطاهرة مر العمر

عيون الحب امساهرة وما مش خبر

بهيدة على بختك يا كمر

وك يا كمرنة مروتك حنّي الشواطي بدمعتي

كلهم كبرت أعله الصبر والونّه صارت غنوتي

مشتاق ابوسن دجلة واشرب مايها

واعزف ترانيم المحبّة بنايها

دجلة الهوى، والسّوق، والحب، والسّهر

بهيدة على بختك ياكمر

شعر مميز حلو تسلم على الاختيار