شعر نبطي اصيل وقوي

شعر نبطي اصيل



بياض التجربة

أحب هاجوس الشعر من كـل نـوع
والنادرة تصبـح بـي وامسـي بهـا

والهامة الى ماتعـرف الا الخضـوع
كـم فـي مياديـن الشـرف ترتيبهـا

مـع كبـار السـن يأتينـي خشـوع
وأشعر براحة ما أحـد يـدري بهـا

كم شايب ما هو مـن الدنيـا جـزوع
متمـرس فيهـا وفــي أساليبـهـا

لحيتـه فيهـا شيـب لكنـه قـنـوع
شوفوا بياض التجربـة فـي شيبهـا

ويأعياد ميلاد البـدر ليـت الشمـوع
الي البشر في أعيادها تضحـي بهـا

ماتنور لرجـلا مـن الدنيـا خنـوع
ماتـنـور الا للـرجـال وطيبـهـا

واذا الطلوع أصعب على نفوس التبوع
يامـشـرق احـلامـي وياتغريبـهـا

أنا النزول أصعب علي مـن الطلـوع
ميزة بعـض الاحيـان مـاودي بهـا

وقف هنـا لحظـات خليهـا سبـوع
في الصدر غنـوة ودي اغنـي بهـا

واللي سواتي غنوته جروح ودمـوع
بكيـه ولكـن مستحـي يبكـي بهـا

واذا الخطأ قـدام ياطيـب الرجـوع
مالت على نفـس مـا تستـر عيبهـا

واذا الوقوف يصير من بعـده وقـوع
الجلسـة الــي بينـهـم ياطيبـهـا

ما يذبحك مـن داخلـك الا الطبـوع
الـى تمارسهـا ولا توصـي بـهـا

اطلـب رضـى الله دام قلبـك روع
واثني الصلاة الى تبـي تصلـي بهـا

وضع الجسود يشابه وضـع الركـوع
استحضر الدعوى قبـل تدعـي بهـا

يارب سبحانك عساي مـن الجمـوع
الـي علـى النـار يحـرم تعذيبهـا

القلب في العشر الاواخر جاك طـوع
ويقـول سبحانـك ياعـالـم غيبـهـا

/

الحصان الأبجرى

للحين ياأغلى من سعر نفـط العـراق
سعر الذهب في سويسـرا وانجلتـرا

وانـا عليـك احـن ياحلـو المـذاق
والنـاس ماتـدري لكـن قلـبـي درا

خليتنـي اخسـر منافسـة السـبـاق
اقـــدم الـقــدام وتـعــود ورا

يااميـر قلـب تيمـك تـرى الفـراق
فـي ذمتـي ماهـو بطبـع الامــرا

صاحبك له سمعة على اوسـع نطـاق
ظلالـه لحـالـه اذا خـلـق الله درا

لكنـك تحملـه حمـلٍ مـا يـطـاق
ويقوم بـه مثـل الحصـان الابجـرا

سريت قلبي في رجاء لحظـة عنـاق
وخلفت وعـدك ليـت قلبـي ماسـرا

والجملة الي ماتجي ضمـن السيـاق
ماتنكتـب اصـلا ولاهــي تنـقـرا

وكان احترقت من الهجر موت احتراق
الا بـعـد بقـولـه عـصــى ورا

لانـي محـذرك مـن يـوم الفـراق
الي يدل اهل المـدن واهـل القـرى

محذرنـك والعـروق الـي دقــاق
ماينفعـن وجـروح قلبـي مـابـرى

ولكـن خيلـي يشبهـه ذاك البـراق
ماكأنـه الا يــوم أقـبـل لامـتـرا

وخليتنـي أخسـر منافسـة السبـاق
اقـــدم الـقــدام وتـعــود ورا

/

بن مرخان

من باب تثبيت الوعي يا بن مرخـان
لعيـون دولـة مجتمعهـا ريـادي

زرعت في صحراء الاحساس بستان
يمكـن ألامـس فكرتـه للمـبـادي

أمـثـل المكـتـوم والا النهـيـان
والا الشيوخ الشامخه فـي بـلادي

حصان عزي يسبق في كـل ميـدان
وسهيل مجدي في سما العز بـادي

ولا انتقدنـي واحـد مالـه لسـان
والا معـه لسـان ولسـان عـادي

احاول اوصل غايتي قدر الامكـان
اصنع نجاحي مـن كثيـر انتقـادي

والسر في قلوب الرجاجيل ينصـان
والجاهـل بجهلـه يزيـد التمـادي

والمرجله في عيون هلها لها شـان
مع اعتقـاد النـاس قبـل اعتقـادي

لو صحت في قلوب المقفين يا فلان
مـا فيهـم اللـي يستمـع للمنـادي

وهداية الله مـا تحصـل بالأثمـان
والله يهدينـا وهـو خيـر هــادي

والصبر كنز الروح والذل حقـران
واللي ما عنـده راي تلقـاه غـادي

وانا يا بن مرخـان احسـاس فنـان
احـاول اشـرح فكرتـي للعبـادي

تدري وش احلى بيت سواه حمـدان
لعيـون دولـة مجتمعهـا ريـادي

ما دام كثر الحرب في يد الانسـان
افضل خيار انعيش من دون ايـادي

/

أسطورة المجد

مجارة سمو الشيخ حمدان بن محمد بن راشد آل مكتوم (فزاع) لـ دولة بأهاليها لـ عزام

راسي مصدع ولا ينفع بندوله
ما ينفع إلا القصيدة يوم اسويها

وما كل شاعر أهل الألات غنوا له
قصايد تستحق انك تغنيها

لو كل شاعر يهز المجتمع قوله
كان استوى عالي القمه و واطيها

وانا من العنبره تطيب لي توله
والمسك والعود التزرق في نواحيها

قصيدتي ما تجي والبيت ما اقوله
الا وانا مقتنع ي بيتي وفيها

منها ملوك الشعر في الأنس مذهوله
وملوك جن الشعر ماهي تجاريها

وما كل بيت يهز القلب مفعوله
يسري بي العر والفكرة اسريها

رسايل (أحمد) لا من جات مرسوله
راضي عليها ونفسي منه مرضيها

نوادر الشعر من شرواك مأموله
وبيوت شعرك على الاوزان بانيها

وجزل القوافي إلى غنيت مذهوله
قصيدتك تكسر الـ (تيم) بقوافيها

ما فيه بحر ما تعشق دره ولوله
كل البحور تشرف بك شواطيها

تدنوا لي بفكرك الموهوب وادنو له
واعاني من الظروف اللي تعانيها

والجادل اللي ينافس كل ميدوله
لا عاد تشقيك ولا عاد تشقيها

حياة (قيس الملوح) يوم لاحوا له
أحبابه الناس لين الناس تحكيها

و (جولييت) ماتت بغلطة حب مقتوله
القاتل الحب والغلطة من يديها

وشلون تلقى بظهر الحب قيلوله
مادام عينك لياليها ما تمسيها

إتعلم الحب با (أحمد) من اصوله
قدام سفن الهوى تهجر مراسيها

إتجيك من خدها والرمش وسدوله
اللي يميت البشر بامره ويحييها

إلى صفا لك زمانك .. روح بعجوله
إشرب قبل ما يوحش الطين صافيها

هذا زمان النعم والناس مخذوله
الذيب جايع وشبعانه حصانيها

ومشاعرك في وصف (اوزان ) مقبوله
(اوزان ) دايم تهنيني ..واهنيها

وشوط المنافس لها يزهو وتزهو له
تقول..كني على الاول موصيها

الفوز ورث لها من حوله لحوله
الكاس باسم امها ..والسيف لابيها

تسابق الريح لا من جات منتوله
مرة تقاصر لها ومرة تعديها

مساحة الارض من عرضه ليا طوله
محصورة بين ايديها ورجليها

دايم من الزعفران الزين مبلوله
لونه من خدها لا روس اذانيها

لون الذهب في نحر بنت لها صوله
تفرق عن اللي فاتنات حواليها

قصيدتي كنها في الريس مدبوله
فيها لياقه تغذيني ..واغذيها

لا تعلل النفس دام النفس معلوله
أسرارك ادريبها لو كنت تخفيها

إضحك لو النفس بالأحزان محموله
أعداك من ضحكتك تقدر تبكيها

الانسان دايم حسب فكرته وميوله
واهل المبادي باتنجز من مباديها

والكلمة اللي على الأسماع مقبوله
أخير من اللي وسط القلب كانيها

ومن يزر الفول يجني حبه الفوله
حسب ما تزرع يده تطلع مجانيها

أحد طموحه في مشروبه وماكوله
والوجبه اشلن يطبخها ويشويها

يحط له خبزتين..وشوي تبوله
ويقند الراس من فنيال كوفيها

واحد يطرى بفعله .. وواحد بزوله
أداري نفوس ونفوس ما اداريها

إقلط هنا كلها بوشهاب منشوله
البنت بنتك.. ومن حقك تسميها

ناس تدور رضاها الناس وتنوله
لو انها عاريه الافكار تكسيها

وناس على الناس محفوله ومكفوله
عراه رغم الثياب اللي يكسيها

الناس ترثى بعد ما تموت معقوله
وش رايك فـ ناس قبل تموت نرثيها

واسطوره المجد نائب ريس الدوله
داره بطاريه فوق السحب طاريها

نظرته دايم على دولته مشموله
من بحرها لين مجرى سيل واديها

كنها من جنه أهل الخلد موصوله
نسخه من الجنه الخضرا وما فيها

صنع سموه من ابداعه ما يسمو له
لو للزمن هامه لرضاه..يحنيها

كل الخطاوي ورا خطواته مجبوله
زعيم لان اقدامه سادت خطاويها

/

العشر الاواخر

أحب هاجوس الشعر من كل نـوع
و النـادرة تحـري و أحريبهـا
والهامه الي ما تعرف الا الخضوع
كم في ميادين الشـرف ترتيبـا
مع كبار السن ياتيني خشوع
و أشعر براحة ما حد (ن) يـدري بهـا
كم شايب ماهو مـن الدنيـا جـزوع
متمـرس فيهـا وف أساليبهـا
لحيته فيها شيب لكنه قنوع
شوفـوا بيـاض التجربـة فـي شيبهـا
يا أعياد ميلاد البدر ليت الشموع
الي البشر فأعيادها تضحـي بهـا
ما تنور لرجل من الدنيـا خنـوع
مـا تنـور الا للرجـال وطيبهـا
واذا الطلوع اصعب على نفوس التبوع
يا مشرق احلامي ويا تغريبها
أنا النزول أصعب علي من الطلوع
ميزة بعض الأحيان ما ودي بهـا
وقف هنا ... لحظات خليها سبوع
في الصدر غنوة ودي اغني بهـا
والي سواتي غنوته جرح ودموع
بكيه ولكـن مستحـي يبكـي بهـا
اذا الخطا قدام يا طيب الرجوع
مالت على نفس مـا تستـر عيبهـا
واذا الوقوف يصير من بعده وقوع
الجلسه الـي بينهـن يـا طيبهـا
ما يذبحك من داخلك إلا الطبـوع
الـي تمارسهـا وتوصـي بهـا
اطلب رضا الله دام قلبك فيه روع
واثن الصلاة الي تبي تصلي بهـا
وضع السجود يشابهه وضع الركوع
واستحضر الدعوة قبل تدعي بها
يا رب سبحانك عساي من الجموع
الي على النـار يحـرم تعذيبهـا
القلب في العشر الأواخر جاك طوع
ويقول سبحانك يا عالم غيبهـا

/

من سبوع إلى سبوع

من سبوع إلى سبوع ومن شهور إلى سنين
والصبر ماعـاد يقـوى بانتظـار القافلـة
كان يتصبر علـى مستلزمـات المسلميـن
كاد أن يأتـي بضيفـه والجـواري غافلـة
وكل ما غنى مغنـي والقمـر تـوه يبيـن
ثورة الأفكار صـارت كالخيـول الجافلـة
وين ولا وين ولا ويـن ولا ويـن وويـن
وين أروح وباب حظي يـا زمانـي قافلـه
كل ما قلت أفتحه قلت المشاكل فرض عين
و إن قضيت الفرض قلت الفرض بعده نافله
كافل جرحي مثـل كافـل يتيـم الوالديـن
و أنت ما قـدرت دمعـات اليتيـم وكافلـه
والجروح أنواع جرح واضح وجرح دفيـن
لكن أغزر جرح جرحك يالسنيـن السافلـه
يا مقوي الأقويـاء رحمتـك بالمستضعفيـن
ولا تخلـي نجمتـي بيـن النجـوم الآفلـه
ولا تخلينـي مـن الأيـام والدنيـا حزيـن
واعطني طموح شيخ حققه وانضـاف لـه
والدروب طوال وإن طالت عسى ربك يعين
والليالـي مـن خلقنـا بالمشاكـل حافلـه
من عصور الخيل والناقه وسيف مـا يليـن
لين عصـر القنبلـة والطائـرة والحافلـة
الله الـي حطـنـا ســادة عالمتسيـديـن
والرجوله والعدل والحق والإنصـاف لـه

/

مهب الريح

إذا شفت الزمن مقفي بعينـه نيـة التجريـح
رهنت النفس للعليا إليـن تمـوت مرهونـه

ترى خير الكلام الذكر وأشرف مفرده تسبيـح
ودنيتنا قصيـدة أعتقـد مـا هـي بموزونـه

يطيح المزن لكن السحابة ثابتـة مـا تطيـح
مثل مداتنا لامـن عطينـا جـات مضمونـه

و أنا ماني بطير صـاده القنـاص بالتلويـح
أنا طير على الغيمة يحـوم و لونهـا لونـه

من التلميح ما يكفي عن الشرح ومن التلميـح
ما يجرح لي زوايا خافقـي ويحطـم ركونـه

قصيدي كان ما بكى السحاب ولا استثار الشيح
يمين الله.. لأطبع بنـات الفكـر مـن دونـه

أعسف القاف للمعنى مثل عسفي ببنات الريح
وتجي قافي مثل شيخ بنـي عمـه يحشمونـه

أنا أعشق بكل إحساس لكن مستحيـل آصيـح
أنا لي هامة عيت تطيـع الـذل .. مجنونـه

أنا سدي حفظ سر الكـلام ولا أحـب أبيـح
و عذالـي تعـرف قيمتـي بـروح مغبونـه

عجزت أداوي آهات الشعوب وفكرة التسليـح
و إذا جيت أشعل أهرام الظلام مات فرعونـه

و إذا عيا على الظامي نهر دجلة وعين السيح
من يلوم الحزين ليا انتثر دمعه مـن عيونـه

أبا اشبح دام ما يقبل ميول الفكرة التصحيـح
و أبا أرقى للنجوم الي تبا موتي على هونـه

ترى طعن الظهر غادر و لا يحتاج له تصريح
ولدغات الحنش تقتل وخص إن جات مدفونـه

يقال إن الأساطير القديمـة مـا تبـي تنقيـح
وسنون سممت تقتل ولـو ماهـي بمسنونـه

أنا ما خفت من برد الضلوع وقسوة التبريـح
أنا ألفظ كل زفرات الغـلا واللـي تعرفونـه

أنا أخاف أنثر بيوت القصايد في مهب الريـح
و أجرح مهجة الإحساس والقيفـان ملعونـه

/

بواحة الأسرار

بواحة الأسـرار منقـود منقـود
لا لا اتكلـم باللسـان الطليـقـي
ترنيمة النهونـد وترنيمـة النـود
قام يعزفها حيل و أنا في ضيقـي
يا ذا البشر يا راعي الخيل والذود
كيف الخيانه لي تجي من رفيقـي
ما كنت بأعشقها ولا كنت بأعـود
لين اكتشفت انه هواهـا حقيقـي
في مقلتيك أنهار وبحـور وورود
لايق وفيك الوصف كلـه يليقـي
يا معادي للنكس تستاهـل الـزود
وأنا لك بسمع الغـرام استليقـي
ارحمني بنظرة ترى نظرتك جود
مشاعري نامت ولا قلـت فيقـي
ظميان قرب شفتك زيـد الخـود
أخاف أموت فراق ما ابتل ريقـي
صحيح أنا محبوب للبيض والسود
لكن ما غيـرك لقلبـي عشيقـي
إليا فتحت العين ألقـاك موجـود
ذكراك ترسم صورتك في طريقي
ولا تشعل النارين يا مخصر العود
أنـا بليـا عـود زايـد حريقـي

/

لا تجزع

لا تجزع من أمر الولي ولا تضيق وتعتـرض
يكفيك فخـر إن المشاعـر خلتـك محبوبهـا

لا والذي بعث محمد و أرسل الحق وفـرض
دينه علـى أرض وبسـط هدايتـه لشعوبهـا

ما غبت عنا يا حزامي ولو يغيبـك المـرض
غلاك يسكن في عيون أهـل الوفـا وقلوبهـا

يا جعـل أمثالـك يزيـد وعكسـك ينقـرض
لجل بلاد جابتك تخضـر فـي كـل دروبهـا

ويعرض التاريخ نبذة عن حياتك مـا عـرض
إلا مواقف تلفـت أنظـار المواقـف صوبهـا

علم مؤكد ليـس بمتوقـع وليـس بمفتـرض
لأن نفسك تجـذب العالـم بحسـن أسلوبهـا

نشمي ولا حصلت لك محتاج تقضي له غرض
وأعدائك تـدور منافستـك لكـن يـا دوبهـا

يمناك تعطي وما تحسب بالعطا لـو تقتـرض
ميـزة النفـس العزيـزة عزهـا مطلوبـهـا

دخيـل الله لا تطـول معـه تكفـه يالمـرض
مـا تـدري إنـه المشاعـر خلتـه محبوبهـا

/

الناس للناس

خلك معي خلي ترا النـاس للنـاس
ضدي تـرا ضـدي ومعايـه معايـه
احس بـك دايـم بانفـاس الانفـاس
وانته ضيـا عينـي ومنايـه منايـه
لاتسمع العـاذل وسـواس وسـواس
ومـن علتـي انتـي شفايـه شفايـه
لو طال هجرانك فـلابـاس لابـاس
غلطـان استاهـل دوايـه دوايــه
السهم من عينك وامـواس الامـواس
وانـا اناديـلـك دمـايـه دمـايـه
سمعتي الموشي وارجاس الارجـاس
واللـي جـرا منـك كفايـه كفايـه
اعلنت من وصلك بافلاس الافـلاس
واختاري انتـي بيـن شايـه وشايـه
امـا ترديلـي باحسـاس الاحسـاس
ولا انتـفـارق والنهـايـه نهـايـه
متعـود ابدلـه الالمـاس بالالمـاس
مايهـم اكسـب والهوايـه هـوايـه
خدعت حاسب يضرب الراس بالراس
مسكيـن وادريبـه ورايـه ورايــه

/

وين أنت

وين أنت ياللي كل ما قلت وين أنت
حتى السـؤال يقـول ويـن الأجابـه
عامين ضايق و أنت لليـوم مـا بنـت
و هي حالتي بيـن الحـزن و الكابـه
ليش أنت بعيون المخاليـق مـا شنـت
في عين من حبـك سرابـه ..سرابـه
لو لا الغلا يـا صاحبـي مـا تمكنـت
صداً مـن الهجـران صايـر خرابـه
عـود علـي أنـا أتريـاك لاهـنـت
الحـال واحـد والظـروف أتشـابـه
إذا سألـت تحبنـي قلـت لـي كنـت
وأنا ابتسم مـن بـاب حـب الدعابـه
وأن خنتني أعلم ترى مـا بعـد خنـت
ألا معـك لـكـن خـونـت ذرابــه
خنتـك مـع طيفـك بعـد مـا تيقنـت
أنـك علـي بعـد الثـرى و السحابـه
أكبر خطأ محبتك وأنـت مـا صنـت
حبـاً يخـلـده المشـيـب أ لشبـابـه
تدري آش يغيض الرجل في هوى البنت
أنـه يعيـش فـي واقعـاً مـا درابـه
لكـنـنـا وش أنـــا وش أنـــت
هـذا السـؤال إللـي يبيلـه إجـابـه

/

مريم

الحـلا يحتويهـا و الغـلا يرتجيهـا
شيخة الحسـن مريـم الله الله عليهـا
عيدها عيد ثاني بين القلب و محانـي
قلت اسبق التهاني و اتعنـى و اجيهـا
يا البنات الصبايا عنـدي اهـا هدايـا
ما طارت الرواية و استحيت اهاديهـا
لان مريـم هديـه مـن الـه البريـا
القلوب النديـه لـو ظمـت ترتويهـا
نور شمس تعلـى فـوق بـدر تجـلا
دونه الوصف ولا غايه في الحسن فيها
من دكر من اسلافي وارف الظل وافي
ابتديهـا القوافـي قبـل لا يبتديـهـا
الصبا مال بانه و قلت انـا خيزارانـه
سمـو دبـي دانـه لا مريـم عليهـا

/

ما يشل الراس

صـارت الدنيـا غريبـه وصـرت انـا متولـه
عشتـهـا حـلـم خيـالـي والـغـريـب لـحـالـي
عشتهـا بكـل راحـه واصبحـت لــي ممـلـه
عشتهـا فـي إبتسـامـه وعشتـهـا غربـالـي
ذاك درب إل حبيبي قلـت ذاك اسهـل لـه
وهذا دربي لو طويل اسهل لي وأسوى لي
لـو طريقـي فـي عنـا أو درب انـا مـا ادلـه
أحسـن آضيـع طريقـي لــو بـربـع الخـالـي
آنا ضاري ع الصعايب الصعب أوصــــل له
الصعـب سهـل عليـه الصـعـب يـحـلا لــي
الصـعـب لــو هـو صـعـب والله لا آذلــه
لا أذل عينـه لاجلهـا ف قولـي وأفعـالـي
مــا يـشـل الراس إلا لــي يحـطـه يـشله
وما يوطي راس دايـم فـي العـلا أو عالـي
كـان طبعـه مختلـف أو كلمتـه فــي محـلـه
هـو رزيـن ولا حكـى يعـنـي تـقـوم جبـالـي
ميـزتـه حسـنـه طبيـعـي صــار كـلـه
كـلــه هو علـى بعضـه حلـو مـن حسنـه القتالـي
لـكـن الـلـي اسـتـوى الطـيـن زاده بـلــه
ورحت انا في درب ثانـي مالهـا أو مـا لـي
باختـصـار آقــول هــذا خــل فـــارق خـلــه
خـل يحـلـي حيـاتـه بشـخـص ثـانـي بـدالـي
وبصـراحـه كــل كـلـمـه قلـتـهـا مـتـولـه
أل (دبي) وإل (دبي) وهي (دبـي) ف بالـي

/

دموع المحبين

منابـع دمـوع المحبيـن عيـنـي
تبكي على نفسي و تبكي على الغير
وعن الغلا يـا ساريـه خبرينـي
هل عاد له فب القلوب الحباب تاثير
قلب الفراق اللي غدى لـه حنينـي
ظميلن و القصه ماهي جمة البيـر
لكنهـا شـوق يـدفـه ضنيـنـي
يا لله عساها ما تطـول المشاويـر
نوارتي تجمـعـي و اجمعيـنـي
و تغطرسي على جميـع النواويـر
مالي عذر حتى اقـول اعذرينـي
بس احفظي تركيبة البيت الاخيـر
اشرف مثـل مقاصـده تحتوينـي
قل العطا و لا كبار المعاذيـر
خلي علاملت الشقـا فـي جبينـي
عطر و بساتين وورود و عصافير
ابي اشـوف العيـد فـي مقليتنـي
و اركب لقلبي جنلحيـن و اطيـر
و ابي اعيش العمرما عـاد فينـي
اصـادم الايــام والا المقـاديـر
يا مشغله خـط الغـرام اشغلينـي
تـراي جـوال بلـيـا فواتـيـر
تمردي على النظر وسـط عينـي
و تعددي علـى وجيـه الجماهيـر
لان المنـام اللـي بغيتـه يجينـي
عيا يجيني ليـن مسيـت بالخيـر

اشياء واشياء

تحت البحر أشياء وأشياء وأشياء
من لامني لا يرجع ايلوم بعدين
شفت بعيوني خيل واتغوص فالماء
كنها علامات الدقايق الاخيرين
تحت البحر يابوي اشياء واشياء
من لامني لا يرجع ايلوم بعدين
شفت بعيوني خيل واتغوص فالماء
كنها علامات الدقايق الاخيرين
وانا اول اسمي ياملا يبتدي بحاء
والاخر النون الذي تعرفه زين
بديت من سنتين ما بين الاجواء
لين اتضح لي الجو من عقب شهرين
لبيك يا خلي ولبيك بغراء
والشوق يذبح والضحايا ملايين
التنمية فالارض يا دار الانماء
تبغي ذكي والناس منهم ذكيين
ياللي دواء امواصلك سبت الداء
ذبحتني من دون بندق وسكين
وانا بحال الضيق واحباط واغماء
وارفق عليه ابزين وابزين وابزين
ولا عاد تتشاءم ولا عاد تستاء
لا هزت الفرقا قلوب المحبين
بغداد تبكي من مجازر سامراء
والقدس ينزف جرحها في فلسطين
احاول افهمك بسلوب الايحاء
الصبر قاسم مشترك بين الاثنين
وبالختم والبصره وبحروف الامضاء
بالحق والقانون والعرف والدين
ما تشعر الاموات بحساس الاحياء
وانت بعيني ميت انقذلك سنين
وقفت ضدي ليه في صف الاعداء
واحرجتني فالناس والناس داريين
نفس الطموح اللي معك فالفشل باء
كونت به نصر مثل نصر حطين
وعشقت من يفهم كلامي بالاصغاء
اقرا عليه الحمد ويردد امين
من نور وجهه ينجلي كل ظلماء
غلاه متربع ما بين الشرايين
متربين على نعم ما عرف لا
ويقول من ذي العين قدام ذا العين
ما هو فحاجة مدح او حاجة اطراء
عنده ثقه هو وين والعولمة وين
اسمه ماهو يسقط سهو بين الاسماء
عالي مثل نجم الجدي والميازين
القلب فيه ايموت واتموت الاعضاء
ولله يا فيروز ياللي تغنين
غنيه لين الشوق ما يشبع ارضاه
وخليه يدخل جو الاشواق تكفين
ابغي صدى صوتك يغرد فالانحاء
حتى الحمام ينوح بين البساتين
ان كان البحر تلقا به اشياء واشياء
هي سوات البحر ما كنا من طين

/

سيدي لاعدمناك

حنا تحت أمرك وظلك ويمنـاك
وحنـا اذا منـا وعدنـا وفيينـا

شجعان ما أظني اذا قلت نعصاك
منك المراجل والتحمـل خذينـا

سواك رب العرش ماحد شرواك
وأكبر فخر باسمك يابوي استمينا

والقصد كله سيدي نطلب رضاك
للعز نرقـى والمعالـي اعتلينـا

وحنـا اذا منـا بيـوم وعدنـاك
لاتظن وعد الحر يصعب علينـا

ما دامنا ننهل مناهـل سجايـاك
أنا أشهد اننا عالمصاعب قوينـا

يحماك ربي سيـدي لاعدمنـاك
وتعيش أزمان ودهـور وسنينـا

/

امجاد الجدود

في ظل من يسجد لجاهه عبيده
والاعمار تمضي والليالي مقيمه

واللي يقول اللي خذ المجد بيده
المجد مايوخذ بليا عزيمه

سلام ينبض بالفخامه وريده
كله علو وفيه قدر وحشيمه

ينصاك ياشبل الاسود العنيده
يا ابن الكريم ويا سلاله كريمه

مايد مليك المجد والمجد عيده
علاقته مع التقدم حميمه

يذخر بالاعجاز الخيالي رصيده
بفضل من يحيي العظام الرميمه

فريد وانجازات فعله فريده
عظيم ويحب الفعول العظيمه

حثيت رجلك والمسافه بعيده
والعقل ناضج والجوارح سليمه

خطوه فدائيه وخطوه سديده
طولت في الغيبه وجبت الغنيمه

الناقص بفعله فعولك تزيده
والزايد فعوله معك دون قيمه

مالك شبيه وكل فعل تجيده
قلي من اللي يقول بأنك خصيمه

وشلون احفر فكرتي في قصيده
وابوك من مجده على متن غيمه

لكن تأكيد العلوم الاكيده
يحتاج له شهادة مستقيمه

قررت انشرها بوسط الجريده
لاجل يغنيها السحاب ونسيمه

في كل عام تجيب فرحه جديده
وتكمل امجاد الجدود القديمه

السيف في إيدك عبد يخضع لسيده
ويدك تزيد السيف رونق وقيمه

/

السنين الماضية

والله لاخلي السنين الماضيه تعني
و اوادع الناس و ارجع و اخذ المعنى

يمكن حبيبي اذا غنيت يسمعني
قبل البحر يا قلوب الشوق يبلعنا

و اللي خذاني و عيا ما يرجعني
و الدرب مجهول و التفكير ضيعنا

يدفعني الشوق لو اواصله يدفعني
تبادل العشق و هو سبت دوافعنا

تدرون قلبي على هجره ما طاوعني
الناس تعذل و حنا ماتسمعنا

لا قلت احبه تراه الصاحب المعني
و اللي مع الهجر طبعا ً ماهو ب معنا

لا قال دعني و انا ماقلت له دعني
يالين سالت من الفرقا مدامعنا

حتى في يوم الموادع يوم ودعني
بكت جميع الليالي من موادعنا

الله يمتعك بالقاي و يمتعن
بلقاك و السحب تمطر من تمتعنا والله

لاخلي السنين الماضيه تعني
و اوادع الناس و ارجع و اخذ المعنى

يمكن حبيبي اذا غنيت يسمعني
قبل البحر يا قلوب الشوق يبلعنا

اللي خذاني و عيا ما يرجعني
و الدرب مجهول و التفكير ضيعنا

/

عاتق المجد

قصيده مهداة إلى مقام والدي وسيدي صـاحـب الـسـمـو الـشـيـخ
محمـد بـن راشــد آل مكـتـوم

يابوي رمز المجد والعز والدين
والمرجله والمقدره والشهامـه
اللي طغى ذكرك في كل الميادين
زعيم كنك منخلق للزعــــامــه
لو قلت كفك غيث كل المساكين
إخضرّ غصن وغرّدت لي حمامه
وسمعت أصوات العرب بالملايين
تقول عز الله صدق في كلامه
من ألف وتسعميه واحد وسبعين
وللعام هذا وانت رمز الكرامه
من الخيج العربي لآخر الصين
والمجد في صدرك معلق وسامه
لو قلت يا (فزاع) رايح على وين
باقول مدري غير فكري ما دامه
متوجهٍ لك يا حفيد السلاطين
أكيد انه يرتقي من مقامه
انا مسوي لي قصيده في عشرين
بيت ولك في كل بيت علامه
ايامنا يا طيب الراس يومين
يوم ولدنا به ويوم القيامه
والفهم يطغى في عقول الفهيمين
على التعنت والجهل والغشامه
الناس منقسمين يابوي قسمين
والكل منهم مختلف في نظامه
والاستقامه درب ماهو بدربين
والمستقيم يقدر الاستقامه
والشين كل الزين في محجره شين
ومن التشاؤم يبتلش في منامه
وما كل دمعه عين تنزل من العين
فراق أو هجران ولا ندامه
ترى دموع العاشقين المحبيين
سميتها نسخة من الابتسامة
اخترت لك باقه شعر من بساتين
فكر تحت ظلك رقى للغمامه
والشعر ماهو ينحصر فـ الدواوين
الشعر بقى في القلوب احترامه
الا انت وين وين من نافسك وين
يا عاتق المجد الاصيل وسنامه
لو قالو الاهرام ورث الفراعين
تراك ورث المرجله والشهامه

/

تخاف الناس

تخاف الناس من ليل هذوا به عقب ما شافوا العالم غدوا به
أنا لو مالقيت إلي لقيته لأسوي بالزمن أكبر أعجوبه

أنا دربي على العليا صنعته ومن راد العلا يصنع دروبه
حكالي هدهد سليمان عنهم وعن سر و أنا غايب حكوا به

ألا يا طير خبرني و أنا إلي مثل ذاك الجبل ياللي التقوا به
خويي الدرب ما يملك حبيبه يشوف الصاحبه غير محبوبه

قصيدي مثل ما العود المركز يدش الراس ويغير أسلوبه
صباح الخير يا أحمد محمد صباح يلعب بغصنه هبوبه

أنا لولا المشاعر ما أتكلم عن اللي صادق أو صدقوا به
مشاعر شاعر يبغي يتحرك عقب ما كان صايبها رموا به

مدى الأيام لو تغريك تجهل فالعالم فنوا يوم اكتدوا به
وعلى درب المجامل والمنافق ألا يا كثر الناس قد مشوا به

وأنا رجلي على الطيب اتخطى وهي ماهي على الطيب مغصوبه
ولكنه طبع أبوي وطبع جدي بنوا لي مجد حسادي دروا به

و أنا إلي تصنع الأمجاد كفي مكان أبوي لامن غاب أنوبه
مجرد أبسط الخمس ألاصابع على وجه الدهر تضفي عشوبه

أنا شاعر مميز في حياتي أسهل كل درب له صعوبه
وإذا تبغي بأبدل انجليزي و أترجم لك بدون أية تعوبه

There Are days call of a distraction many feelings appear لما تروبه
The night and darkness has many relations it goes and comes والعالم مشوا به

إذا تكلمت عن يوم القيامة أحاسيسي تفاجأ بها برعوبه
وبين الليل والظلما علاقة تجي وتروح والعالم بهوا به

وأنا قلت البيوت إلي عجبتني ورحت بدرب مامنكم مشوا به
لو إن وجه الزمن عاقد حجاجه مدار الأرض تشكي من شحوبه

أحس بظروف وقتي و أتفادى مصادمها لو إن ما منها صحوبه
وأحاول أمتلك عقل مفكر عباقرة الزمن ما فكروا به

كذا الإنسان احساس وعقل قبل يبدا خطاويه محسوبه
صنعت من الوعي مبدا تسامح لان ابن ادم كبار عيوبه

وقل للفهم ما ابدعت من نقد ما هو بصوبي ولاني بصوبه
لو إن نقد الحقيقه غير عادل لتلقى المجرم بدون أية عقوبة

بشوت سترها ماهو بضافي يحظنها الكبير وكم ثوبه
جزاك الله خير يالليالي وذاك النجم قوليله يا دوبه

يادوبه يقدر يضيء المجرة و أشعة شمسنا تعلن غروبه
يا ليت البحر الاحمر يشرب إلي شربته لكن ما يقدر شروبه

مجمعة الحكي ماني بمنهم ولا أسولف بشي سولفو به
أعبر من إحساسي ما يصعب على التقليد وإلي قلدوا به

أحب الغيم لأن الغيم عالي يجسد كبرياءه في نصوبه
و أحب الطيبين ولي معاهم مثل ما للجنوبي من جنوبه

لأن مجدي مثل قصر الخليفه على الساس القوي شيدت أوبه
ولا ينقص مقامي عند غالي مدام ان هامة الطيب معصوبة

ترى كثر التجارب نجحتني وغيري كل يوم في رسوبه
أغني من طرب مرة ومره و أغني حس يال النفس الطروبه

و خطى الطيب على الطيب جريمة لكن ما أعذربه لو عذربوا به
يناظرني بعيب ليس فيني رحمك الله لن تلقى مثوبة

ترى فصل الشتى يأتيك بارد لكن بالصيف تذبحك الرطوبه
مقادير الليالي مستمرة وسيع القفر ناس ضيقوا به

أرى خيل الزمن غارت علينا ونوقات الأحاسيس محلوبة
أجوب الأرض بأقدام المعزة ودرب ما يطاوعني ما أجوبه

لكن يا اغلى الحبايب وين دارك غدى قلبي من الفرقه لعوبه
حصان الشوق لأجل عينك سرجته ولا يصعب على مثلي ركوبه

تبسم كانك الفصل الربيعي تمخطر كنك امجاد العروبة
تثنى كن غصن اللاتثنى يذوب بهالهوى حتى يذوبه

يا ريح العود يالمسك اليماني عطور الشام لامن عيدوا به
تشبهني بخلق الله ظلما وانا قلبي مفاتنك كفروا به

ورب البيت اني قد شعرت بلحظات الفرح يوم الخطوبه
و على رمشك وعينك وخدينك سلام الله سلام ما يشوبه

كلام الشك والهرج المنمق والي ناظروه وما اشعروا به
أنا مؤمن بربي وألتجي به لو إن أهل الكفر ما آمنوا به

إلهي قد علمت بأن عبدك كسير القلب تقلقه ذنوبه
وكم كنت على السراء فضا وقد أعلنت في السراء توبه

لقد آن الأوان لدمع عين تصارع حزنها في كل نوبة

/

تقزمي

تقزمي فـي عيـن حسـادي وأنـا عمـلاق فـرض
لأن علـوي عـن وطاهـم شـي ربــي ملـزمـه

ما تشوف حجم الشمس متقزم على أصحـاب الأرض
متقزميـن ويحسبـون الشـمـس جــات مقـزمـة

يا رب و أنا عبدك إلـي مـا بعـد هتكـت عـرض
و إذا لقيـت الضايـق المحتـاج وقـفـت أعـزمـة

إن مـا علـي أشبهـك وإذا غضبـت أقـول إرض
رزنامـة أفضالـك مداهـة مـا تشابـه الأرزمــة

زد مشبري في الطول طول ومن قوي العرض عرض
أو اعطني النصر المبيـن إلـي مـا غيـرك يهزمـه

لو المراجل تنشـرى سحبـت لـي مليـون قـرض
حتـى أثبـت محزمـي يـوم تراخـى الأحـزمـة

شفت الحياة بدنيتـي سنـه وشفـت المـوت فـرض
يـوم أتقـزم فــي عـيـون العـالـم المتقـزمـة

/

بحر النسيان

ماكنك الا شـوق فـي بحـر نسيـان
كـل المشاعـر قبـل لا قلـت لبتـك

قبل المحبـة تمتلـك حـس الانسـان
كل الحواس الخمـس ياشـوق حبتـك

قبل لا اتعنون صرت لـروح عنـوان
مدام لي في وسـط الاحسـاس رفتـك

من سبتك غيـرت انـا اسـم حمـدان
ليـن اعرفونـي باسـم فـزاع سبتـك

انـت بمكـان ويطلـع البـدر بمكـان
واذا طلعـت يضيـع نـوره بهيبـتـك

منت بلـون الشمـس وقـت المسيـان
استغفر الله الشمـس بالنـور صبتـك

كن العمر لحظـة اذا معـك سهـران
وكن السهر عمر في لحظـات غيبتـك

ان جيت صوبي صرت لك دار واوطان
وان رحت عني صرت بعدك وقربـك

قالوا تحت الاضلاع ماتنبـت اغصـان
قلي وش اللي تحت الاضـلاع نبتـك

قبل الندى يصبح على الـورد ولهـان
شميت طيب الورد مـن اصـل طيبـك

شفتـك وعاتبـت الليالـي والازمـان
ويـن الليالـي كـل هالوقـت خبتـك

ومن سبتك غيرت انـا اسـم حمـدان
ليـن اعرفونـي باسـم فـزاع سبتـك

/

اليوم عيد

اليوم عيد اليوم اغـلا مـن العيـد
اليوم هذا غير عـن كـل الاعيـاد

واليله احلى موعدن في المواعيـد
تاريخها يحمل معـه عيـد ميـلاد

ميلاد كل حسن والمجـد والغيـد
الزين فيهـا كاملـن والغـلا زاد

ميلادهـا سمـوه شيـخ المواليـد
المجتمع يفرح به جمـوع وافـراد

كنها غزال داخلن قـادت الصيـد
كل الضبا من خلفها جـات تنقـاد

والبحر يحسبها على السير في البيد
شوف البحر من حسنها صا حساد

هي اغلا عند دودن مابين العناقيـد
بنت الشيوخ الي من امجاد لأمجاد

الشوق يحضنها من الايد الي الايد
متسيـده لـن السيـاده للأسـيـاد

يا مالها يقض على فرحـة العيـد
ياليتها في صحه لهـا دوم ينعـاد

اليوم عيد اليوم اغـلا مـن العيـد
اليوم هذا غير عـن كـل الاعيـاد

/

مبروك النجاح

الصبـر ورث الأنبيـا والتنميـه تبغـى كـفـاح
والنـاس يرزقهـا الولـي علـى حسـب نِيَّاتهـا

يا(حصّة) آنا ما نسيـت أقـول مبـروك النجـاح
لكـن أدوّر لحظـةٍ نفـسـي تـلامـس ذاتـهـا

تبريكتـي بَـرْقٍ تناظـرْه العَـرَبْ لا مـنْـه لاح
مـا هـي بمثـل العالَـم الثـالـث وتبريكاتـهـا

مبروك يا اشْرَفْ حب في قلبي تمكَّـنْ واستـراح
يا اغلى من أحيـاء الديـار الشاسعـه وامواتهـا

روّضت أحاسيسي من الفرحه وهي تجمح جمـاح
وْصَوَّرْتهـا لـك فـي قصيـده ماتمـوت أبياتهـا

الاشجار في أنحا (دبي) ترقص طَرَبْ والطيب فاح
وحدايـق الأرض أينعـت بالتهنـئـه وَرْداتـهـا

الليل عَيَّـد والنجـوم تْقـول وينـك يـا الصبـاح
يـا ليـن ذابـت فـي دقايقهـا و فـي ساعاتهـا

وارتاح في قلبي ترى شوفـك يسبِّـبْ الارتيـاح
وتبريكتـي تسـوى صـدى العالَـمْ وتبريكاتـهـا

/

إهداء لسمو الشيخ هزاع بن سلطان بن زايد آل نهيان - حفظه الله

أنا أن قلت الشعر فيك الشعر تزهى مقالاتـه
وحرف القاف يرقص لك طرب هزاع باشواقه
سليل الجود والمعروف في ذاتك ومـن ذاتـه
يا ابن سلطان بن زايد يا بيت العـز ووثاقـه
لك الدولة يا شيخ الشعر ويا فاهـم مجالاتـه
تزف أفراحها رايات بعالي السحـب خفاقـه
تبارك لك على نصـرٍ عساهـا تزيـد جياتـه
مدام النصر لك عادات تبيع وتشري أسواقـه
إذا منـه تعلـى غبارهـن زادت طموحاتـه
يحب المركز الأول ملك حبره مـع اوراقـه
على البحرين حـط ارحالهـا خيلـه وقواتـه
وصار الفوز غاياتـه ولا عنـه أحـد عاقـه
ورث أصل الفروسية مـن أجـداده وعاداتـه
كريمٍ طيبٍ محبـوب بيـن النـاس باخلاقـه
يا خـوي ابـارك لـك بشعـرٍ كانـه ابياتـه
توصف شاعرٍ نفسه علـى الطـولات تواقـه

/

يا ابن آدم

يا ابن آدم كل ماكنت انظر الجرح العظيـم
مالقيت اعظم من جروح الندم بين الجروح
ويا ابن آدم كل ماقلت الزعامـه للزعيـم
ينتشي بي كبريائي فوق شاهقة الصـروح
والدروب يقودها درب الصراط المستقيـم
واستقامات البشر بين الصراحه والوضوح
والغصون اللي فرحها غير لا هب النسيـم
ماتسأل عن معانـاة الحمـام اللـي ينـوح
ياهل الزور ان حلفتو زوركم وجه الكريم
فاح ريحاً من الكذب والكذب له ريحاً يفوح
يارحيم الصدر ضايق حيل سترك يارحيـم
والدروب طوال واقدامي من اللهفه جموح
اعطني من لدنك التوفيق والعقـل الحكيـم
والعزيمه والمعزه والمراجـل والطمـوح
والقمر يغريني اغني على اللحـن القديـم
ويجذب البراق عيني كل ماشفتـه يلـوح
والقسـاوه للرجولـه والنعومـه للحريـم
ياكثر ناسا تجي في عيني وناسـا تـروح
اكثر اهل الارض خلاني وانا مالي نديـم
يشتكون جروحهم عندي وانا كلي جـروح

/

حربيه

مرحبا ما هبّ م الريـف ذنّانـي
مع عبيرْ المسك والطيب مقرونـه
مرحبا يا من له القلـب شفقانـي
يـا زعيـمٍٍ كـل شعبـه يحبونـه
يا زمام المجدْ يا عالـي الشانـي
يا عجيدٍ يعجز الوصف من دونـه
يا ركن زايد على كـل لاركانـي
ما حدٍ زايد علـى زايـد ابكونـه
يشهد التاريخ له ابكـل برهانـي
نايـفٍ ع المستنيفـات بغصونـه
لمّ وحدتنا على صـدق وايمانـي
وراية التوحيـد بالعـزّ مرهونـه
بالوفا وافـي وبالحـق ميزانـي
وكلمته في موقف المجد مضمونه
في سدادْ الراي مـا يبدّلـه ثانـي
قدوة ٍهو فـي الجـدا يستمدّونـه
جرّ وحدتنـا إلـى عالـمٍٍ ثانـي
بالتقدم والرخـا حسـب قانونـه
صان حاضرها عن اعيون عدواني
والخفايا بأصـدق الـودّ مكنونـه
نفتخر باسمه على طول لزمانـي
عاش يا من له لامارات مرهونـه
له سلامـي والتحيـه بصفطانـي
عد نوح الورق لي جـرّ بلحونـه

/

يا أيها

تعال يا وجه السعد واشطب على الوجه البغيض
يا حيٌك وطلتـك فـي وجهـي بعـد يـا حيٌهـا

تنعشني انعاش الشفاء العاجل لقلـب المريـض
يا أيهـا . . تـدري يـا لبٌيـك وش يـا أيٌهـا؟

ما انته بزيٌ الناس واكتبها لـك بخـط عريـض
تبغيني احلف ؟ لا ورب البيت ما انـت بزيٌهـا

ياللي غرامك في خفوقي من كثر قـدره يفيـض
النفـس تنـدب حظهـا والعيـن تبكـي حيٌهـا

من عَوَضْكَ لْيا فقدتك وان وجد كيف استعيـض
وانت النهار وشمسـه وشجـرة غـلاي وفيٌهـا

هاجرت واصبح زوالك فـعيني يهاجرني وميض
يـا أول جروحـي دخيـل الله مــن تاليٌـهـا

أحيا حلى وصلك واموت بكل برد وكل قيـض
تظما مشاعر خافقـي لـك وانـت سبٌـة ريٌهـا

لبيك ياللي من عشقتك قمت احس انـي حظيـظ
يا مغـويٍ نفسـي ونفسـي ذايبـه مـن غيٌهـا

أنا اعرف ان كل الليالي سـود وألايـام بيـض
دامـك معـي ماهمنـي فـي كثرهـا وشويٌهـا

/

برج العَرَبْ

في عبَارات العيـون أشْيَـا كَثيـره تسألـك
دَمْعَهـا حَكـي وْندَاهـا بَلَّـل الخَـد النـديّ
ما قدرت أرضي غرورك واستحيت آزَعّلِـكْ
كلما لـك وانـت تنْهِيْنـي وانـا ارِدّ ابْتِـديّ
دام نَظراتك مَـدارات وْرجَـا قَلبـي فَلَـك
كَم عن (برج العَرَبْ) يبعد مدى (برج الجدي)
قلت تقريباً عـدد مـا عاشِـقْ بْحبَـك هَلَـك
تقصد الا عدّ نِصّ جْروح قلْبـي يَـا بْعَـديّ
قلت لك لا لا ترد تْقول لي مَـا قلـت لـك
المشاعر ما تنام الاّ انت قلـت لْهَـا ارقـديّ
وانت يوم الله عَطَاك أحلى الوصوف وْكَمَّلك
كيف تتركني على شَطِّك وانا قلبـي صـديّ
والله ان عروق قلبي كلّها ترتاح لـك ليتـك
الاّ مثـل مـا خـذت بْيـدك خـذت بْيـديّ
من لمَسْت ايدك وانا اتْفَـداك واتْفَـدَّى هَلِـكْ
ما دريت أنَّ الهَوى والعشْق باللَّمْس يْعَـدي؟

/

فخر الاجيال

على وصف الرجال اللي تسمّى بالفعال رجال
لفت بيض العلوم وبيّض الله وجه راعيها

لفت ما كنّها الاّ سبّق الخيل ان بدت تختال
نواصيها النعوت وفي مناكبها.. قوافيها

قصايد والقصايد ما نساومها بجاه وْمال
نعبّ بحورها وان هاج مزملها نرسّيها

إذا امتدّ الفكر وامتدّ ليلي والقصيد وطال
توشّحت الشوارد ولبست الاشعار غاليها

كذب من قال ساعَفني عليها الجن يوم تقال
أنا البس جنّها واصدر مواردها واروّيها

أنا وْلا فخر نجل الشامخ المتمرّس الريبال
على وصفه تجاريني القصايد قبل اجاريها

على (محمد إبن راشد إبن مكتوم) طاب الفال
وطابت لي قبل لا الزم قوافيها.. معانيها

متى قالوا صواريها المعاني.. ما هناك اشكال
حرام انّي لمدّ شراعها لأكبر صواريها

على اكبر منبر ارميها ثنا وْعز وْفخر واجلال
ما دام ان الثنا لأهله.. على اكبر منبر ارميها

لاجل قرمٍ غرس حلمه لشعبه واثمرت الآمال
حقايق نبصر اوّلها.. ونتباشر بتاليها

حقايق واضحه من دون ابو راشد صعب تنطال
تباركها القلوب وتبهر الناظر مغانيها

مغانيها تراود كل عطرٍ ما خطر ع البال
واراضيها يراود كل عاشق فوع ناديها

أراضيها الخزاما والنفل والبختري والهال
وما يخطر على بال العطر يزخر باراضيها

ولي فيها محب أسرف على قلبي وحط وشال
طلب روحي وروحي منه فيها اللي يكفّيها

من اوّل ما عرفته والضلوع تجرّ له موّال
ولا ادري نيّته بضلوع صدري وش تواليها

أنا محتار ما بينه وبين (دبي) بالمثقال
يا أمّا (دبي) له تحلا أو انّه لي محلّيها

أو انّ (دبي) تحلا لان أبو راشد لها خيّال
نعم والله وتسبق خيلها من سبق واليها

(دبي) العِز من طيب النسايم عودها ميّال
تمسّي صاحب القدر ونحن باسمه نمسّيها

صدى داره بشرق وغرب وجنوب التقى وشمال
قبض الاربع جهات يلين داره ذاع طاريها

طغى عزمه على وعر الدروب وله غدت مسيال
تسيل الأرض لاقدامه وتفخر من مواطيها

غريبه كيف جادت به سنينه والسنين بخال؟
والاغرب كيف تضما له وهو بالجود يسقيها؟

لو ان المجد سهل ان كان كلٍ طال منه وْنال
دروب المجد ودروب العلا صعبه مراقيها

طويل العمر ما جيت اعتزي في وصفك الأمثال
ولكن المثايل تعتزيني بك.. والبّيها

يابوي ابشر ترى شبلك توارت عن مداه اشبال
وثب فوق الدروب وسابقت رجله خطاويها

ورث عزمك وحزمك والخصال تجرّ طيب خصال
مواثيقه على طرق المكارم بك يجدّيها

إذا شدّ الفخر لاجلك رحاله قمت اشدّ رحال
على نهجك.. عشان افرد رحاله وارجع اطويها

واذا قالوا: من ادرى بالحصابي والوزون ثقال
عرفت ان الوزون ثقال وانت ادرى بْحصابيها

على الدنيا جدال الاّ انت والله ما عليك جدال
مع ان إيدك يجادل كل وادي سيل واديها

لو ان السحب تنشا من كفوف امست عليك ظلال
وخرّت ساجده لاهل الثرى من جود منشيها

مكارمك المكارم والعطايا من بحرك جزال
لو ان السفن تجري في يمينك ضاع شاطيها

يمينك كم لاحت وابرقت وابطت وهي تنهال
ولا والله تدري عن يسارك كم معاطيها

وكم رجلٍ بصدره حاجه وجاك وقبل لا يسال
عطيته.. كنّك ادرى بالصدور وْسرّ خافيها

وكم حلمٍ سبقته.. كان في عين الزمان محال
تقول المقبلات افضل عليك اسرار باريها

يقولون اختصرت اجيال واقول انته فخر الاجيال
إذا الأجيال بك ما تفتخر.. من يفتخر فيها؟!

/

كسرة الوادي.. ومحمد المر بالعبد

فزّاع يضع إحدى روائعه على طاولة الشاعر محمد المر بالعبد..مع «كسرة الوادي»..

يموت يْموت لي فاتِك وتحيا لك عـروق جْـداد
غريبه كيف يا (محمّد) بنفس الروح تحيـا لـك
علـى الله مابقـى إلا أخلّـي العقربـي يعتـاد
على ليلي لعلّ الليـل لـو مظلـم بيصفـا لـك
مزون وْبرْق سحّاب ومطرها في سمـا رعّـاد
تشوف مْزون تمطِر لك غـلا لكـن تهيّـا لـك
علوم الوقت تاخذ من علوم النـاس قـل أو زاد
تضيّعك بْهواها ثـم تضحـك لـك وتلجـا لـك
زمانٍ مَرّ في الدنيا علـى (عنتـر) ابـن شَـدّاد
يا (عنتر) ما اعترفنا بك ياْليـن اثبَـتّ بافعالـك
يا كم واحد على خيله يزرّ شْـداد فـوق شْـداد
يزرّ ابطانها والفـذّ يضحـك والضلِـع هالـك
يقولون أعلى ما بالخيـل تركبهـا عنـاد عْنـاد
وانا اقول أعلى ما في الخيل في بالي وعلى بالك
أراضي واسعه تجذبْك وانته مـا لـك إلاّ بـلاد
بلادٍ عِرْقها عِرْقِـك بالاحـرى عمّـك وخالـك
عرفنا (كسرة الوادي)، ولكن لو يفيـض الـواد
نصنّـع لـك مساييـلٍ تركناهـا وْسمَحْنـا لـك
نحِن لا من بغينا الشـيّ صرْنـا للسنـاد سْنـاد
نحِن مَدّك نحِن جَزْرِك نحن بَحْرِك نحِـن فالـك
نحن منّـا الكـرم منْبَـع ويـا كـم بابنـا ورّاد
نحن لو جيتنا ضيـفٍ قبِـل تدخـل وقفنـا لـك
يموت يْموت لى فاتك وتحيا لك عـروق جْـداد
قبل تنْشِد عن احوالي أقوْلّك إنـت وش حالـك

/

رد على مجاراة الشاعر عزّام

وعّيت شيطان الشِّعر واحذر إبليس لا تظهِر ترى القول له ساس (عزّام)
(عنت ) و (قيس) حذراك من دربٍ خطف بعض الدروب اليوم م الصعب تنداس

هذي مظاهر مثل ريش الطواويـس
عادة طيور وصارت بعـادة النـاس
هذي المسائـل حلّهـا بالتوسويـس
طافت فروخ وصادها اليوم جرنـاس
قال الموصّف لي به الوصف تأسيس
هذاك لي وصفه على العين والراس
أشوف زولك داخل القلـب جلّيـس
لو كان في وسط المعاليـق عكّـاس
هـذي المحبّـه كلّهـا بالأحاسيـس
حس البعيد وحس أقرب من انفـاس
القلب له واحد ولا مـزرة الكيـس
وخلّك تعرف وش حاجة الناس للناس
خلّك بوادي فيه خضـر المغاريـس
توطى على الأخضر ولا تدوس يبّاس
بعض الكلام أحيـان يبغـي تلمّيـس
لمسه تهدّي الروع من لمسة احساس
بين العشق والحب دستـور تدريـس
ولا لا تشبّه لمعـة زجـاج بالمـاس
الشاطـر اللـي يعرفـه بالمقاييـس
يعرف خطاها دون ما يصيبه البـاس
كل شيّ قبل لا يستوي لـه تأسّيـسي
كبر ويكمل كل ساسٍ علـى سـاس
خلّ الغرام يعاتـب القلـب ويجيـس
نبضه على شان الهوى يطرد اليـاس
وتحط في قلبك شرى عرش بلقيـس
من زِين شِعْرك لبّست شعرك لْبـاس
واليوم ليلتنـا تـرى ليلـة خْميـس
والموعد اللي بيننا وقـت الاغـلاس
دايم واحذر توعّـي تختّـل ابليـس
واكتب أخو فزّاع ما بيـن الأقـواس

/

قلب صادق

لا تقول الحب فـي القلبيـن مـات
هذا توّ الحـب كيـف انّـه يمـوت
ولا تقول ان الشِّعْـرِ ليـل امنيـات
وانت توزِنْ بيـت وتكسِّـر بيـوت
الشِّعْرِ نبـض القلـوب الصادقـات
كم رفعنا به على طاريـك صـوت
لا تخلّينـا علـى بحـر السكـات
الكلام أحيـان أفضـل مِ السكـوت
خَل ما بينـك ومـا بيـن الوشـاة
(مثل ما بين (الرباط) و (حضرموت
دامنـي لجلـك نـذرت المقبـلات
لا تخيِّبْ لـي ظنـون ولا نعـوت
خِذْ مشاعر قلبي الصـادق وهـات
ودّ صادق واحذَرْ أقوال الشمـوت
احْذَرْ احْذَرْ والدهـر لـه نايبـات
واحْذَرْ انت تطيح شَبْـك العنكبـوت

/

سرية فكر

سرى فكري وانا (فزّاع) والدنيا بهـا ضَجّـه
واظنّ ان الشِّعِر هاليوم يبى يقضي على حاجه
سرى بْليلٍ وفي بحرٍ يعانِـد غـزره وْلجّـه
يقاوم جرّة التيّار ولـو تطمـي بـه أمواجـه
بحور غْزار يبغيها لأصعـب دَرْب متوجّـه
يبى روس العلا وْيقدر على صعبات اْلِمْواجه
يطول الدرب كم بيطول وحرف القافيه غَلْجَه
ولكن يقدر ان يبني بيوتـه تصبـح أبراجـه
على وصف الجميل الفاتن الساحر لنا حِجّـه
مادام الحب هو ليل المتيّـم أو هـو سْراجـه
عنودٍ رمشها سَلْهَـم وعيـنٍ ناعسـه دَعْجـه
وخدّ مْـورّد ومِنْـوِر طبيعـي دون مكياجـه
ووجهٍ من سنا نوره على البَهْجه ضفى بَهْجه
مزونٍ غيثها البسمه ليا من تضحِك حْجاجـه
وميدولٍ على متنه كمـا داج الدجـى هَجّـه
على عودٍ كما قـزّ الحريـر الناعـم انتاجـه
جميل وكل ما فيه الجمال سْكوتـه وهَرْجـه
واذا للزين منهـاجٍ حبيبـي الزيـن منهاجـه
أهو تاج الجمال .. إلاّ مداه اللي تبَـعْ نهجـه
وانا اشهد بانّ حِسْن الفاتنات لْصاحبي تاجـه
تصدّق من كِثر حِسْنِك تصيب بعالمـك رجّـه
ولي تبغي له احراجٍ بحسنك تملِكْ احراجـه
حبيبي لا تلوم القلب ، لوم عْيونـك الدَعْجَـه
بها حاجه ولا ادري وش بها لكن بها حاجـه
دخيلك يا هوى بالي حبيبك في الهـوى نَجّـه
ترى حبّك سبب همّه وصدّك سبّـة ازعاجـه
واذا المطلوب مِ الخَفّاق منّي يطلب الرِفْجَـه
ورِفْجَه مـا أردّه دام هـذا القلـب محتاجـه

/

هذا الشبل من ذاك الأسد

مهداة إلى سمو الشيخ راشد بن محمد بن راشد آل مكتوم، بمناسبة
حصوله على المركز الأول في بطولة رئيس الدولة للقدرة بسيح السلم

طيّبت فال الفوز يـا طيّـب الفـال
يا (راشد المكتوم ) ما فيـك حيلـه
الفوز بـك ياعالـي الشـان يختـا
لوالفوز يرغب كـل راعـي طويلـه
مبروك ما دنّت لك مـزون الاقـوال
ومبروك ما غِظْت بْمزونـك مخيلـه
يا زاكي الجَدّين مـن عَـمٍّ وْ خَـال
يا بدرنا اللي في الدجـى نستخيلـه
يفداك عَـزم اللـي تمنّـى ولا نـال
يا شـوق ربّـات العيـون الكحيلـه
لك مجد قبل .. وْمجد حاضر ولازال
وامجاد لك في المقبـلات الجزيلـه
يا (راشد) اتْعَبْت المدى والمدى طال
واللي تِبَعْك أتْعَبْـت عَزمـه وخيلـه
كم سقت خيلك بين رملـه وْمِسْيَـال
وشَيَّلتهـا بالحـزم مـا لا تشيـلـه
يا شبل من تفخر بطاريـه الاشبـال
شبل الأسد لي مـا يِحَفْـل الهزيلـه
هذاك لى تَضْرِبْ به الناس الامثـال
سهل التمثِّـل بـه ويصعـب مثيلـه
فـارس يِهـزّ بْهيبتـه ألـف خَيّـال
ظاري على حمل الحمـول الثقيلـه
يدهل بغاياتـه علـى كـل مدهـال
دون المعالـي مـا تـردّه عضيلـه
وانته على درب العلا قايـد أبطـال
والشبل من ذاك الأسد لـه حصيلـه
أشْهَد شهـادة حَـق والحـق ينقـال
إنّك على الطولات ما فـي كحيلـه

/

الموعد

جيتك على الموعد ولا جيت
وش عـن لقانـا مانعـنّـك
كَنّك عن الموعـد تخلّيـت
يـا ويـل يَاللـي عاشقنّـك
ليتك لصوت المغرم أصغيت
أوتـار صوتـه يعزفـنّـك
كل حرف منّك يستوي بيت
وارْبَـعْ حـروفٍ ينطقنّـك
ياما علـى شانـك تحدّيـت
سـود اللّيالـي واسهرنّـك
منّك أنا لا حَـيّ لا مَيْـت
لا مَيـتْ ولا حَـيّ منّـك
يوم بْنِظَـرْ عينـي تربّيـت
وامـرت بامـرك طايعنّـك
ليـش التغلّـي والتعنّـيـت
آهات صـدري مـا كفنّـك
لو نِكْ تباعـدت وتقاسيـت
لك في المحبّه عكس ظنّـك
إن كان لي يـوم وتمنّيـت
شوفـة عيونـك طالبـنّـك

/

تواق

توّاق لـك أشكـي ولا زلـت فـزّاع
لكـن تبـدلْ حـال وابغيـك تـفْـزَعْ
انت الذي لك رمز فـي كـل مطـلاع
يوم الرجـال تْحيـن (تـوّاق) يطلـع
المجد لك يا فخـر الامجـاد ينصـاع
غصبٍ عليه وتحت رجليـك يِخْضَـعْ
والعز بامرك يا سنـا العـز مطـواع
ومن كان مثلك.. كـان للعـز مربـع
غصت فْـبحور الشِّعر لين اغزر أقواع
ومنزلك عالي.. يا نجـم فـوق تلمـع
الحر في المقنـاص معـروف طَـلاعْ
وانت الفريد.. النادر.. الحـر اْلاروع
كلٍ لـه اعجـازٍ.. وكـلٍ لـه ابـداع
لكنّك انتـه بالفعـل صـرت الابْـدَعْ
لو باكْتِبْ مْـن اليـوم ويجـف لِيْـراع
ما اظنّي أحصي كل ما فيـك واجْمَـعْ
ظبيٍ سَرَقْني.. ماخِـذْ القلـب بِخْـداع
حلـوٍ وداده.. لكـن القـول يِـخْـدَعْ
كـمٍ تحمّلتـه وكـم جتنـي أوجــاع
وانا ابتسِمْ له.. كيف والجـرح يوجـع
أبغي دخيلـك آخِـذْ الصـاع بالصـاع
آخِـذْ قضايـه ليـن لِعْيـون تِـدْمَـعْ
فزّاع يشكي لـك.. ولا زلـت فـزّاعل
كـن تغيّـر حـال وابغيـك تـفْـزَعْ

/

المنهل العالي

قصيدة مهداة لسمو الشيخ محمد بن راشد بمناسبة حصوله على المركز
الأول في سباق ماراثون اسبانيا للقدرة

العظيم الله وانا مُؤمـن بهـا كَلمـة عَظيـم
والحياه بْها رسُل مع أنبيا وْصحـب وْكـرام
والكتب لي م السَما الإنجيل والعهـد القديـم
والختم قرآن أنـزل بيـن مَكّـه والحـرام
والرسول المصطفى محمد لنا خيـر وْنعيـم
كان أمّي وراعي اغنام وهدى بْنـوره أنَـام
والزمن دولات حكمه بين سين وبيـن جيـم
لارخت في يوم شَدّت حبلها تبغـي المشـام
عدْت اطالع في البدايـه والنهايـه والنديـم
وابن سينا وابن خلـدون وْموطـأ هَالإمـام
البصيره لي تقـود العقـل للـراي السليـم
ما يعرف النور شخصٍ جاهل بْأمر الظـلام
التجارب معـدن الرجّـال بمْحَـكّ الجسيـم
الجسيم اللي يفكّ عْقودها لـو هـي جِسـام
ذاك حتى لو جلـس الـدرب بيـده يستقيـم
واهَنيِّ الأرض تحتـه كـلّ ماعـزّم وقـام
المحمد .. لي بحزمه عِلـم يتسمّـى حَليـم
حِلمه اللي بْحَدّ وبْحَدّه يحِـدّ مْـن الحَـرام
المحمد .. الحكيم اللي بـه الحكمـه تقيـم
لاعجب لو تعجب السبع العجايب بـه دوام
المحمد .. لو( حدايق بابـل) توازيـه غيـم
له حدايق شعر نرجس ما تغطّيهـا الغمـام
و(المسلاّت) بْعلوّ نجومها رْجـال وْحريـم
ما تعلّت فوق نجمه ساطـعٍ لـو قيـل نـام
وكلّها (اهرامات ) جيزه لي بها السِّر الكتيم
رامها باخلاق سَمْحَـه بَالصـلاه وْبالصيـام
وبرج (بيزا) كان هو يُحْسَبْ عجيبه للفهيـم
وش نسَمّيها بروجٍ ساسهـا كانـت خيـام؟!
وتاج علمه كالسّحَاب الموشلي مبسمه ديـم
لو (محل هالتاج) يوقف قال باوقف له نظام
وذاك (سور الصين) شُيّد من زمن قافٍ وميم
عام ميتين وسبعتعشـر علـى قيامـه تمـام
سوره الإسلام ممشى والصـراط المستقيـم
كلمته موقف ماهي صوره تعلّـق أو حمـام
و(المناره ) قامها (بطلِيمُوس) بْوصفه زعيم
عام ميتين وْثمانيـن وبقـى منهـا الحـلام
هالمناره لو درت بمحمـد الشهـم الشكيـم
ما اغفلت عن نورها لآخر مواعيد الضـرام
هالعجايب لو هو ثامنهـا باقـول الله عليـم
ما يكنّه من عجايب فـي معانيـه ازدحـام
ودّه وودّه ولـكـن الابجـديّـه كالنسـيـم
ما توفّي و لا تكفّـي لـو بكفّـه هالكـلام
المحمد .. من علوّه ينهـل البحـر الكريـم
ومن سكوته في سكوته تقرا تاريخ الكـرام
جيت له داعي أنا ما بين زمـزم والحطيـم
ميم حاء وْميـم شـدّه وْدال رمـزٍ للسـلام

/

انا في الشعر

أنا في الشعر ابن هذاك إذا إنته تعَـرْف الشعـر
أهيجْ في البحور أمواج، أمشّيهـا علـى كيفـي
واقول لك لا تجاريني ترى أمشي بـدربٍ وعـر
واذا تبغي تجاريني تـرى لـك صامـدٍ سيفـي
ولا تضمن تحوز النصر وانا بحـرٍ وانتـه نهـر
واذا عارضت تيّـاري تبـرّى موجـي وْسِيْفـي
وكم من واحدٍ غيرك تعرّض لي وجـاه الكسـر
ودارت به هبوب رْيَاح فـي أقـوى عواصيفـي
تهاجم سايل الأقلام وسطـرٍ مـا يهـزّه سطـر
وإنتـه وينهـا افكـارك عـن بْيوتـي وْتهديفـي
تبا روس العلا وانته تحوّل فـي طريقـك حـدر
تحاول بس مـا تِقْـدَرْ بـأن توصـل مشاريفـي
نجـوم الليـل ماتنـوِرْ إذا بيّـن شعـاع البـدر
وش اللي يجمع الوسمي على سحب ورْعد صيفي
تشوف الجاذبيّه لي فـي هالدنيـا تجـرّك جـر
أنا عكسه أفرّك ويـن مـا أبغـي علـى كيفـي

/

فارس إبن فارس

حمدان بن محمد بن راشد آل مكتوم يرسم بالشعر أحداث فوز شقيقه
أحمد بن محمد بن راشد آل مكتوم
بالمركز الأول..في أسبانيا والزمان..زمن انهمار الشعر من الأب.. إلى الابن..
زمن المكارم المتوارثة أصالة وكبرياء.. حمدان شاعر وفارس أدرك قيمة
النصر فمنحه زخم إبداع القصيدة وقوة حضورها البهي..

فز الشبل من صكّت الحلقه على الابطـان
يوم الشجاعة تنهـزم وتزلـزل الابطـال
يومٍ تخربـط يـا عـرب تتغيّـر الأوزان
رد الشبل في زمجره متحـدّي الزلـزال
فزّ الشبل (أحمد) بقـوّه ترعـب الميـدان
وذاك الأسد قايد يحـرّك بيـده الأشبـال
وقام التحدّي في جبـالٍ خوّفـت فرسـان
و(احمد) بعزمه إنفرد وابعد شرات اللال
لا ما يهمّه صعب كل الصعب تحته هـان
والنصر ما جابه صدف جابه بطولة بـال
يخضع له الفوز بفخر من سالف الأزمان
تاجي وعزّي ومنهجي، يا غيثـي الهمّـال
شيخي وابوي (محمّد) اللي للنصر عنوان
في عيونه يبان التحدّي والصبـر وآمـال
واحمد تعلّى واعتلى هو فـارس الشبّـان
في عيونه يبان التحدّي والصبـر وآمـال
أنا اشهد انّه عاش ع صهوة فرس وعنان
ولا يْبيّن الرجّال كود ان كان ابن رجّـال
ولا اظن بان السيل يجري دونه الوديـان
وحنّـا إذا قلنـا تـراه أقوالنـا أفـعـال
مازان هو بالفوز والله الفوز باسمـه زان
يختال هو بالفوز.. لا إلفوز بـه يختـال
المجد كل المجد من (أحمد) بنى له شـان
والعز كل العز من (أحمد) خصالـه نـال
ما خاب ظنّي فيه يوم الصبح نـوره بـان
الصبح يفرح يوم شاف (احمد) بخيله صال
له غنّت حروف القصيده باعذب الألحـان
والنعم باحمد قلتهـا والحـق بـه ينقـال
فارس ابن فارس إذا قالـوا فـلان فـلان
أحمد بن محمد ابن راشـد ياحـيّ الفـال
يومٍ عزيته فزّ قـال انّـي أخـو حمـدان
أنا اشهد ان الفوز باهدي لك على كل حال

يا عـيد الأعياد

إلى الوالدة سمو الشيخة هند بنت مكتوم آل مكتوم"حفظها الله"

مبروك عيد الأم يا عيـد الأعيـاد
مبروك كثر الشوق لي ساكنٍ بـي
يعله عليك بخير كـل عـام ينعـاد
يا نبع حـب مـن حنـان متربـي
أمي يا نوري يا سنـا كـل البـلاد
يا شمعةٍ تضوي مدى العمر دربـي
حبك هنا مزروع في وسط الفـؤاد
يجري بدمي موطنه صـار قلبـي
لا خير في شعري إذا فيك ما جـاد
شعـرٍ يعبـر عـن ودادي وحبـي
الخير فيك وباسمك الخيـر ينقـاد
والخير من فوقي وتحتـي وجنبـي
يا ورد منه الورد بالطيـب يـزداد
بأمرك أنا يا أمي ولأمـرك ملبـي
يا الله عسى عمرك هنا فرح واسعاد
يا شمعة هالكـون يحفظـك ربـي

/

ارتجاليه فزاع

تـلـفـونـي

يا مرحبـا يـا مغلـط فـي تلفونـي
مسموح مسموح والغلطات عفويـه
صفريين تسعه وسته سته تمونـي
الرقـم هـذا فتـح خـط السعوديـة
ان قلت لبيـك آمـر هـذي عيونـي
فتحت ذا القلب والنيـه علـى النيـه
خليت لك في الحنايا بصمـه ولونـي
تفرق على لون دمـي فـي مجاريـه
خليت لك يا حبيبـي بيـت فرعونـي
يخربط الناس في الروحـات والجيـه
وخليت لك في عيوني ركب وضعوني
تزعل وتنزل تحـت جفنـي وفوقيـه
يا صاحبي وان نشدني طيفك شلونـي
اقـول طيـب وطيفـك فيـه ماريـه
ماريـه يـوم تقبـل تجـذب لحونـي
واجر له من لحـون الشـوق قافيـه
بيحت يا قاصـد الغلطـات مكنونـي
وانا رومنسي احب اهـل الرومنسيـه
من دونك اعيش وانت تعيش من دوني
يا لين اوحيت صوتك يا لعنبـو حيـه
رجت زوايا خفوقي وانشـد ركونـي
وانا ولد شيخ لـي هيبـه وشخصيـه
الارض ارضي والكون المرجله كوني
لكـن الحـب والعاشـق وطـاريـه
تكفـون يـا نـاس بالله لا لا تلمونـي
الصدفه اللـي بلانـي عـاد جبريـه
سموني العاشـق المغـرم وسمونـي
الشاعـر اللـي قصايـده ارتجالـيـه
قنابل من فكـر راسـي ومضمونـي
لكـن قنابـل غرامـه هـي بـذريـه
واغني البيـت متواكـب وموزونـي
مبـدع ومجنـون وافكـاري خياليـه
يا نجد ودي اغني بـك علـى هونـي
حورية الارض فوق الارض نجديـه

/

الــعــذر يــابـــوي

مرثية الشاعر حمدان آل مكتوم

العذر يابـوي لـو ماشلنـي ساقـي
الحزن ما طاقني والقلب مـا طاقـه
ياعيني ابكي وساعدهـا يـا خفاقـي
ما هوب بعيبٍ يفيض الدمع ف احداقه
يا موحد الدار .. يالمتفـرد الراقـي
والغيم حزنٍ جذب الاحساس براقـه
اشوف كن النهـار يحـدر احداقـي
واشراقته مـا تشابـه أيـة اشراقـه
ومن يعذل القلب عن ضيقته لا ضاقي
انسان مشكوك في مذهبـه واخلاقـه
ياحاكم الارض و أول وآخر اشواقي
يفداك قلبٍ حزن فرقـاك مـا ذاقـه
في غيابك الناس ماتت وانته الباقـي
لأنـك الغالـي اللـي يذبـح فراقـه
يبكيك من يغرس النخله على الساقي
يبكيك راعي الشداد وراعـي الناقـه
والطيب والجود والعزه والاخلاقـي
والارض وترابها والبحـر واعماقـه
شيخٍ مقامه سكن ما بيـن الاعماقـي
حتى الزمن مـن محبينـه وعشاقـه

/

غصون الراك

يا (أحمد)خفوقي غدا فـي يدينهـا لعبـة
لعب الهوا في غصون الـراك لا مالـت
و هي في قلبي تمركز في طرف شعبـه
وذكرى غلاها ليا ذا الحيـن مـا زالـت
قولـوا لمحبوبتـي نفـس العنـا تعـبـه
وان قلتوا إلها .. أبا اعرف إيش هي قالت
إلى متى هالخفـوق يعيـش فـي رعبـه
وشلون يركد شعـوري و الغـلا فالـت
الحب حاكم طغـى ظلمـه علـى شعبـه
و النفس تشكي على ظلمـه ولا احتالـت
يا بنت أنا صعب ودموعي بعـد صعبـه
من قو عزمي ليـا ذالحيـن مـا سالـت
إن كنتي الزين مـن راسـه إلـى كعبـه
نفسي لحـب المكـارم و العـلا نالـت
الله يحـرم عذولـي شـوفـة الكعـبـه
ياللـي يدينـه إذا طـال القفـا طـالـت
لو كل مـن شافـت عيونـي تولـع بـه
ما صرت كني في غصون الراك لا مالت

/

البدر

مجاراة لقصيدة سيف السعدي

هذا هو البدْر والاَّ البـدْر بِـنْ عَمّـه
في عِلْم أنا والاَّ هذا الليـل وِحْلومـه

إن كان للحِسـن قِمّـه هـذي القِمّـه
والاَّ عسى الحِسنْ كلّه فَـدْوَةْ قْدومـه

أقْبَلْ يضمّ السَّهَـرْ وِعْيونـي تْضمّـه
ما ادري من اللى من الثاني سَرَقْ نومه

كَنّ الوَصِلْ دِنْيتي يـوم الوَعَـدْ تَمّـه
وْكَنّ الوَعَدْ جَنّتي دام الوَصِـلْ يومـه

ما الوم من لامنـي فـي حبّـه وْنَمّـه
حتى فوادي ولو يشكيـه مـا الومـه

إذا تكلَّـمْ يغـار العطـر مِـنْ فَـمّـه
سوالِفِـه كلّهـا بالمِسْـك مَخْتـومـه

ياليت لى هَمّنـي مِـنْ نَظْرتـه هَمّـه
عينه خذَتْ نَظْرتي قَبْل آخِـذْ عْلومـه

أبطا يسولِفْ عن الطيْب وْحَنَـان أمّـه
ما يدري أنّـه بقلبـي وَثَّـقْ سْهومـه

ما يدري أنّه عـلاج العاشِـقْ وْسَمّـه
وانّ القصايد علـى طاريـه مَنْظومـه

طالَعْت في ساعْتـه رَدّ وْقَلَـبْ كمّـه
لا ساعْته قَصْدي وْلا قَصْـدي خْتومـه

ما قَصْدي إلاَّ الغَلا لـى ساقنـي يَمّـه
أحيان ارومه وبعض أحيان ما ارومـه

لولا الحيا والاَّ انا فـي ذِمّتـي ذِمّـه
لاغْزي على روض رمّانه وْمَشْمومـه

/

ماقد عصاني

ما قد عصاني بعيشتي عمـر دنيـاي
ولو اني ابحكي كيف اقـدر احاكيـه

مادري وش اللي جاب هالحظ ويـاي
كل من شكيت لشخـص لقيتهـا فيـه

بلوه اصلا كل هالعمر بلوه رضـاي
و يـا ليـت اقـدر اقـول مـا ابيـه

لا اني بعطشان و لا شـارب المـاي
و لا اني انا ماخذ و اقـول معطيـه

لا اني انا المذكور و لا اني بمنسـاي
مادري انا اللي غالي او انـي اغليـه

احسب خطاي و كل خطوه بممشـاي
امشي برمش رضاه لو رمش بمشيـه

عشق و غرام الموت واحساس بلواي
مـادري لايـه غربـه اليـوم بنفـي

ذوبت لك عمري مثل سكـر بشـاي
عمري الحياه يا سكر العمـر اغليـه

كل الحواس تقول وش جاي وش جاي
خايف تضيع اصابعي باصبـع ايديـك

ابغي اشبه نظرتـي ترسـم خطـاي
حتى القصيـده مـا لقـت اي تشبيـه

مادري عاد تعـود بحـزن و النـاي
ماقدر اذمـه ولا بعـد اقـدر اغليـه

قالولي هذا حزنك و قلت (ش)الـراي
ايــة حــزن ايــة اباشسمـيـه

يومي انـا هـذا انـا عشـت دنيـاي
ليـل وراه الليـل وش عقـب يجـي

عشت بزمان قلـت للطيـر مـولاي
كل من رفـع جنحـاه فزيـت لبيـه

/

قدّها وقدود

صدق من قال يا محمد بأنك سيف ما تنصـد
مرواتّك علم خفاق وفيك المرجلـه والجـود

يا بن راشد وابو راشد بنيت امجاد لك تشهـد
تجف أقلامي بمدحك,يحيـر العـد بالمعـدود

إذا منك بغيت الشي فـلا عنـه مـرد وبـد
تطول اللي تقوله عز وانتـه قدهـا وقـدود

أشوف النجم ذاك بعيد,و أنت من النجم أبعـد
ألا يا حظ أبو من هو تكون انته معه موجـود

إذا اسمك يجي في الشعر يزيد البحر مده مد
يزيد الشعر في الشاعر تجيه أبيات دون حدود

مروض جامحات الخيل,مهدي الموقف المشتد
مفرج كربة المظلوم,وشوق الفاتنـات الخـود

أحد مثلك أنا ما القى رجل مثلك أبد ما حـد
على شعبه سطع نوره مثل بدر اليالي السـود

أنا لاجلك كتبت الشعر وفضلك سيدي ممتـد
على طول المدى نبقى لشورك طايعين جنـود

/

ديمقراطي

تصدّق ما بقى له شيّ في بالـه مـن الأفكـار
عجز يخفيه في صـدره كـلام الحـق ويلمّـه
عجز يقطف ورود الفل ويظلـم وردة النـوّار
لاجل ما يكسب الآذان يطري لـه ولـد عمّـه
إذا ما عاش ليله ليل ولا عـاش النهـار
نهـارليا صبحه غدى ليلـه ونـور الصبـح مظلمّـه
واذا ما عاش مستقبل يعيـش اليـوم بالتذكـار
يعيش الحاضر الماضي يهمّه بـس مـا يهمّـه
يمقراطي يعبّر عن كلامـه عـاش باستقـرار
يـومّ القلـب لافكـاره واذا ومّ الفكـر ومّـه
وانا ما جبتها لك سحب إلا في سمـا الأمطـار
سحابٍ لا بغى يمطـر دموعـه إندفـق دمّـه
سحابٍ من دموع الموت هالك يروي الأنهـار
روى نهره ونبت وردٍ عجز يقطف ولا يشمّـه
جبل صامد قوى عزمه كبر حتى بـدى ينهـار
عقب ما كان في العالي تهاوى من على القمّـه
بدى يصغر يالين أصبح حجر يلعب بيدين صغار
تبعثر والطفـل ينثـر حصـاه ويرجـع يلمّـه
نصيحه قلتها إحـذر تعاكـس جـارف التيّـار
صعب تامّن في بحر الوقت لاموجـه ولا يمّـه
ونصيحه لا تذيكا لك على ناس اذكيـا شطّـار
ترى بعض البشر تحسب بلا روح وبـلا ذمّـه
وانا لا ما عليّ الاّ أقول الحـق مهمـا صـار
تريد الحق خذ قولـي ولا تاخـذ ولـد عمّـه
أنا قلت النصيحه لك واعيد الدار غيـر الـدار
وافاعيهـا تريّـا بـس لحظـة غـدر وتسمّـه
أنا ما جبتها لك سحب إلاّ في سمـا الامطـار
واذا زمّ البحر موجـه لـك الله ردّهـا زمّـه

/

نخوة قوافي

يا مسا السكّر على الغصن الرطيب
يعل تسقي ديرتـه وبـل السحـب
زارني والفكر ساري سـري ذيـب
قلت سبحان الـذي سـاق ووهـب
قلت ياليـل اللقـا والشـوق طيـب
طيب لاصحاب الحسب واهل النسب
القوافـي تنتخينـي قبـل اثـيـب
وما على سنّي من اشعـاري عتـب
إن بدعت الشعر سِنّـي مـا يعيـب
من صغر سِنّي وانا قافـي عجـب
القوافـي بَدعهـا حـظ ونصـيـب
بس انا حظّي على القاف انتصـب
إن صعب قافي ترى فالـي يطيـب
مطلب افكاري هو القاف الصعـب
دامني في صغر سِنّي قبـل اشيـب
أملـي الدنيـا زغاريـد وطــرب
ما عليّه لـو غـدى شـكٍ وريـب
وش على الصادق إذا الحاسد كذب
دام فعله دون قولـي مـا يصيـب
كيف لو فعلي علـى قولـه وثـب
ظنّ بي ظـنّ الحسـود المستغيـب
وابتليتـه بلـوة السيـف الـحَـدَب
قمت اجيب اللي عجز عنّه يجيـب
ما قدر يكشف عن عـروق الذهـب
كيف الوم اللي نظر عينـه عطيـب
مـا يميّـز بيـن زرفـال وخبـب
المعانـي بـدع فكـري واللبـيـب
يدري ان الـراس مـا يتبـع ذنَـب
الشعر ماهـوب لامثالـي غريـب
لاني بحاجـة مـن احتـاج وكتـب
وارثنّه هوب فـي حاجـة نسيـب
الضعيف اللي إذا احتـاج انتسـب
وانت يابو نصّ ظن ونـصّ عيـب
لا تسال الكرْم عـن لـون العنـب
لا تسال الشط عـن مـوج الغبيـب
البحر مايرحـم صغـار الخشـب
والعرب مـا تفخـر الاّ بالنجيـب
واشهد انّـي عندهـم عِـزّ الطلـب
وانت يالمحبوب لـك ربّ حسيـب
لا يغـرّك مـن تباعـد واقـتـرب
وانت لو تخطي على قلبي مصيـب
صابني مـن بَيّـة عيونـك هـدب
إن رماني رمـش عينـك يالحبيـب
جرحك علاجي وانـا ادوّر سبـب
إسأل مجـرّب ولا تسـأل طبيـب
العَـرَب مـا تفخـر الاّ بالعَـرب

/

رد على مجاراة الشاعر عزّام

تطاير فكري واحساسي من الخفّاق دون شْعور
وصار القلب ما يْميّز وانا ما اميّـز احساسـي
بدا يطري على بالي وبراكين الضميـر تثـور
لوين آصد لي يطلع .. حتى وسـط هوجاسـي
أبيك تكون (عَزَّام) الذي يلعـب ولـه جمهـور
وانا طبعاً في جمهورك لا تنسى انك بني ياسي
أبي حال المودّه تصير كما حبل الوتد مـزرور
متى منّك قطعته ينقطـع بـه حبـل الانفاسـي
ترى نور الفجر أحيان ياخِذْ من غيـاب النـور
متى ما تشابهت الاعداء إحْذَرْ ضربة الراسـي
ومتى ما جاتك بطيبٍ تخلّيهـا لابـو عسكـور
وتردّ لها الجميل بطيب سياسي واكبر سْياسـي
وكمٍّ واحدٍ ضايع ويترجّـى مـا بيـن بْحـور
ومركب حبّكم يبحر ولا يصبـح لهـا راسـي
ترى من يطعم الاخلاص ما يرجع يبي عنقـور
ولى ضاري على المصعاد ما يمشي بمنكاسـي
وحتى النور لو هو غاب عقب ليله يجي له نور
وزرّ حْزامك انت اليوم ترى القاسي يبي قاسي
بأبي تنسى وتتناسى وتنسى انّك نسيت الشـور
وتنسى انسان ما ينساك وتتناسـى ولا بناسـي

/

قراءة مدى

دنيـا ودانـي مواطيهـا ترفّعـهـا
والقرم يرقى بعزمه عـن مواطيهـا

القرم يفرض عليهـا أمـر واقعهـا
يجرح دروبه لاجل يرجـع يداويهـا

يرقى واذا ضاقت دْروبـه يوسّعهـا
ويعق فيها مع انّه مـا طمـع فيهـا

لان المطامـع يثيـر الشـك دافعهـا
مثل الفَعَى يوم تسمع نـاي حاويهـا

لا هو سمعهـا ولا قصـده يسمّعهـا
ولا قصده إلاَّ تناظر ميـل راعيهـا

يطلـع بطلعـه ولكـن مـا يطلّعْهـا
بعض المظاهر تزخرف لك مراميهـا

وشلون ألوم المظاهر والعـذر معهـا
والعقربي ما قـدر يكشـف لياليهـا

أهل المطامع تغطّي لـك مطامعهـا
والوقت يقـدر يبيّـن لـك مغازيهـا

من حكّم الظن فـي الدنيـا يضيّعهـا
ومن حكّم العقل يكسب فـي تواليهـا

ومن أشعل النار لا يامِنْ مواضعهـا
(النار ما تحرق إلاَّ رجـل واطيهـا)

والنار أطفت وانا ما اريـد أوَلّعهـا
واذا ارجعت ولّعت أرْجَـعْ واطَفّيهـا

والبسمه اللي لذيـذ الزيـف وزّعهـا
أقـرا مداهـا واترجمهـا وامشّيهـا

وِحْروف ما بين الاسطر سهل تجمعها
لكن من الصعب تستوعـب معانيهـا

قليل من يدرك الفرصـه ويصنعهـا
يجـري بمبـداه والدنيـا يجاريهـا

بعض الفرص تغتنمني لاجل أضيّعها
واصنع فرص تغتنم من طيب راعيها

هذا وانا اعزّ نفسي فـي تواضعهـا
واقـدّر النـاس قاصيهـا و دانيهـا

والناس ما تحفل اللي مـا يصانعهـا
وتعيب في بعضها لو كـان غاليهـا

تنسى وتذكر علـوم اللـي يطابعهـا
واذا اختفى يختفي عن ذكر طاريهـا

تتبع خطا من هـو يْحَـاوِلْ يمتّعهـا
وتقول مـا لا تكنّـه فـي خوافيهـا

والناس تشكـي لحاميهـا مواجعهـا
وشلون لو صار حاميهـا حراميهـا

/

امجاد

الشِّعر له أمجاد والبيت لـه مجـد
ومن هو يروم يوصِّل الشِّعر مجـده
الشِّعر له ميزه وفـي ميزتـه عـد
ياما شويعر إنجلـب شِعِـرْ ضـدّه
لا تقسم الخفّـاق القلـب مـا يْبِـدّ
وراعي البدايه في هوى الشوق بَدّه
في فرق بين جْبال وفي فرق في النَّدْ
سهلٍ رقاها بس فـي الفـرق مـدّه
واذا تسنّ السيف في موعـد الحـد
ردِ السيوف ورد سيفك فـي غمـده
خَلّك شجاعٍ لا تْعَرِفْ حر لا بـرد
لا برد حرّه ولا بَعَـدْ حـرّ بـرده
وانا فهمت الشِّعر هو ما يبـي قَـدّ
إنت الذي ترفـع لـه الشِّعـر قَـدّه
إن فاض سيلك فايض السيل له سد
وسـدٍّ يسـدّ السـدّ وسـدٍّ يـسـدّه
وان كان المطوّع ولا طاع وارتـد
يا هي حسافـه كيـف طايـع وردّه
ما يردّه إلاّ ناعس الطـرف والخـد
ودّه يحـاول يوصـل الخَـد.. ودّه
إن جيت أطالع عينـي بْعينـه تسـد
بس يكفي انّي شفت عينـي بخـدّه
هذي مشاعر شوق والحـب والـود
يبغي يغيب بْعيـد والشـوق عنـده
في بسمتك (عَـزّام) يتفتّـح الـورد
كن المطر نازل علـى أوراق ورده
يا ما أضيع بشوق في ليـلٍ اسـود
ويا ما يضيع الليل في شَعَـرْ هَـدّه
يلعن مشاعـر لا تجـي مَـدّة اليـد
يوقف خفوقي يوم مـن بـس مـدّه
هذا بَحَرْنَا يْسَـاوي الجـزر والمـد
كلّي تسـاوى بيـن جـزره ومـدّه
الشِّعر له أمجاد والبيت لـه مجـد
وهذا يروم يوصّـل الشِّعـر مجـده
فاءٍ وراها زين ومـن عقبهـا مَـدّ
وعينٍ وْرِدّ الزين وْعَ الزيـن شَـدّه

/

فهمت وما فهمت

فهمت العشق لى يطلب من الإنسان ذَرْف دْمـوع
فهمت العشق لى يطلب من الإحساس كل أوجـاع
فهمت العشق لى يفرض على الإنسان يعيش بجوع
فهمت وما فهمت اللي سكن فـي داخلـه فـزّاع
فهمت العشق بحر أحلام غزير غزير بليّـا قـوع
فهمته بحر أحلامـي بحـر عشقـي بليّـا قـاع
فهمته نبض فهمته لمس فهمته روح ولا مسمـوع
فهمت ان العشق فرصـة عمـر متخبّـيٍ بِقْنـاع
قريته درس فهمته عِلْم أعيشه روح بنور شْمـوع
بكيته دَمّ جرحته لا عرفت انّ الصـراع صْـراع
فهمتـه لـه قوانيـنٍ ولكنّـه بــلا ممـنـوع
فهمتـه أصعـب دْروبٍ مشيناهـا بـلا مرجـاع
فهمت ان العشق غصن الوعد في خافقي مزروع
فهمتـه ملجـأ الإحسـاس ولكنّـه بَعَـدْ ضيّـاع
فهمت ان العشق أحيان يشبه فِ النـزول طْلـوع
عيشه في اختلاف الوقت مثل ما تختلف الاصباع
فهمتـه جامـع ويجمـع وجمّعنـا بـلا مجمـوع
بلا مرسى بلا مينا بـلا شاطـي وبـلا مربـاع
فهمتـه عالـم الوحـده شعـارٍ رايـع ومرفـوع
فهمته كوكـبٍ ثانـي يبيـع الكـلّ مـا ينبـاع
فهمت العشق لى يطلب من الإنسان ذَرْف دْمـوع
فهمت العشق لى يطلب من الإحساس كل أوجـاع
فهمت العشق له أنواع وعشقي من فريـد النـوع
فهمت وما فهمت أَصْلاً وش اللى داخلـه فَـزَّاعْ

/

سيدي

من يجيب (الهَاْتْرِكْ) بْـ(سَيح السَّلَمْ)
ومن لعزمه تنحني روس الرجـال
غير ذاك اللي رقـى روس القمـم
نال مطلوبـه ولـو حتّـى محـال
(به قليلـه يـا مـلا كلمـة نِعِـمْ
دام فعله صار من ضَرْب الخيـال
الشّهم ولـد الشهـم ولـد الشهـم
زاكي الجَدّيـن مـن عَـمٍّ وخـال
سيّـدي سِيْـد الشجاعـه والكَـرَمْ
والشهامـه مـا بهـا قِيْـلٍ وقـال
نادرٍ مـا لـه شبيـهٍ فـي الأمـم
والنـداره مـا تجـي إلاَّ بْـقـلال
العدو مـن هيبتـه يوقـف صَنَـمْ
وما تمـاري قوّتـه صُـمّ الجبـال
والله انّـه للنصـر أصْعَـبْ رقـم
والشهـاده عنـد هذيـك الـتـلال
المهـم الفـوز والشـيّ الأهَــمّ
إنّه بفـوزه غـدا مضـرب مثـال
طالبنّـك سيّـدي وتقـول تَــمّ
كافيٍ وافْتَح لغيـرك هَالمجـال

/

عزّام مع التحية

عزمت أعَزمْ ومن عَزمْت عَـزمْ بـي
عَزام عَزم يقول الشعـر واعـزم بـه
حيّيت ركب الحيا ممّا حـوت سحبـي
يا حَيّ به عد ما حيّـا الحيـا ركبـه
الشعر عشق القلوب وْشَاعِرِكْ شعبـي
ما يعشق الشعر لى ما يشعِـرْ بْشَعبـه
وانا بْنبـاك ونبـا مـن نـاب متنبّـي
أنبيـك واللـي ينبّيـك النّـبـا نـبّـه
كلامك أحلى من السكّر علـى قلبـي
عِيْده على شان أعيد العيد مـن حبّـه
لاجله جنيت الجمان وجيـون الغبّـي
أدلج لاجل لجّ داجي تنجلـي حجبـه
بانشدك عن شاردٍ تنشا بـه السحبـي
أوّله عندك .. وتالي رمـزه أوّل بـه
تحسِبْ حسابه مع انّه من سحب حسبي
ويحاسبونك عليـه وحسبتـه صعبـه
والعزم عزمك واذا عزّمت عَزّمْ بـي
واعزم من اعتاز لك عزّه وعـزّم بـه

/

ابونا وشيخنا

تشوفون الشِتا والصيف تشوفون السحب وأمطار
تشوفون الشَجَرْ والطير وأمـن وخيرنـا سايـد
تشوفون الفَـرَح يالّلـي يداعـب وَرْدة النـوّار
وفجرٍ يا حلا صبحـه نسيمـه عِطْـر مِتْزايـد
تشوفون البَحَر والبَـرّ، جبِـال وتحتهـا أنهـار
تشوفون الأراضي كلّها تِزْهِـر لاجِـل واحِـد
لاجِل مَن وَحّد الدّولـه زعيـم وقايـدٍ مغـوار
أبونا وشيخنا (زايـد) ومَـن مِثْلِـه لنـا قايـد
بَنى مَجْد وبنى عِزّ وبَنى صَرْح الوطن باصرار
بَنى شَعْبٍ تحَت ظِلّه فِدى لْهذا الوطـن صامِـد
فيْ عيده غَنّت الفَرْحه طَرَبْ واستبشرت به دار
وداره دام هـو فيهـا، نعيـم وْخيرهـا وايـد
تهَلّيْ بْعيده السامي وتسمـو باسمـه المختـار
و(زايد) بالفِعِل زايـد و(زايـد) حبّنـا الخالِـد
أنا اشهد بانّ ذا العالَم إذا بْيـومٍ نـوى يختـار
حكيمٍ يَفْخَر باسمه، نَعَـمْ مالـه سـوى (زايـد)

/

أمي

وش خانـة (دبـي) وْبَحَرْهَـا
مادام شمس (دبـي) مـا حَـدّ
تبكـي فيافيـهـا وشجَـرْهَـا
والطيـر عيّـا مـا يـغـرّد
و(زعبيل) لى مظلم قصرْهَـا
ما به سوى صوت الصدى يْرِدّ
وِنْجـوم تسـأل عـن بدرهـا
لى ينير داجي الليـل الاسـود
يـا شمعـة الـدار وسفرْهَـا
يا امّي مـن الشـوق آتوقـد
إن كان شِعْري مـا حصرْهَـا
الاشواق تظهـر فـي التنهـد
تجيب لـي النسمـه عطرهـا
لى يْغَار منّـه فايـح الـورد
القلـب ينبـض بـه ذكرهـا
وِطْيوفهـا فـي العيـن ترقـد
الله يطـولْ فــي عمـرْهَـا
وتبقـى لنـا وبعمرهـا يمِـدّ
وعسـاه مـا يطـولْ سفرْهَـا
وِلْنـا بخيـر انشـا الله تْـرِد

/

من هو فزّاع

أنا عنواني اشعاري واسمـي فـي معانيهـا
وأوّل بيت أنا قلتـه غـدا تاريـخ ميـلادي

إذا تنشِدْ عن أخبـاري مـن اوّلْهـا لتاليهـا
أنا اشعاري هي اخباري على ما اْريد تنقادي

وانا أمّي إماراتي ولِدْت وعشـت أنـا فيهـا
وابوي أمجاد عرباني وطاري ماضي اجدادي

واخواني أنا المليار مسلـم فـي أراضيهـا
وانا القـرآن والسِنّـه غَـدَوا زادي وزوّادي

أعيش هْمومي وفَرْحي ولا لي نيّـه أخفيهـا
وأكبر همّي المقدس وطفـلٍ جنبـه يْنـادي

يهزّ بْصَرْخته أرضٍ نوى الصهيون يمحيهـا
من التاريخ، والعالم وقَفْ مكتـوف الايـادي

وانا ايّامي هـي اسْتـاذي تعلّمنـي لياليهـا
فلا خيـرٍ بإنسـانٍ يِفـادْ ولا بَعَـدْ فـادي

و(زايد) قِدْوِتي (زايد) و(زايد) من يزهّيهـا
بلاده شانها عالـي باسمـهْ دايـمْ تْشـادي

وروحي (محمّد المغوار) ابن راشد يغذّيهـا
من أشعاره من أفكاره، بنيت بْمجدهْ امجادي

مرَبِنّي على الجودْ وعلى المعروف واحميهـا
بلادي حبّي الأول ولا لـي غيرهـا بـلادي

/

أنا في الشعر

أنا في الشعر ابن هذاك إذا إنته تعَـرْف الشعـر
أهيجْ في البحور أمواج، أمشّيهـا علـى كيفـي

واقول لك لا تجاريني ترى أمشي بدربٍ وعـر
واذا تبغي تجاريني تـرى لـك صامـدٍ سيفـي

ولا تضمن تحوز النصر وانا بحرٍ وانتـه نهـر
واذا عارضت تيّاري تبـرّى موجـي وْسِيْفـي

وكم من واحدٍ غيرك تعرّض لي وجـاه الكسـر
ودارت به هبوب رْيَاح فـي أقـوى عواصيفـي

تهاجم سايل الأقلام وسطـرٍ مـا يهـزّه سطـر
وإنته وينهـا افكـارك عـن بْيوتـي وْتهديفـي

تبا روس العلا وانته تحوّل في طريقـك حـدر
تحاول بس ما تِقْـدَرْ بـأن توصـل مشاريفـي

نجوم الليـل ماتنـوِرْ إذا بيّـن شعـاع البـدر
وش اللي يجمع الوسمي على سحب ورْعد صيفي

تشوف الجاذبيّه لي فـي هالدنيـا تجـرّك جـر
أنا عكسه أفرّك ويـن مـا أبغـي علـى كيفـي

/

سرية فكر

سرى فكري وانا (فزّاع) والدنيا بهـا ضَجّـه
واظنّ ان الشِّعِر هاليوم يبى يقضي على حاجه

سرى بْليلٍ وفي بحرٍ يعانِـد غـزره وْلجّـه
يقاوم جرّة التيّار ولـو تطمـي بـه أمواجـه

بحور غْزار يبغيها لأصعـب دَرْب متوجّـه
يبى روس العلا وْيقدر على صعبات اْلِمْواجه

يطول الدرب كم بيطول وحرف القافيه غَلْجَ
هولكن يقدر ان يبني بيوتـه تصبـح أبراجـه

على وصف الجميل الفاتن الساحر لنا حِجّـه
مادام الحب هو ليل المتيّـم أو هـو سْراجـه

عنودٍ رمشها سَلْهَم وعيـنٍ ناعسـه دَعْجـه
وخدّ مْـورّد ومِنْـوِر طبيعـي دون مكياجـه

ووجهٍ من سنا نوره على البَهْجه ضفى بَهْجـه
مزونٍ غيثها البسمه ليا من تضحِك حْجاجـه

وميدولٍ على متنه كمـا داج الدجـى هَجّـه
على عودٍ كما قزّ الحريـر الناعـم انتاجـه

جميل وكل ما فيه الجمال سْكوتـه وهَرْجـه
واذا للزين منهـاجٍ حبيبـي الزيـن منهاجـه

أهو تاج الجمال إلاّ مداه اللي تبَـعْ نهجـه
وانا اشهد بانّ حِسْن الفاتنات لْصاحبي تاجـه

تصدّق من كِثر حِسْنِك تصيب بعالمك رجّـه
ولي تبغي له احراجٍ بحسنك تملِـكْ احراجـه

حبيبي لا تلوم القلب ، لوم عْيونـك الدَعْجَـه
بها حاجه ولا ادري وش بها لكن بها حاجـه

دخيلك يا هوى بالي حبيبك في الهـوى نَجّـه
ترى حبّك سبب همّه وصدّك سبّـة ازعاجـه

واذا المطلوب مِ الخَفّاق منّي يطلـب الرِفْجَـه
ورِفْجَه مـا أردّه دام هـذا القلـب محتاجـه

/

ضايق يسولف

يسوقني لمداعب الشعـر سايـق
واللي تساعدني عليـه القريحـة

والشعر للتاريـخ مثـل الوثائـق
والكاتمة على العلـوم الصحيحـة

ماهي بتتعبني صعـوب الطرايـق
اجيد ترتيب الحـروف الفصيحـة

لو كل بيت يهزنـي فـي دقائـق
جرحت شعار الضنـون القبيحـة

لاكـن أروقهـا اذا كنـت رايـق
واستقطب اللي نادرات ومليحـه

والي ماعنده كتف للحمـل طايـق
يصبر على جور السنين الشحيحة

يزرع امل بين الضلوع الدقايـق
واهل الامـل قلوبهـم مستريحـة

لو بينه وبين الطموحـات عايـق
يحاول بجهـد العزيمـة يزيحـه

لقيتلي ضايـق يسولـف لضايـق
وأعطاه من بين النصايح نصيحـة

لاطاح قدرك من عيون الخلائـق
لاتحسب انه يا أبيض الوجه طيحة

ماهي فضيحـة وانتبـه للحقائـق
طيحتك من عينك هي الي فضيحة

/

تعال وأسالني

مفروض لقلت عنـي سالفـة قلنـي
مع فعول الرجاجيل اذكـر اسماهـا

ما أبيك لا أنت ولا غيرك يجاملنـي
أنا اكبر من النفوس ومـن محاباهـا

في خاطرك شي لي تعال واسألنـي
لا تحكـم بغيـب نفسـك وترضاهـا

لا تنـوي انـك بأسلوبـك تقللـنـي
ترى الله يحاسـب النـاس بنواياهـا

وتراك ما أنت بتفرحنـي وتزعلنـي
لان الحقيقـة حقيقـة لـو تناساهـا

به فرق بيـن تتجاهلنـي وتجهلنـي
كبر البسيطة مـن أقصاهـا لأدناهـا

أنا اللي عقـول مثلـك مـا تحللنـي
الله خلـق خلقـه وميـز مزايـاهـا

خلقنـي بهالزمـان اللـي معلمنـي
كثرة حكايا الرجـال وقلـة احلاهـا

تنزيل مثلـك لقـدري مـا ينزلنـي
مـا كـل حاجـه تمناهـا بتلقـاهـا

في عيون بيض الوجوه الله مجملنـي
أنا أحشـم أشنابهـا وأدس ملحاهـا

لا تعتذرلـي ولا ترجـي تواصلنـي
ولا تلحق الذم مدح ولا تقصر اخطاها

مدايح اللـي سواتـك مـا توصلنـي
لو تمطر الارض ما وصل السما ماها

/

السمو و المعالي

لونقول ان المراجل مالها رجال غيره
العفو يارب لو قلنا كذه قالوا تعالي

في غيره بس تختاله لوحده في الجزيرة
مثل مايختار راعي الذوق سحب من خيالي

هو نموذج للعدل والدار بأفعاله جديرة
من مراجل سيدي تلتف هامات الرجالي

شفت دبي المستبدة بالحلى والمستديرة
في ضلاله كيف صارلها من كفوفه ضلالي

العوالي عسرة ودروب مرقاها عسيرة
والذي مايستلد العسر مايرقى العوالي

ياطموح مواطن رجله على دربه قصيرة
وان ذكرك تسوقه الخطوة على روس الجبالي

وان ذكرتك مالت بيوت القصيد المستديرة
روسها لي لين اقولها على شأنه تعالي

عادني في الميم الاول من حروف اسم المغيرة
اكملت قدام اكمل حاء وميم ودال تالي

حاء حمد وميم مجد ودال دار به منيرة
كل حرف من حروف اسمه على القيفان غالي

تكثر باسمه قلايل لان مداته كثيرة
ولان أوصافه كثيرة لكن أمثاله قلالي

ماهو بطير السعد لا والله الا السعد طيره
علم أصحاب السمو وعلم اصحاب المعالي

يفهمون ان المكارم كنز وامجاد وذخيرة
حطه الله في يدين القايد الرجل المتالي

حطه الله في ايدين محمد وهلت وفيرة
وارتوت منه الشعوب وربعت منها المفالي

من صنع للدار عز ومن بنى بالبحر ديرة
يستحق يقال فيه من الثنى مالا يقالى

حاكما كفه وأصابعها سنابلها بخيره
انجزت في ظرف ليله صرح يحتاج لليالي

سنبله تبنى عمار وسنبلة تغنى فقيرة
وسنبلة ماتعترف بالي يسمونه محالي

والنجاح الى بزغ ماهو بمنقطع نظيره
الا ماله لانظير ولا شبيه ولامتالي

والبحر والموج والحلم ومعانيه الخطيرة
من صفاته كلها ولا يقول كلها لي

فيه غيرة للوطن والدين ولافيه غيره
من يسولف كل مجد بعزته والراس عالي

كل يوم نشوف صرح يلهم العقل ويحيره
يعني التكرار ماله في مخططها مجالي

والثنى والحمد للي كل مسلم يستجيره
واللي مافيه غيره في السماء والارض والي

تم لابو راشد خوي الشعب محمود السريرة
دامه الله للمواطن وللوطن في وضلالي

كل خطوة من قدم رجله لها مجد ومسيرة
وكل كلمة من فمه فخر وطموحات وأمالي

ياسليل المجد تكفيني عن اشياء كثيرة
انت ابويا وانت عمي وانت خويا وانت خالي

اخذت من الشهر الفضيل أيامه العشر الاخيرة
واخدت من العشر الاواخر ليلة غير الليالي

/

ليه وكيف

ياهاجوسي للزمن حكمة وللمهموم والي
والابن آدم راس ماله عزته والله وكيله

اعتزالي للحياة المغرية غير اعتزالي
والدروب الدائرية والدروب المستطيلة

ومستحيلات الدروب احبها والاستحالي
ماتخوفني الدروب الكايدة والمستحيلة

هبتي فعلا تسولفه الرجال وراسمالي
ذكر شيخ لاوقف وقفته تغني عن زجيله

والقصيد يقاسم الاحساس والبيت ارتجالي
غني الساري لامنك ضقت والطرقة طويلة

لاتهاب الكوس ولا ترهبك ريح الشمالي
دامك تعرف النصر ماهي تشابه الفشيلة

لين تلقالك وطن كأنه من الفكر الخيالي
ينتميلك وانت من زود المحبة تنتمي له

وان سألت أجاوبك لكن بطرحلك سؤالي
والسؤال الي انا بطرحه لاتطلب بديله

من يعلم الاغنياء الي يحبون الريالي
عن كرم زايد وفلفسته و وقفته النبيله

ومن يفهم الاغنياء بان البحر ماهو بحالي
لاتلاطم موجه وحول على التربة مسيله

ومن يترجم لي رموز الوقت وظروف اللي
اليكل رمز له حروف وكل حرف فيه ميله

ومن يسولفلي عن دموع الغلا من عين غالي
وعن احاسيس الشجر لاغرقه مزن المخيله

وعن تفاصيل الكلام الي ابيه وما طرالي
وعن تخباط المضيع يوم ماحصل دليله

وعن حنين النوق لامنها رعت خضر المفالي
وعن غرام الوادي اللي له سنة ما مر سيله

وعن صقور ماتطيح الا على روس الجبالي
ليه قامت كل عصفور تجيله تمتيليله

وعن نهار اشرقت شمسه ولا شفت الضلالي
عن طموح يمتلك غاية لكن ماله وسيلة

وكيف كل انسان يطمح بانه الشخص المتالي
وكيف انا قلبي سعيد ونفسي اللقاها عليلة

وكيف تعبر فرحة البنت اليتيمة من خلالي
وكيف ازرع حزنها فرح وضحكتها حصيلة

وكيف اخلي اسمي مقدر اذا ذكروا مجالي
وكيف اداوي بالكرم تفاهة النفس البخيلة

وكيف اوظف جهدي لتحقيق صعبات الامالي
وكيف يجيني الي انا تمنيته وانا ويشلون اجيله

وليه حظي مايساعدني اذا قل احتمالي
وليه غلطات الزميل المحترم يجرح زميله

وليه ليلي مايقدرني وانا ساهر لحالي
وليه صبحي مايفرحني كثيره او قليله

وليه ظهري بيح لصبحي سبب قلة وصالي
وليه عصري يشتكي ظهره وظلمه عند ليله

وليه ماتخلى قلوب المسلمين من التعالي
وليه جفني ماتبكيه الحمام ولا هديله

ليه والا كيف والا عن ومن هذا سؤالي
جاوبه يالشاعر الي فاهما وايش اعنيله

واذا تضايق للزمن حكمة وللمهموم والي
والبنادم راس ماله عزته والله وكيله

/

الغربة

الله يسامحك على كل ما جاني
القلب لعيونك الثنتين اعذر به

و الا طموحي في راسي و اسأل امتاني
أكبر من اللي على شرواك اجاهر به

تذكرني ايام سعدي و اتناساني
في الضيق و الهم واللوعات و الكربه

تدري وش الغربه إني داخل اوطاني
و اعيش مثل الغريب بـ ديرة الغربه

لا تعتذر عذر ما يقنع على شاني
و ان كان به عذر تكفى لا تعذر به

لكن تذكر بأن ابن آدم ثاني
و الكبر صاحبه له يوم يحدر به

في الحب ساير تعيش الحب وحداني
و تحارب الناس عقلك ما تفكر به

الأول اللي يعاني مثل ما اعاني
وليا شعرت بلذيذ الشوق يشعر به

و اللي خفوقي على شوفته طرباني
كل الدروب العفيفه تطمح لدربه

ليه اتحداك لاقمت اتحداني
و انا مقامي على النجمات افاخر به

طرح مميز تسلم ع الذوق الراقي

شعر حلو تسلم ع النقل

روعة تسلم على الإختيار المميز

شعر حلو جدا مشكور