تدرين ان الجمال

الجمال ، تدرين ان الجمال انتي ، احلى كلام وشعر في الجمال

اعشقيني رجل في عزّته ساكن
واجهري بي عشق يا بنت الحلال

اعشقيني ماني بطمّاع ... لكن
خايف تروحين لـ أشباه الرجال"

***

ذاك ، حتى لو تركني لـ المهالك
يبقى عندي دون كل الناس غير

يكفي انه لا سألني كيف حالك
يبتسم حالي ولو : ماني بخير

***

أنا ما دريت ان البنفسج سرق عطرك
وحلوالعسل مسروق من ريقك الحالي

وشِعر الغزل والحب مسروق من شَعرك
ولون الشفق من لون ملبوسك الغالي

***

يوم قفىّ ظن مَ فيني حنآن !
ينتظر مني أنآدي له وأنوح ،
مَ درى إنيّ : بآقي ب نفس المكآن
منصدم منه وأردد مَ يروح

***

قالت بنام . وقلت انا راح اسهر
قالت تعب . قلت التعب لا نمتي

من حظنا المعكوس واللي يقهر
اقوم لا نمتي وانام ان قمتي

***

مربربه لعنبو ، حيك و دبدوبه !
وأنا ذبحني الحنين الله يعافيني

يامنوة الشفقان وياكل مطلوبه
بردان تكفين أبي حضنك يدفيني

***

شَافني أبكي ولا سمّى علي
معجبه منظر عيوني بالدموع

كل ماقلت أكرهك ما أبيك لي
ضحكته تسأل من اللي فالضلوع

***

ياهــلا بالزيـن كلّـه ، والتغنّـج ، والدلالي

والله أن الشوق يمّك زايد(ن) فيني زياده

لو دريتي بعد صدّك وش من الدنيا جرالي

ماتقول إلا غريبٍ (هزّه) الشوق لبلاده..!

***

يـا مجـرمـه يـا طاغيـه يـا عنيـده
في المبسم الذبّـاح وعيـونك السـود

أشوف في نظرة عيـونك قصيـده
وأشوف في خـدك سنا بارق رعـود

***

يا أميرة غنج يا قمة انوثه ..
كل شى(ن) حلو بك ولك يليق...

يوم حبيتك ما على حبّي حسوفه..
من يشوفك يا غناتي ويشتهي غيرك عشيق

***

يشتآق لك قلبٍ عرف قيمتك صح
شوقٍ يسآوي شوق طفله لبوهآ

كآن الظروف لشوف غالي تسمح
تعـال شـف ، غيبتكْ يـآلـعنبوهآ

***

ا فيه غيرك يالاميره اميره
وانا الامير اللي على العرش وياك

اموورتي يا حلوتي يا صغيره
يا جعل كل اللي على الارض يفداك

***

ماتركتك بالرضاء لكن زماني ..
مارضى يجمع حبيبٍ مع حبيبه '

لو أضمّك باليدين وبالمحاني ..
كل واحد مايجيه ألا نصيبه

***

(الخصر ) يرسم إنحدارات التلال
و ردوفها من ثقلها ( تلعبّ بها )

يفوح منها ( المسك )والـخمر الحلال
كنّه على ذيك الشفاه ( يصبّها)

***

لا حرام أكرهك وانت الحلال الحرام
ليه احملك ذنب الحب وذنوبي

ليه أجي كارهٍ نصفي وصوتي هدام
احفر عيوب غيري وادفن عيوبي

***

والله اني ف الموادع م رضيت !
منكسر : صمتي واداري ، عبرتي

بطلبك حاجه م دام انّك / قوييت
رد لي قلبي / و ردلي : بسمتي !

***

العيـون السـود فـي عينـك تضيع
يـاعسـل عينـك مثـل لـون العسـل
:
شفت انا في نظررتك شيٍ فضيع
لـفتتك عجلـه وفي رمشـك خجل..!

***

مزيونه الخدين من دون مكياج
ماهمها المكياج !! واخر موديله

وعيونها للكحل وشلون تحـتـاج
الكحل ماهو للعيون الكحيله

***

جاوبي صوت الغرام اليا ظهر فـ عيوني
عاشقك مهما يواجه ما يواجه شوقه
ٰ
وقفي في وجه عذال الهوى من دوني
مثل ما ياقف عزيز النفس دون حقوقه.

***

حبيبتي فيها من الحسن آيه
ومع كل رمشت عين يكبر غلاها

حذرتها من : عينها و المرآيه
أخاف تحسد روحها من حلاها

***

ياللي تركت آلنفس تسهى بالآبيات
بتنام نام وياعسى نومتك غير

تصبح على عطر وفرح وإبتسامإت
وتصبح على حبي وتصبح على خير

***

يانشغالي فيك عن غيرك وعني
يادفاك اللي معيّشني بأمانه
:
انت أول شخص يعشقني مع اني
ماعطيته شي يعشقني عشانه .

***

وجهك شِعر وعيونك اجمل قصيده
تغانمي حرفي وغنّي على القاف

كيف آتكلم عنك وانتي الوحيده
اللي ابيها صدق رُغم اني آخاف !

كل شارع في غيابك يمتلي ب الذكرى
ويمتلي ب الناس وكنه في عيوني فاضي

في عيونك شفت للدنيا سعاده اخرى
وفي غيابك ما بقى لي غير وجه الماضي

***

رتبيني م ااحبّ الفوضويه ،
لملميني من حدودي والغرقَ ..
　
احضنيني ل صَدرك الدافيّ شويه
ۈسمّي بسم اللہ عليّ من الارقّ

***

قلت لك ما أبيك رغم إني أبيك
وقلت لك بنساك لكن ما وعدتك

جيت قبلك وأنا حالف ما أجيك
أنتظرتك . تفتقدني . وأفتقدتك

***

احلف ان الزين لاطلت وراثه
والشموخ اللي من الغيمه قريب

حقها لا من تباهت في ثلاثه
بنت امير وبنت شيخ وبنت طيب

***

الجو يشبهها وهي تشبه الجو !
و اثنينهم روعه وفيهم حلاوه ,,

بـ عيونها القمرا وبـ خدودها الضو !
وفيها خليط من الحضر والبداوه

***

مادريت ؟اشصار فيني!! ما دريت؟
جفن عيني من حلا وجهك شرق!!

شافتك عيني وفزت وستحيت
قمت اغض الطرف في وجهي عرق

***

لو لي مثل قلبك تمنيت فرقاك
واكيد قبلك بالجفا صرت بادي

حلوه عذاريبك وحلوه مزاياك
حتى بيوم فراقنا كنت هادي

***

شعاع خَدَّك ينّور كل ما بنتي
حتى القمر نورك يغطي على نوره
:
ٰماالوم شايبك يوم يقول يـ بنتي
ماكل من سمي بـ نوره طلع نوره..!

***

والله ان مالي عليك اي اعتراض
خاطرك مدري ؟ وش اللي شايله

حرقة غيابك مثل - حر الرياض
في طريق خريص عز القايله

***

عطرك البارح من الضيقة كسرته
قلت : أغيّب ذكرياته في غيابك

بس كيف أكسر عطر حبٍ نثرته
في دروب العمر يوم الله / غدابك !

ـــ

تدرين والا ما تدرين
تدرين ان الجمال انتي منبعه
و ان القصيد بحسنك انتي فنى
أغار أغار أغار والله أغار
أغار لو أشوف الناس تمدحك سنه
لا يمدحك غيري تراك انت لي أنا

تشرق الشمس من تضحكين
وابدي يومي بصوت الهديل
و اضيع انا من تستحين و افديك انا
و ابوس انا هذي العيون يالبى اللي يستحون
جميل إن زاد حنون يا ويلنا!

يا عنا القلب وانتي يا أجمل عنا
من نويت إنك نصيبي وما غيرك منى
و البّسك خاتم و اصير كلك انا
يا آيةٍ في الجمال يا حظي اللي جنا

تشرق الشمس من تضحكين
وابدي يومي بصوت الهديل
و اضيع انا من تستحين و افديك انا
و ابوس انا هذي العيون يالبى اللي يستحون
جميل إن زاد حنون يا ويلنا

شعر مميز حلو تسلم على الاختيار

تدرين ان الجمال

تدرين ان الجمال

رد: تدرين ان الجمال