الود
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
المواضيع الأخيرة
» اسماء قطط حلوة لمحبين القطط
سراب الوقت

» تعرف على فوائد الشاي الاخضر
سراب الوقت

» التجارة الالكترونية في السعودية
سراب الوقت

» اسهل طريقة لعمل البان كيك الامريكي
سراب الوقت

» طريقة الكيكة الاسفنجية
سراب الوقت

» جميع فوائد التمر
سراب الوقت

» فساتين ٢٠٢١
الخوي

» رسائل عيد الاضحى مميزة
الخوي

» ربعك لمنك شفتهم صارو احزاب
جبرني الوقت

»  اكل التمر وترا
سراب الوقت

» افضل فوائد الخيار للوجه
سراب الوقت

» افضل شامبو جديد للشعر
سراب الوقت

» افضل فوائد الزعفران كاملة
سراب الوقت

» شعر الامام الشافعي عن الدنيا والناس
صاحي

» اسماء بنات كوووول عصرية
سراب الوقت

» اسماء اولاد غريبة عصرية كووول 2022
سراب الوقت

» افضل فوائد حبة الرشاد
سراب الوقت

» معلومات عن الخسوف وطريقة الصلاة
جبرني الوقت

» اسرار لعبة لودو
صاحي

» معلومات دقيقة عن السياحة في جزر القمر
صاحي

» حكم وامثال بالعربية
سراب الوقت

» اهم فوائد قشر البطيخ كاملة
سراب الوقت

» شعر غزل فاضح
سراب الوقت

» افضل فوائد بذور الشيا كاملة
سراب الوقت

» يَافَاتِنَ العَيْنَيْنِ جِئْتُكَ مُرْهَقَاً
سراب الوقت

» قصيدة نبطية مليئة بالحكم
سراب الوقت

» اسماء الله الحسنى بالصور سبحان الله العظيم
سراب الوقت

» افضل علاج تساقط الشعر 2022
سراب الوقت

» الفرق بين الرعد والبرق سبحان الذي يسبح البرق والرعد
صاحي

» شعر غزل فاحش ملعون جدا
سراب الوقت

» افضل فوائد اليانسون للمرأة
سراب الوقت

» شعر عن التكبر وشوفة النفس
صاحي

» ابيات شعر عن الموت
صاحي

» اهم معلومات عن الطاووس
سراب الوقت

» شعر عن الحسد
صاحي

» شعر عن الصديق الخاين
صاحي

» شعر عن الخيانه قصير
صاحي

» طبخات انستقرام جديدة وسهلة
سراب الوقت

» اسهل طريقة لعمل كرات اللوتس
سراب الوقت

» شعر عن العشق والهيام
سراب الوقت

» تجسس علي اي هاتف وراقب جهازك في غيابك
سراب الوقت

» Lg v هاتف ال جي في الجديد !
سراب الوقت

» طريقة عمل بريد هوتميل بسهولة
سراب الوقت

» كتابة سيرة ذاتية cv باحتراف
سراب الوقت

» طريقة عجن البيتزا بسهولة
سراب الوقت

» حبة حلاوة لتكبير الثدي
صاحي

» دعاء استوقفني
سراب الوقت

» كلام جميل ١٠٠%١٠٠
سراب الوقت

» افضل رسائل حب 2022
سراب الوقت

» حكم واقوال مميزة بالصور والكتابة
سراب الوقت

» كلمات غزل قوية ومميزة
سراب الوقت

» رسائل حب وشوق وغرام للعشاق
سراب الوقت

» حكم جديدة
سراب الوقت

» حكم مميزة 2022
سراب الوقت

» احسن دعاء مستجاب باذن الله تعالى
سراب الوقت

» اجمل حكم من افواه الفلاسفة
سراب الوقت

» حكم وامثال متنوعة ومميزة
سراب الوقت

» كلمات كبيره وكثيره عن الام الحبيبه
سراب الوقت

» اجمل كلام عن حب الوطن
سراب الوقت

» كلام حب انجليزي مترجم حلو ومميز
سراب الوقت


قصيد بدوي قديم

استعرض الموضوع التالي استعرض الموضوع السابق اذهب الى الأسفل

قصيد بدوي قديم  Empty قصيد بدوي قديم

قصيد بدوي مكتوب ، قصيد بدوي غزل ، شعر بدوي حزين ، شعر بدوي اصيل قصير ، شعر غزل بدوي تويتر ، شعر بدوي حب وغرام ، الشعر البدوي الاصيل ، شعر غزل بالعيون بدوي

قصيد بدوي قديم  252
بيني وبين إبليس حرب وعداوه
إبليس يغويني ونا في ذرى الدين
الحرب ضد إبليس تبغى ضراوه
سهل على الشيطان هزم الرديين
ابنصحك يا صاحبي بالهداوه
والدين وصانا على النصح باللين
إن كان تبغى تذوق طعم الحلاوه
خلك مواظب في صفوف المصلين
كم واحد قد ذاق طعم الشقاوه
من عقب ماطاع الهوى والشياطين
ون كان قلبك يتصف بالقساوه
ذكر الله الوالي يلينه تليين
اقرا كتاب الله تلاقي الطراوه
وتعيش في راحه وتنعم بثنتين
تعيش في الدنيا بحب ونقاوه
وتبعث مع خير البشر والنبيين

ــــــــــــــــــــــــ

جتني عن الديرهـ مراسيل وأخبار
وأزداد شوقي يوم دقو عليه
قالو ترا الديرهـ بها أسيول وأمطار
والبرق يبرق كل صبح وعشيه
والنار مشبوبه وقدرٍ على النار
وصفر الدلال مجهّزاتٍ هـنيّه
وكل النشاما وأيضاً ضيوف زوّار
مستبشرين بخير في كل نيّه
لا وا وجودك بيننا يأبن الأخيار
تاخذ وتعطي من علوماً نقيّه
قلت آهـ يا حظاً رماني بالأقدار
وأبعدت عن داري بليّا خطيّه
لو أعتذر ما به مجالٍ للاعذار
هجرتها والهجر غصباً عليه
لا تحسبون أني ليا غبت مختار
لكن ظروفي ياجماعه قويّه
أنا السجين اللي بلا قيد وجدار
مسجون تحت أوامر العسكريه

ــــــــــــــــــــــــــ

جيـتـك يــا ديـرتــي والـقـلـب مـشـتـاق
اسابـق اللحظـه عـلـى الـوصـل نــاوي
تسوقـنـي رجـلـي مـــن غـيــر ســـوّاق
أدل درب ٍ لــــــــه الــــبــــال هـــــــاوي
ابـعـتــذر لــــك عــــن طــــول الــفــراق
لـعــل عـــذري عــنــد الـغـالـيـه يــــاوي
عـــام مـضــى فـيــه الـفـضــا ضــــاق
كنـي غريـب بيـن الأ صـحـاب خــاوي
أفلاجـنـا نــورك عـلــى الـكــون بـــرّاق
وتـاريــخ مـجــدك يــذكــره كــــل راوي
حـبــي لأرضــــك زرعــتــه بـالأعـمــاق
واليـوم مـا اظنـي علـى البـعـد قــاوي
يامـا حصدنـا مــن زرعهاخـيـر دفّــاق
وياما ارتمينا في حضنهاوقت الملاوي
تظلم بي الدنياواشوفك وسط مشراق
وترجـع لـي البسمـه وطيـب الحكـاوي
لـــولا الـحـيـاء لا أحــطــك بــالاحــداق
واغـمـض أجفـانـي واعلنـهـا شـقـاوي
وربعي هواهـم داخـل النفـس منسـاق
سوقة غرام الخل فـي نفـس الهـواوي
رفعـت بيـرق وصلـهـم بالسـمـا خـفّـاق
وبـنـيـت جـســرٍ مـــا تـهــده هـقــا وي
يــا الله عـسـانـا عـلــى الـــود عـشّــاق
نــمــد حــبــلٍ مـــــا تــهـــزه بـــــلا وي
ويـــا الله وسّــــع لــنــا بــــاب الأرزاق
وجـنّـب عـبـيـدك عـــن دروب الـمـهـاوي

ــــــــــــــــــــــــــــــــ

أليا جهلت انشد ترى مابها عيب
لا تنخدع للجهل وأنت السبايـب

عيب الفتى مافية شك ولاريــب
ترك الفروض وقطع وصل القرايب

والعيب ترك ملازمات المواجيب
وتبع الردى ومجالسة كل خايب

فالتجربة برهان مافية تكذيــب
واليا جهلت انشد من القوم شايب

ولا قول يوجد شايب يعلم الغيب
الغيب يعلم به مدير الهبايــب

لاشك يوجد شايب له تجاريــب
ومن الدهر شاف الفكر والعجايب

بيض النواصي جبهته كلها شيب
من كثر ما مرت علية المصايب

قد صارع الدنيا على الخبث والطيب
فالغوص وإلا فوق روس النجايـب

ـــــــــــــــــــــــــ

بيني وبين إبليس حرب وعداوه
إبليس يغويني ونا في ذرى الدين
الحرب ضد إبليس تبغى ضراوه
سهل على الشيطان هزم الرديين
ابنصحك يا صاحبي بالهداوه
والدين وصانا على النصح باللين
إن كان تبغى تذوق طعم الحلاوه
خلك مواظب في صفوف المصلين
كم واحد قد ذاق طعم الشقاوه
من عقب ماطاع الهوى والشياطين
ون كان قلبك يتصف بالقساوه
ذكر الله الوالي يلينه تليين
اقرا كتاب الله تلاقي الطراوه
وتعيش في راحه وتنعم بثنتين
تعيش في الدنيا بحب ونقاوه
وتبعث مع خير البشر والنبيين

ــــــــــــــــــــــــ

ياما حلا المسرا ليا عسعس الليل * وضاعت شواهيق الجبال بدجاها

اليا اهـتنا في نومته بارد الحـــيل * ابعـــيد درب المرجـــله ما قواها

لاغاب عنها من كـبار الغــرابيل * مخاشرن ســــود الشيال بعــشاها

على وارد الالمان زين التفاصـيل * بي ام تنومس بالزمن من شـراها

بخوة ثنين ٍ من اخــيار الرجــاليل * ثنيــن لاشــانت وظـــلم ســـماها

مستقبلين الجدي ومودع اســـهيل * يم الـــديار اللـي عـــذين هــــواها

لون ماغــير التســلي محاصـــيل * ترفيه عـن نفــس ٍ تزايد عــــناها

من كـــثر ماحدب الحنايا مـداهيل * لهمـوم قــلب ٍ ماكــشفنا غــــطاها

خطرن تصيد النفس بعض المحابيل * واديرفي لحـــظة غـــضبنا رحاها

واطا عـلى روس الحــايا بتثقيل * واقـــدها مع وجـهها عــــن قــفاها

واشرب خليط المر حـلو الفناجيل * كــم عــلة ٍ بالــكــي يثـبـت ادواها

الحــر مايرضا عــلى نفسه المـيل * وان كان شــانت باعاها ماشراها

ويالله لطــفك بالـــيال المـــــقابيل * وبرضاك جعل النفس يكتب ارضاها



الشاعر/ صلاح مطلق بن بدوي


لمـطـر حنت رعـــوده وإلـتـعـج بـرّاقــه
صدق وهــذا أولــه فــوق الـثـرى دفـاقـي


جــاء سحـابـه حــادرٍ ممْـلـي تــدلاّ أعنـاقـه
وانتـثـر هملـولـه وســاق وسـقـى وإنـسـاقـي


مرحبـابـه عد عـيــنٍ للـحـيـا مشـتـاقـه
مرحبـا يـا إمفـرّج الضيقـه علـى مــن ضـاقـي


يــا هماليـلـه تـسـاقـي وأرفـقــي بـإدفـاقـه
أسـقـي الارض المحـيـلـه والـثــرا مشـتـاقـي


قـالـوا ان الـوسـم قـفّـا والـوســوم إشـفـاقـه
قلـت ربـي يـا عـرب هــو كـافـل الأرزاقــي


الكـريـم الـلـي يـجـود ولا بـخــل بـأرزاقــه
بـأمـره إتْـلـم الـمــزون ويـلـعـج الـبـرّاقـي


هــذي امـزونـه تهـامـل والـحـيـا بـإشـراقـه
كـل وادي سـال حتـى الـقـاع صــارت سـاقـي


وامتـلـت كــل الخـبـاري مــن زلال أوداقـــه
لـيـن عـقـب اسـبـوع بـيّـن بــاذره وادقـاقـي


ابشـروا يـا أهـل المـواشـي لا إكتـسـا بإرنـاقـه
ليتنـي مـا بعـت فــي هــاك السنـيـن إنيـاقـي



جـتْ منـاة اللـي شفوفـه مــن شـفـوف إنيـاقـه
ابـــدويٍ للـفـيـاض المـخْـضـره عـشّـاقــي


يـوم شـاف الوسـم صــدّق زال عـنْـه ارهـاقـه
مـن يلومـه غـيـر خـبْـلٍ خافـقـه مــا تـاقـي


مـيـتٍ قلـبـه وعـايـش فــي زمـانـه عـاقــه
شــفْ بـالـه لـبـسـه وتـسـكّـع الاسـواقــي


جعـل جنسـه فــي تنـاقـص قاطعـيـن السـاقـه
ليـن مــا يبـقـا لـهـم بـيـن الخـلايـق بـاقـي


الحـيـا نـبـتـه لقـلـبـي سـجّـتـه واشـواقــه
شوفـتـه تبهجـنـي وتبـعـد هـمــوم اعـمـاقـي


بـكـره إلـيـا نــوّر الـنـوّار بـيــن اوراقـــه
وإكتسـت جـرد الفيافـي هــي تـراهـا اشـواقـي


والــدلال وشـــبْ نـــارٍ بـالـدجـا شـعّـاقـه
وســط روضٍ ريــح نبـتـه ينـعـش الخـفّـاقـي



الشاعر : حسين علي العتيبي

اخطيت يوم اني طلبتك حنانك
لاصرت فاقد شي ..وشلون تعطيه
مهما نطق لي بالمشاعر… لسانك
شيٍ بدون احساس .. ما اقتنع فيه
احساسك المصنوع خنته وخانك
جاملتني به وانت تجهل ..معانيه
مني نصيحه تنفعك في زمانك
إلا شعورك .. لا تبيعه وتــشـــريه
كانك تقدر قيمه الحب .. كانك
اللي يودك .. لا تحــــاول تعنيه
يا كـثـر ما حبك فوادي وصانك
مع كـثــر ما تبعده .. كـنـــك تناديه
غيرك امانه خوف والخوف امانك
ما كل من راعاك تقدر تراعيه
حتى لو عليت بالقلب …شانك
ابقى يتيم الحب .. جرحي اقاسيه
اعذرك ..لاحطيت نفسي مكانك
لا صرت فاقد شي وشلون تعطيه


الأمير سعود بن عبد الله

جعل السحاب اللي معه برق ورعود
يمطر على دار وليفي سكنها
يسقي وطن منتوقة العنق ياسعود
مالي وطن بالعارض الا وطنها
قلبي غدا واستيسره لين العود
محد يفك القلب ياسعود منها
ساطي وفي كفه جديحه وبارود
وادخل يده بين الضلوع ودفنها
بيني وبينه وصل واسرار وعهود
مصيونة ماتدري الناس عنها
في كل عام يزود حبه بعد زود
اقفى بروحي والتوى في رسنها
اموت بين الخد وعيونه السود
وحواجب ربي بملحه قرنها
وشعر بدهن الورد والمسك مكدود
جديلة تضمني واحتضنها
ليل جمعني به عسى ليت ويعود
يبعد عن النفس الحزينة حزنها

الشاعر خلف بن هذال العتيبي

ــــــــــــــــــــــــــــ

إذا المراجـل لبسـة شمـاغ وعقـال
قــل للـعـذاري يلبـسـن العمـايـم

مـا عـاد يـفـرق زول حـرمــة ورجـــال
دام الفعايـل تشبـه البعـض دايــم

المرجـلـة ما هـيـب كلـمـة وتـنـقـال
وتـروح ما راحـت هـبـوب النسـايـم

ولا خشـونـة صــوت أو رفــع الاثـقـال
أو رزة صــــدور وفــعــل الــزلايـــم

ولا هـي بـعـد مفـتـاح مـوتـر وجــوال
والا ردى لسانـن حديـثـة شتـايـم

المرجلة شيمـه عـن القيـل والقـال
رفـيـع نفـسـن حــر بـاجـو حـايــم

المرجـلـة عـقـل وزن وزنـــه جـبــال
ودون العقـل وش فرقنـا والبهايـم

يا مسندي لومايـل الوقـت بـي مـال
يـا ولــد أبـويــه يا عـظـيـم الـعـزايـم

يا معـرب الجديـن مـن العـم والـخـال
يا نـخـوة المـفـزوع وقــت الهـزايـم

المرجلـة يا خـوي هـي طولـة البـال
هي العـزم هـي الصبـر فالظلايـم

فيـهـا الـكـرم عـــزة دلـــه وفـنـجـال
فيها الكرامه عن ردى الطبع شايم

والديـن لا منـه خــذا القـلـب مـنـزال
مشى طريق الحق وابليـس نايـم

ومن لاعـرف ربـه فـي طيـب الحـال
لابـد وقـت الضـيـق بالـهـم هـايـم

حتـى صلاتـك مـع جماعـات ورجـال
فـي خيرهـا يا خـوي نعـم الغنايـم

ولا من نصف ليلـك قـم صفـي البـال
يا عظـم اجـرك بيـن ساجـد وقايـم

ولا مـن رفـع ربـي لـه كــل الاعـمـال
حسـن الذكـر لا قالـوا فـلان صايـم

وخلك شريف القصـد يا طيـب الفـال
سـوء المقاصـد فالبيـوت الهـدايـم

واحذر تبيع النفس فـي دب الأنـذال
وتتبـع خـوي ابليـس راع النمـايـم

النفـس خيـل لــك اذا كـنـت خـيـال
ومن لا قـوى نفسـه قوتـه الهزايـم

ولا صـرت ما تـدري لـوش انـت رجـال
والله خسـارة فيـك ذبــح التمـايـم

شعر بدوي عن الرجولة:
والله ماني على مدح الرياجيل بخيل
خاصه لا جيت امدح في زحول الرّجال

المشكلة مدحهم حمل لا شلته ثقيل
من ثقلها ما يقدر عليها كبار الجمال

حتى لو تحاملت على حملها لا بد يميل
مال الجمل حيلة على حمل الاثقال

أجل وش حيله قلم بالقصايد يخيل
في معانيها صدق من مزون الخيال

قصيدة ما هي غزل فالطرف الكحيل
ولا هي عتاب وشكوة حال دون حال

قصيدة مدح في ذاك الشهم الأصيل
ابو عبدالله اللي يشهد له فوح الدّلال

سلام يا ابو عبدالله يازحول الرياجيل
سلام عد ما على الصحاري من رمال

سلام عد ماهل المطر وسال المسيل
سلام عد ما أشرقت الشمس وطل الهلال

سلام ياللي له في قلبي مقر ومقيل
فداك العمر لو ان العمر للفنا والزوال

قالوا عن حاتم ماله في الكرم مثيل
ومن ذيك العصور تضرب به الأمثال

وانا اقول ابو عبدالله حاتم هالجيل
قولوا لهتّان الكرم عندنا للكرم زلال

فديت كل حرف من اسمه به خصل نبيل
ويا حيّ الحروف اللي لها فالقلب منزال

الصّاد (صدقك) فالكلام من دون تأويل
ويا حيّ الرّجال اللي تثبت أقوالها بأفعال

الألف (آهاتك)عطني ياها لو توريني الويل
ماهمني غير شوفة بسمتك ياطيب الفال

اللام (لومك) فالحياة على كل شخص ذليل
عاش في هالدنيا وتطبع بطبع الانذال

الحاء (حبك) للمساكين وعابرين السبيل
وشموخك في هالدنيا كنّه شموخ الجبال

شوف حالي مال السّعادة بحياتي دليل
وفي غيبتك مال الصبر عندي أي مجال

النّهار اسود ما عاد به فرق مع الليل
أسهر عيوني ودمعها على الخد همال

واتجه للقبلة واطلب من الله الجليل
يالله يالله ترد من بغيابه علينا طال

تكفى تراني دخيل الله ثم عليك دخيل
مال السهر والصبر عندي أي احتمال

عطنا من باقي عمرك ووقتك القليل
ودي أدفى بك وأحس ان للعز ظلال

ليه لا شفتك تقتل فرحتي بالرّحيل
ما مداني أقولك وشلونك وكيف الحال

طلبتك تدور لأسلوب حياتك بديل
ما عاد اطيق بهالدنيا سالفه الترحال

أهمية شعر الغزل البدوي

ودّنا بالطيب بس الدهر جحّاد طيب
كل ما تخلص مع الناس كنك تغشهـا
يدك لا مدت وفا لا تحرى وش تجيب
كان جاتك سالمه حب يدك وخشهـا
كل ما شـبـيت نار المحّبه مع حبيب
قام يسحب فـي مشاهيبهـا ويرشهـا
كل ما واجهت لك في الزمن وجه غريب
مثل ما قـــال المثل دام تمشي مشها
وذمةٍ ما هيب تندان للحق المصيب
جعل قشاش الحطب لاسَرح يقتشهـا
يا عنـــا القنـــاص يالصيد المّدسم
يا كتاب الشمس وكتــاب الطلاسم
أمسك أعصابي وإذا شفتك تّبسم
كنك تكويني على الكبد بمياسم
كن بيــاضك مـن حــمارك لاتقّسم
عارض في وجنتك موكب مراسـم
حبكم سيـطر على قلبي ورسّـــم
مثل ما سيطر على بغـــداد قاسم
زاومنـي الهاجـوس ملعـون أبـو الأهـل
يقـول البـيـوت العـصـم وإياك و إياها
لا عيّنت كلمة قلت يضـرب بهـا المثـل
لقـيـنـا وراهــا كـلـمة كـّنـهــا إيــاهــا
ما تنجح مدارس فلسفـة علـم فـي جهل
والعربان ما كلٍ يقـدر يكسـب رضاهـا
يحاول قـدر الإمكـان يعنـي علـى الأقـل
يدخل في مفاهيم العرب يكسبا صغاها

الشاعر سعد بن جدلان يررحمة الله

تعــال يا ضيف المحبة أقهــويــك
في جو خالي من عيون الملاقيف
دلة غلآ تروي شعـورك وتـرويـك
بهارها راقي ع الــذوق والكيــف

بعض الوجيه جميله نفس وأطباع
ما يشبه إحساسها إلا جمال الطبيعة
وبعض الووجيه جماد لها بس بقناع
لو تكشفه تشوف لك شوفه فضيعه

ماودك تسولف اذا صرت زعلان
لـ جـل تـركـز زيــن بالـي تـقـوله
يمكن تجيب العيد وتصير ندمان
وتصير ضحكه عند ناس مغلـوله

عيش الحياه وعيشها كيف ما جات
تكسب رضـا نفـسـك ويرتاح بـالك
لاصـار ما هـي دايـمـه لك سهالات
اخـسـر ولا تخسـر رفيـقٍ صفـالك

يشتاق قلبي للمطاليق..شوق الحبيب اللي تمنى حبيبه
كنز الرجال ولا كنوز الصناديق..المال يفنى والنشاما تجيبه
رعاك ربي من عيون المخاليق..والله يصيب اللي يبي لك مصيبه

قلي وش المطلوب يا أبن الكريمين..قلي وش الصعبات وانا جملها
ازهم على صاحيين نحضر مجانين..اما كذا والا الرخامه لآهلها
لاضاق صدرك لاتخاوي مساكين..خلك مع اللي نيته مايبدلها

شعر الغزل البدوي بالعيون

صادفني بالبراقـع وأعجبنــــــي
وأودعن قلبي على حد الممات
صابني سهم العيون اللي رمنى
يرسل سهوم المنايا بلحظـات
من عيونه يذبحـن لاسلمهـن
بالهدب فوق المحاجر شاعقات
حي العيـون الناعسـات الكحيلـه
الي سهوم الموت داخـل هدبهـا
من صابته يسهـر ثمانيـن ليلـه
ويمكن تجيه منيته مـن سببهـا

قصيدة شعر غزل بدوي للشاعر البدوي عوض بن خيران

بديت لي بأبيات شعرن جديدات … وفوق السطور أكتب بيوتن جدادي
أونست يا مشكاي بالصدر ضيقات … وأن قلت راح الضيق بالصدر زادي
طرا علي اللي عيونه وسيعات … اللي مشاركني بنومي وزادي
وما ظني أنسا اللي رموشه ظليلات … وأنا ليا منه طرا وااااااهجادي
قضيت مع خلي ليالي جميلات … أنا مفادي وأهو مثلي مفادي
وأخذت أنا وياه بالحب سجات … في عشرتن ماهي بعشرة فسادي
لكن حدتني في زماني غيارات … وعيا يحقق لي زماني مرادي
حب ً وراه فراق ما فيه لذات … مثل البياض اليا غشاه السوادي
وصحيح ما قال المثل والروايات … ما تعقب النيران كود الرمادي
وخلصت مالي بالمحبه هوايات … وزرعن زرعت أصرم وجاه الحصادي
ما هو صحيح الحب كذب وخرافات … أن كنت ماني يا اهل العلم غادي
الحب بدعه ما نزلت فيه الآيات … ولا قرينا له حديثن وكادي
من بعد حبً دام خمسة سنوات … صارت نهاية حبنا شي عادي

اذ احتمى الموقف وصدو وخلوك
وضاقت بك الدنيا ولا فيه فزاع
ابشر بعزك لعنبو من عادوك
تأمر علي وانا أجيك بياع
لاتشتكي الدنيا وان حي ياخوك
يفداك راسي وكلي لك انصاع


الجود شيخ تملكه عدة اطراف..بس المراجل حالفه انك ولدها
عريب واجد وحاوين كل الأعراف..دنياك جنه بس فعلك رغدها
كن العلوم الطيبه عندك اهداف..صارت فريسه وانت كنك اسدها


قم يانديبي بالعجل واحمل النص..وصل اكتابي والأمانه على شاص
شاص خليجي للنشاما مخصص..شد البلد مضمون عن كل الأنقاص
مرسله للي يفعل الطيب مخلص..طبيعته دايم على الطيب حراص


وجودي على اللي خوته للمريض علاج..يداوي صويبن في صميم الحشى لاج
رفيق الرفيق ورفقته فوق راسي تاج..ياعله فداه اللي يخيب رجى الراجي


يشتاق قلبي للمطاليق..شوق الحبيب اللي تمنى حبيبه
كنز الرجال ولا كنوز الصناديق..المال يفنى والنشاما تجيبه
رعاك ربي من عيون المخاليق..والله يصيب اللي يبي لك مصيبه


فيني شموخ غارسه شايبي غرس..ومهما يجور الوقت مالن راسي
ابوي علمني وانا حافظ الدرس..ماأخـــــــــــــــالف سلم جدي وساسي
انا حمست العز في داخلي حمس..وهيلت فنجــــــــانه وقندت راسي


أنت الذي يرمى بك الظن ويصيب..والا الردي ماله على الظن طاقه
ساسك عريب وراسك اطيب من الطيب..وابوك يرخي للثقيله شقاقه
والأبل ليا أقفت ماتجي بالمناديب..وحنا على ماقيل ربع ورفاقه


رز الوعد ياصاحب العرف رزه..وانا خويك في نهار الطلايب
ان ضقت خذ قلبي فضاك وتنزه..نوخ بقلبي معضلات الركايب
ومثلك ليامن ضاق يبشر بعزه..ناتي بمايرضيك لو هي غصايب

قلي وش المطلوب ياأبن الكريمين..قلي وش الصعبات وانا جملها
ازهم على صاحيين نحضر مجانين..اما كذا والا الرخامه لآهلها
لاضاق صدرك لاتخاوي مساكين..خلك مع اللي نيته مايبدلها


مانيب في طرد المقفين ملزوم..مالي بهم ياطيب الفال حاجه
المسك مسك وبينه ريحة الثوم..والورد عطره ماتحبسه قزازه
المال عمره مابنى المجد للرخوم..والنذل مايقضي للأجواد حاجه


قم يانديبي زود النار بإشعال..يجذب سناها راكبين المناكيف
إدن الدلال وصك نجر على جال..خله يجر عواه يطرب هل الكيف
نبغى مع الأجواد سجه وفنجال..قبل يجي للعمر بعض الصواديف


يازعيم الطيب والا ياعقيده..انت ياشيخ المراجل والكرامه
يا فريد النوع يالقرم الوليده..تنهض يوم الوغى ثاير عسامه
سعد من هو حطك حساب برصيده..في بنوك المرجله والا الشهامه


عسى الردي ياكاسب الطيب يفداك..ماهو كفو يفداك..يفدى رجولك
انت الذي على روس الأشراف مبداك..والا الردي مهما تعب مايطولك
مدت يمينه ماتجي عند يسراك..واغلى ثيابه مايساوي نعولك





ارفع مقامك عند ربعك والأجناب..وانا عضيدك كان صارت صمايل
لاتعتقد ربع المصالح لك اصحاب..الحر حر ولا يحب الهزايل
لا طحت ماشالوك ياوافي الأنساب..من رافق الأنذال شاف الهوايل

يا حمود انا والله ماني بكذاب "

" انا عدو الكذب وانا خصيمه

من كنت طفل اصغير وادركت الاسباب "

" نفسي عزيزه ماقبلت الهضيمه

ولاخذت يمناي مدات الاصحاب "

" اصارع الدنيا بصبر وعزيمه

والعبد يبلا بالمكاره والانشاب "

" لاكنها يا مسندي ما تضيمه

ينصك باب ويفتح الله (100) باب "

" وبنت الضعِيف نعتبرها يتيمه

ما ني بمن يدرق رفيقه ليا غاب "

" ولاني بمن ياتي بليا عزيمه

سج القدم ساعه ومبداً بمرقاب "

" اخير من شوفت طيور الوليمه

ولاني براعي مونةٍ عند الانساب "

" ولاني براعي جلسةٍ مستديمه

حتى ولو كانوا عزيزين واقراب "

" البعد ما يرخص للاحباب قيمه

ولاتبع المقفي ولاحسب له احساب "

" مايتبع المقفين غير البهيمه

اجازي الطيب بطيبه ليا طاب "

" واصد عن هرج القفى والشتيمه

ولانخدع فاللي تضحك بالانياب "

" القلب جيفه والملامح وسيمه

عساه من فدوة كريمين الاشناب "

" اللي مباديهم نضاف وسليمه

الله واكبر فالبلد كننا اغراب "

" في مجتمع جله نفاق وظليمه

سود الليالي تذهب العاقل اذهاب "

" ياصل بها من ضيقة الصدر تيمه

ياكثر ماشفنا والأيام هراب "

" الوقت يمضي والمصايب مقيمه

درست درسٍ فيه من كل هنداب "

" درسٍ حكيم ومن رجالٍ حكيمه

درسني الشايب وهو ما بعد شاب "

" الله على عزه ومجده يديمه

اخذت معه سنين للعلم طلاب "

" يوم البداوة والحياة الكريمه

ذقنا بها اصناف المشقه والاتعاب "

" وذقنا بها اللذات لو هي عقيمه

وجدي عليها وجد من طاح منصاب "

" في ساعةٍربعه بذل وهزيمه

ليا نشى مزن الحيا كنه هضاب "

" على اول الوسمي تقافا رديمه

والبل جزت والها اصطفاقه وسوراب "

" قامت عن الراعي تذب الخريمه

وقالوا وقيل وجاب الأخبار من جاب "

" قالوا شهر ما شقت الشمس غيمه

وجونا العسوس وصاح فالبدو نباب "

" قالوا لقينا قافي السيل ديمه

وسقنا العشاير وانتحت جرد الارقاب "

" لاكنها جيشٍ فحلها زعيمه

وحنا ذراها يوم غارات الاجناب "

" ورثٍ لهلنا من عصورٍ قديمه

رماينا قطاع وليا رمى صاب "

"نروِ القنا والعظم نكسر صميمه

وبعد ثمان ايام والمشي ضبضاب "

" مالت على نقع الخباري محيمه

ثم فاحت الأطياب من ريح العشاب "

" يسوقها الغربي بنسمة نسيمه

وشوف الطيور اجوال واسراب ٍ اسراب "

" من ضمن لذات الربيع ونعيمه

وشوف الخزامى والنفل فيه جذاب "

" والقحويان بكل زهره رقيمه

ثم شيدوا سودٍ على خمسة اقطاب "

" بيت الشعر مجلس ومطبخ خيمه

للبن صبابٍ وللحيل قصاب "

" يا ما رموا في نارهم من هشيمه

ودارت علوم الطيب والنجر لعاب "

" في مجلسٍ مافيه ناقل نميمه

واخير ذودك بركن حول الاطناب "

" عقب العشاء والخلف حزة عتيمه

سرالها الراعي بسطلٍ ومحلاب "

" وقلت احلب الشرفا وعمره وريمه

نومك بجوٍ يسحر العين خلاب "

" والصبح يقعدك الحوار برزيمه

وساقوا على المرعى جماعات واحزاب "

" لجناب والأخرى عليها الوسيمه

وبعد ثلاث شهور من جمع الاحباب "

" اصفر عود العشب واقبل صريمه

عرقه يبس واما رقاق الورق ذاب "

" تلعب عواصيف الهبوب برميمه

وتفرقوا مسناد علوى ومجناب "

" كم عاشقٍ كبده طوتها الحريمه

وبانت نجوم القيض حرٍ وملهاب "

" واخص ساعات الهجير اللئيمه

هاذي حياتي لوبها بعض الاعجاب "

" بين البداوه والحضاره لزيمه

والحمد للفرد الصمد رب الارباب "

" كسبت بالثنتين علم وغنيمه

انا احسن الإيجاز واجيد الاطناب "

" منهج وطرح وشرح وان مال اقيمه

مثايلي نهرٍ على سفح صباب "

" شلال ماه دوا القلوب السقيمه

سمٍ على اكباد المعادين ينساب "

" ولأهل الوفا فيها وقارٍ وشيمه

لاني بمداحٍ ولاني بسباب"

" إلا ليا قابل غريمٍ غريمه

ياحمود لي عن سب الاجواد مجناب "

" ومدح الردي عيب ونفاق وجريمه

الرزق عندي اللي للارزاق وهاب "

" ماهو بفي مدح الوجيه الكضيمه

كم واحدٍ يشتم ويضلم ولاهاب "

" والظلم عاقبته تراها وخيمه

وهاذي على ما قيل شريعة الغاب "

" الربح غايه والمبادي ذميمه

وكم دعوةٍ ما دونها سترواحجاب "

" عن منزل آيآت الكتاب العضيمه

من لا رجا رحمة جزيل العطا خاب "

" رحمن كل الكون ربه رحيمه

للأثم كسابٍ وللاجر كساب "

" والموت فراق الفتى عن حميمه

اعز من تذكر يغطيك بتراب "

" اما نعيم القبر وإلا جحيمه

شرحت عن بعض المواضيع بأسهاب "

" ومريت بالأخرى خطايه هميمه

مجيت سايقها على السوق جلاب "

" هديتي لأهل العقول الفهيمه

ليا نحرف عن منهجه كل مرتاب "

" انا على نهج الأصاله نديمه

وصلوا عدد ما زل مذنب وماتاب "

" على رسول الله نبيه كليمه


الشاعر / محمد السميري العتيبي






سلامي للحبيب اللي
عيوني تنتظر شوفه
وقلبي ينبض بنبظات
يبحث عن صدى صوته

كتبت أنا في تالي الليل
بيتين...لعيون من يسوى جميع
الخلايق... الي معاهدني علي الزين
والشين...واللي بشوفه يصبح الفكر
رايق... الصاحب اللي منزله داخل العين
...هو الخوي وقت السعه والضواي

هذه بعض القصائد البدوية الغزلية
ودي بـك وابيـك وابـاك وابـغـاك
جمّعتهـا لرضـاك واختـار فيـهـا

شف ويش منها يتبع احكاك ورضـاك
واللي لك اسقـي مسمعـك لا ضميهـا

غديت (افر)احكـاي واسايـر احكـاك
وانـا تشّـرف لكنـتـي واهتويـهـا

مضمونهـا ودي بشوفتـك واهـواك
ياللي دروب اهل الـردى مـا تجيهـا

صانـك ولـي امـرك وحبـك وداراك
ولاقــدر ردع الحـظـوظ ومجيـهـا


نفسـك مهذبهـا وعـز الله ربّــاك
مايـدري ان جيـش الهيـام يغزيـهـا

الله قسم يبـلاك بـي وانـت يبـلاك
باللي سواتـي فـي العـرب يرتجيهـا

محبة (ن ) ذربه من القلـب تكسـاك
محبـة (ن) صـدق الهـوى يكتسيهـا

يامرك قلبـك بالوفـا لـي وتنهـاك
ناس (ن) على لامـاك تفـرك يديهـا

رزين عقـل ومـن مزايـا مزايـاك
نفسـك تحـب وعفـتـك تمتطيـهـا

تطيع عقل (ن) ما بعـد زل واغـواك
مشاعـرك تعصـاه ..وانـت تعصيهـا

ماشفـت منـك الا عيونـك ويمنـاك
محبـة (ن) راع الـردى مـا يبيـهـا

يقبـض فـوادي لا تخيلـت فرقـاك
ياشف عين (ن) مـا سـواك يعنيهـا

وياعزوة اخوانـك ومطلـب هـذولاك
ناس (ن) محبـة والــدك تدعيـهـا

ناس (ن) تخـدم ابيـك كلـه لعينـاك
وهـو يحسـب ان الله عليـه يهديهـا

ياجعلها تفدى علـى الارض ماطـاك
والله بمـن هــو مثلـهـا يبتليـهـا

لكـن لعـب فـي ياوليفـي تغّـلاك
و نفسي غلاك مـن الصـدود يحديهـا

تبطـي علـي وانـا هنـا واتحـراك
و كبـدي لواهيـب الصبـر تشتويـهـا


واجمّع علومك امـن هنـاك وهنـاك
وو الله لـو انهـا تنشـرى لا اشتريهـا

وعذرك (انا لاهي) يا ويش اللي الهاك
لااهـي ومر(ن)منـت لاهـي تليـهـا

كانك مشكك في الوفا والغـلا هـااك
جوالـي اقـر القائمـه كــل ابيـهـا

رقمك مع (الصادر) ولا (وارد ) اسواك
والناس في اللي ( لـم يـرد عليهـا ).

وايــاك واياني...وايـانـي ايــاك
ومن غيبة (ن) من دون عذر يحميهـا ...
_
نويت مرباع الغضي سيد الاحبـاب
قصدي يزول الجـرح زاد التهابـه

جيت وبقايل نارهم حـول الاطنـاب
بيت الشعر مطوي وباقـي زهابـه

اقفت ركايبهم ومنـي الهـدب ذاب
الدمـع يسـري والذهـل بالاجابـه

على غزير الدمع ضميت الاهـداب
صديت لين لين الدمع يقفي سحابـه

بعض الوجع يمكن تداويه الاعشـاب
وبعض الوجع يا ويل من هو سطا به

عشق بدوي لا حب ما هـو بكـذاب
يوفي ولو جرحـه تجـدد صوابـه

واليوم وصلت بيننا مثـل الاجنـاب
ذاك الغلا يـا ضيعتـه يـا سفابـه

باكر اذا جينا لهـم مثـل الاغـراب
من عقب ما كنـا الاهـل والقرابـه


الامـر لله كـل شـي لـه اسبـاب
ولا الهوى وش لي على ما اهتدى به

وشلون قلبي ما يجي اليوم منصـاب
على الكتم منقـوش بعـض الكتابـه

حتى اثر مشيه مع سهول وهضـاب
مر يجيـه ومـر مـا ينـدرى بـه

قلبي من الفرقا صويـب ومرتـاب
كنه غدى صوين من هول مـا بـه

حزني عليه انه تسبـب ولا طـاب
نظرة طبيبـه عجلـت فـي ذهابـه

ريح الخزامى والنفل زين الاطيـاب
يشدنـي ريـح السمـر فـي ثيابـه

لا اقبل نسيـم بـه خيـل وركـاب
وله في طلوع الشمس عز ومهابـه

_ هذي قصيده غزل بدوي وحضريه

الحضريه

قلنا سلام الله يا راعي الرعيه
وين الطريق اللي تودي للبلــــد
معنا غشيم ما عرف قيمة خويه
ضيعه بقفار ما فيها أحـــــــــد

البدوي
يا هلا ويا مرحبا بالنرجسيــــه
أقلطي فالدار دارك والولــــــد
ذيك خيمتنا ولا أنتي بالخليـــه
ولك أمان الله في يوم الأحــــد

الحضريه
ما لنا مجلاس يا رجل الحميه
مثلنا لا غــــاب لحظـــه يفتقـــد
غير ذالهندي عساه اليوم حيـه
لا عرف درب ولا هو اللي نشـد
البدوي
إن جلستوا مرحبا ضيوف عليـه
وإن تعذرتوا معك طير الســعـد
ما يجوز الغصب لك وأنتي بنيه
لكن العــوده ولازم مــن وعـــد
الحضريه
إن عطاني الله عمر ولي بقيه
لازم أرجع مع هلي لك يوم غــد
وإن تفارقنا تذكــرك المطيــــه
وجعل يخلفنا على ديارك رعــد


البدوي
ليتني هندي معك يا الغشـمريه
وإن ذالهندي في المفلا قعــــد
ليتني وياك نرعـــى بالرعيــــه
أو ليت قلبي خبل لا رحتي هجد


الحضريه
الله يخــليك مــا نــي ببدويـه
ما نقصني يا ولد هـــم ونكـــــد
دلنا على الخط دام الشمس حيــه
لا دنانا الليل ذالهندي رقد


البدوي
ذاك دربك من ورا ذيك الحويــــه
وأستري وجهك ولا تبديه أبــــد
وأن بغيتي تحطبي مالك لويـــه
أجعلي بيديك حبل من مســـــــد

وقصيدة جميلة بوية اخرى

بديت لي بأبيات شعرن جديدات = وفوق السطور أكتب بيوتن جدادي

أونست يا مشكاي بالصدر ضيقات = وأن قلت راح الضيق بالصدر زادي

طرا علي اللي عيونه وسيعات = اللي مشاركني بنومي و زادي

وماظني أنسا اللي رموشه ظليلات = وأنا ليا منه طرا وااااااهجادي

قضيت مع خلي ليالي جميلات = أنا مفادي وأهو مثلي مفادي

وأخذت أنا وياه بالحب سجات = في عشرتن ماهي بعشرة فسادي

لكن حدتني في زماني غيارات = وعيا يحقق لي زماني مرادي

حب ً وراه فراق مافيه لذات = مثل البياض اليا غشاه السوادي

وصحيح ماقال المثل والروايات = ماتعقب النيران كود الرمادي

وخلصت مالي بالمحبه هوايات = وزرعن زرعت أصرم وجاه الحصادي

ماهو صحيح الحب كذب وخرافات = أن كنت ماني يا اهل العلم غادي

الحب بدعه ما نزلت فيه الآيات = ولا قريناله حديثن وكادي

من بعد حبً دام خمسة سنوات = صارت نهاية حبنا شيعادي




لا غــاب عن عينك حبيب ٍ تـــوده ... ..فاحسب نجوم الليل وامرح خلاوي
هذا وانا لي عنه ياناس مـــــــده .. ..والقلب من جور المحبه شقاوي
عن جيتي يمكن عذولـه يــــــرده... ..وإلا بهجري ناعم العـود نــاوي
مسكين قلب ٍ عودالحـــب ضـــده.. ...ماهو على خفق ٍ بفرقاه قـــاوي
هجري تعدى مع هوى البال حده .. ..وبعده على قلبي كثير الــبــلاوي
حبل الوصل يرخيه وإلا يــشــــده... ..انا على درب المحبه رجاااااوي




منك انتهــينا يا مخـيـب رجـانـا ..... الصــبر طال وعذبتنا المشـاويـر
في موت حبك يجبر الله عزانـا .....بيدك رميته لا تــقـــول المقاديـر
لـولاك حنـا ماتــبـدل غـلا نـاكل .....الوفا منا ولا منـك تـــقــديـــــــر
قلنا سحابه صيف تعـبر سمانـا .....وتزول ماله في سما الحب تأثير
غدرك على نسيان حبك حـدانـا ..... هذي ســواتك ما تفيد المعاذيـر
عفناك واللي عالم فـي خفانـا .....البعد عنك ارحم وقلبك مع الغير
تبيعنـا واليـوم تـبــكـي هــوانـا .....لا يا عديم القلب فرقاك لـي خير




شفتك مع اللي صار عقبي حبيبك.....واحتارت العبره بعيني وصديت
مدري هي الصدفه لدربي تجيـبك.....مدري انا اللي في دروبك تحريت
ملكتـني واقفـيــت ربـي حسـيــبـك.....ما تعرف الرحمــه بقلب توليـــت
يا قلب جـرحـك سـبته من طبيبـك.....يا قلب لـيـتـك بالوفـــاء ما تماديـت
من حبـنا كـل السـعــاده نصـيبـك.....يا فاقد الاحســاس عــــنـي تخلـيــت
وش فايــده لا قـلـت عـنـي حبيبـك.....وانت بحياتــك يـــوم ماظـن حبـيـت




خـلاص لاتــرجـع تــرانـا سلـيـنـا.....ما كنت اصدق يـوم انـي ابنـســـاك
في بعــدكـم يامـا علــيــكـم بكيـنـا.....واليوم ما تطري على البال طرياك
واناادري انك رغــم صــدك تبينـا.....لاشك ناس ٍ ضــدنا تقصــر اخطـاك
خــل الـذي غيـر حــنــانـك علينــا.....يعطيك من قلبـه ربع ما عطينـاك
وشــعــاد لا صــار السـلام بيدينـا.....قلبــــي وقلبك بيـنهـا دارت افـــلاك
ودعـــت مــاضـي حبنـا وانـتهينـا.....وقلب ٍ نسيته يــــــوم لابـد ينـسـاك
من سكرةالحب الصناعي صحينا.....حتى المجالس عفتها خوف ذكراك
حـب ٍ جديـد ٍ غــيــــر حبـك لقـينـا.....حديتنـي جــعـــل اللــيــالــي تـحـداك




تصبح على خير ياصوت(ن) يسامرني
يدفي شعوري ليامن عانق اسماعي
ليمن سمعته يسرّيني وياخذني
مدري على وين ياخذني وانا واعي ؟
أنسى من الناس دام انه مواصلني
أبحر معا نبرته وارفع له اشراعي


جى يشوف الحال كيفه بعد ما هزه حنينه ..
وقبل يسألني سألته كيف حالك يالحبيب ؟
قال انا كني غريب مضيع دروب المدينه ..
قلت انا كني مدينه تنتظر رجعة غريب !!




مديت يدي يمها وصافحتني
وليتي سلمت ولا لها اليد مديت
حسيت انا في شيء يوم امسكتني
شيء كما الكهرب نتلني وفزيت





ليه تطعني وانا ميت بليا ؟
ماكفاك اللي حصللي قبل ساعه ؟
كن بين همومي وبينك حميا ..
جيتكم واحد وجيتوني جماعه ..
انت منا والمصايب من هنيا ..
كلكم ضدي ترى ماهي شجاعه !!




أبي وعد..ما احتمل فيه انتظارك
و أبي ليل .. مايجي بعده نهارك
ودي أدري..هي حياتي اختياري..أو اختيارك
ودي أنسى..ليلة وعدك..أنسى وعدك..ما أجيك
وش يضرك .. لو أخونك ..مره و اختارك عليك




لاهمني قربك ولاهمني رضاك
والله ولا ذكرى بقلبي تجيبك
ليله لقانا حطها حدر ماطاك
عسى وهمها في الليالي نصيبك




وكتبت اسمك وطرزته خفوقين وسهم وحروف
وكتمت السر في صدري غرام طالت سنينه
وإذا غرك هوى نفسك تصبّر وانتظر وتشوف
من اللي ياصل العليا ومن اللي تقصر يدينه
واذا قصدك تهددني تراك اسديت لي معروف
طريقٍ كنت ماحبه وقلت اليوم يازينه
دخيلك حل عن دربي ووفر لعبك المكشوف
ترى روحتك عن دربي وربي ماهي بشينه



ياللي جرحت القلب ليه المعاذير
جرحتني لا تترك الجرح تذكار
وشلون ابصبر كان شفتك مع الغير
وانا الذي عليك من نفسي اغار



ان كان قصدك تجرح الروح وتروح
عندي كفايه مابقى من جروجي
وان كان غرك قولت الناس مملوح
هذي عبارة ماتناسب طموحي

ــــــــــــــــــــــــــــــــ
يالمرتعد واجبك حق(ن) وصايب=عند الرجال اللي يعرفون المواجيب
وسمتها بحضور كل القرايب=ذبيحتك يامنقع الجود والطيب
لو مابغينا ماعلينا غصايب=لاشك ضيف البيت له حق ومصيب
جملتنا عن عايزات المعايب=يالمرتعد عادتك ستر المعازيب
يفداك من طبعه يدور السبايب=الى قام علق بالمعزب كلاليب
جربت شينات السنين النوايب=والجود من الماجود مابه تكاذيب
ترفع لك البيضا بروس الجذايب=حيثك من اللي ينطحون المصاعيب

وقال الشيخ صياح المرتعد مجاوبا مطير الحمزي السويدي الشمري قائلا:

الطيب بحجاج المشبب وهايب=والحر حر ويجذبنه مجاذيب
ثلث لنا وثلث لبيتك حلايب=والثلث للجيران هم والاصاحيب
وأم العيال اللي تنوف الحبايب=لو غبت عنها مادخل فكرك الريب
نشمية ٍ ماخلفوها زلابيب=نعم بها تسوى كثير الرعابيب
لوغلت تسترعيبك وانت غايب=احرص عليها ياحصان المطاليب
ومن جرب الدنيا وشاف العقايب=تراه مايشنا ولا يذكر العيب
واللي يسب لشبعة البطن خايب=أصل القرا زين النبا والتراحيب

رحم الله الشيخ صياح المرتعد الذي سجل هذه المفخره لربعه وقبيلته وتبقى هذه القصه من قصص الشيم
ومكارم الاخلاق في ارض الجزيره العربيه التي انجبت الكثير من امثال الشيخ صياح المرتعد

ــــــــــــــــــــــــــــــــــــــــــــــــــــــ


قالو: لاتاخذ البنت على زين خدها ,,,, أياك بنت النذل تاطا فراشها

وقالو: وصيتنا بنت النذل لاتاخذونها ,,,, يجي ولدها من تلى الخال خايب

(جمله) ونه لا حس ولا خبر ,,, (الشيخ لايعرف أن نطاح عاد ولا يدري عن المشكله التي سوتها جمله) جمله عندما عاد الشيخ شافته من بعيد وعندما شافته زهمت يم بيت اهلها , (نطاح ) عاد يم البيت ون أبوه على فراشه سلم عليه وحب على أيده وخاطر(نطاح) ما هي زينه لما شافو الشيخ ما نشده عن مشواره نادا نطاح على جمله ونها ما هي هنيه قال للقهوجي وين عمتك رد القهوجي مادري ياعمي أزهم يم بيت أهلها أذا كانت عندهم وخلها تجي ,,, رجعت جمله يم البيت بعد ما علمها القهوجي أن نطاح يبيها رجعت ون وجها أسود مثل قاع الصاج قال نطاح وش بلاكي ما أغيب ونك قالبه سحنت وجهك وش فيه ,, قالت وش فيه ويش أقولك الصبح أخوك دور الفاينه عندي والحين جا دور أبوك الشايب قالها علميني قالت لما طلعت أنت من البيت عاود الشايب ولاذ على بالمحرم ما عرفت بلى الشايب يدور الفاينه عندي وفليت يم اهلي وصرخ نطاح وقال ألله لايبارك لصايل وأبو صايل دورو عند أمرتي الفاينه عندما سمع الشيخ هالهرج وقع على البلاد ,,,, نطاح شد على فرسه وخذا الشقاق وحرمته وهف على وجه يدور على ديره ثانيه يعيش أبها .

عاد صايل الى البيت وان أبوه موجود ومريض بالفراش سأل أبوه وش فيه قال حرمت أخوك أتهمتنا أنا وانت ندور عندها الفاينه ألله لا يبارك أبها بنت النذل
واخوك زمها وهف على وجه يدور عرب ثانيه تألم صايل من هالهرجه وقال الشيخ لصايل والله يا ولدي ما دورت الحرام وانا ولد كيف أدورها وانا شايب لكن هاذي سوالف جمله وأمها ألله لا يبارك بيهن بعد عدت ايام لما عرف الشيخ وين صار ولدو نطاح وأي عرب عايش عندهم نادى رجل من وجه العرب ودزه يم نطاح ويعلمه أن هرجة أمرته وتهمتها لشيخ وصايل انها كذب بكذب ما رد نطاح على الكلام وقال : عيني ما تشوف عينهم ولن شفت واحد منهم أنا ذباح له .
رجع المرسال وعلم الشيخ برد نطاح ,,, وبعد ثلاثة سنوات من هذه المشكله وفي ليله من الليالي بعد ان فضت التعليله من عند الشيخ مسك هالربابه وقال هالبويتات وقال:

يانطاح أفهم قصتي يوم أوصيك ,,,, عساك تسعد من توافيق مولاك

النمنمة والوسوسة لا تباريك ,,,, أياك لدغ الغافل أياك وأياك

عندك أهرجوا بي وعندي هرجوا بيك ,,,, أصبحت تبغضنا وحنا كرهناك

الضيف لا تنطيه مقرن علا بيك ,,,, خله صديقآ لك حبيبآ أليا جاك

لو هو عدوك لا أتخليه يلغاك ,,,, حذرك تخلي ناصى البيت يشناك

وأحشم أخوك أللي مع الربع يقديك ,,,, لا تنمسد ما بين ذولا و ذولاك

لاتاخذ أللي تبعدك عن مشاحيك ,,,, لو أنها زين الشمس ولا القمر ذاك

تصبح كما المجري تنبح حواليك ,,,, أن طعتها بشور جارت على اخوك

أدب أبنيك لا تخليه يالاك ,,,, لن تمرد صار من أكبر اعداك

أحفظ حلالك من مواهيف تاذيك ,,,, ألمال يخلي الناس تنصاك

هذيك (مكه) لو ولاها ولد أخوك ,,,, لو تطلبه أربع دواوين ما نطاك


يا والدي يا والدي كيف أجازيك ,,, يا جنة الفردوس يا أبوي ما واك

أدمح لنا يا أبوي ألله يحميك ,,, يسعد حياتك في صباحك وممساك

بنت الهفيه عكرت كل ما فيك ,,, القلب عافه ريتها من فدايــــــك

يحرم علي شوفها وأنا ناصيك ,,, لازحف على صدري من الصبح لا ناصيك

يا والدي لا تحرمني من مراضيك ,,, أريد قرب أبوي وبوس ما طـــــاك
صاحي
صاحي


الرجوع الى أعلى الصفحة اذهب الى الأسفل

قصيد بدوي قديم  Empty رد: قصيد بدوي قديم

ابيات شعر مميزه وراقية تسلم على الاختيار الحلو

شوق


الرجوع الى أعلى الصفحة اذهب الى الأسفل

استعرض الموضوع التالي استعرض الموضوع السابق الرجوع الى أعلى الصفحة

- مواضيع مماثلة
َ